السلام عليكم
شباب
انا نزلي حفز هذا الشهر وهي أول مره أخذ الالفين فيها وسبحان الله هذا الشهر توظفت في القطاع الخاص يعني كلها كم اسبوع وينقطع عني حافز
سؤالي هو
اذا لا سمح الله تعطلت للمره الثانيه لسبب ما بعد هذي الوظيفه أقدر أقدم على حافز مره ثانيه عشان يدعمني ؟؟
او لا
هيا مرة واحده بس ؟؟

تقدر بسسس بعد ماتمضي 3 شهووور ع جلوسكك بدوون وظيفه ... تقدر تقدم مره ثانييه

وبعدين شننو لك بحافز .. خليكك بوظيفتكك وموفق ان شاء الله


دعواتكك لي بالوظيفه بدل حافز اللي مجنننااا

وعليكم السلام

ايوا عادي اذا طلعت من الوظيفة يقبل حافز طالما انك مو على رأس العمل

تعتبر عاطل

بس تنتظر 3 شهور او 6 شهور مو متأكدة كم بالضبط وثم تسوي اعادة طلب لحافز

توقعت 80% انه اجابتكم راح تكون "لا ما تقدري"
جزاكم الله خير
بس حبيت أتطمن
أكيد ماني ناويه اترك الوظيفه عشان حافز خاصة انها اول وظيفه ليا بعد ثمان شهور تقريبا عطاله بس الواحد ما يدري يمكن تجيه ظروف ومايقدر يستمر بالعمل
لان وظيفتي اتوقع بتكون متعبه بالنسبه ليا بما اني تعودت عالراحه والفضاوه
فترتين اربع ساعات الصباح واربع ساعات بعد العصر ومافي اجازات الا الاعياد براتب 3000 بعد التامينات اعتقد بيصير 2700
بس راح أتحمل عشان عندي اشياء كثيره ابغى اقدمها وعشان الخبره و أخذ راتب بجهدي
ادعولي بالتوفيق ^_^

والله احتمال اختي يمشيلك على حسب بعض الأحيان تمشي عليهم مايدرون انك متوظفه
سمعت عن كذا واحد متوظف وينزله حافز