بسم الله الرحمن الرحيم

السلام عليكم ورحمه الله وبركاته

أخواني واخيرآ تم موافقتي في باب رزق لدعمهم لي بمشروعي (زينه سيارات)

وراح ابدأ فيه من يوم غداً او بعده ان شاءالله

وابغى نصايحكم لي .. والي عنده خبره لايبخل علي
واسم المحل ايش اسميه ومتردد في اسم (البليزر) او (الليزر)

ابغى نصايحكم لي

طبعاً المحل في منطقة حائل

اول شي

الله يوفقك

ثاني شي

اهممم شي بالموضوع كهربائي ممممتاااز

وبالتوفيق الاسم اشوف كلهن مناسبات

لاتنسى تخبرنا مكان المحل علشان نمر عليك

اجزم ان هذي التجارة رائدة في حائل وان لم أزرها من قبل لكن اسمع

- التوفيق من رب العالمين اولا وأخيرا ولكن عليك ان تقدم كل ما عندك لتطوير المحل وجعله افضل من غيره
- خل خيار التوسع والتطوير حاجة رئيسية ولا تتعب من البداية لان الأرباح يبيلها صبر
- اهتم بالمظهر الخارجي والداخلي بدون تكلف والأسامي اللي قلتها ممتازة
- اعرف زبائنك : ركز ع فئة معينة مثل الشباب بين ( 15 - 35 ) ووفر لهم احتياجاتهم بأسلوب تسويقي محبب لهم ، وهذا لا يعني إهمال الفئات الاخرى ولكن اقصد ان تهتم اكثر بالفئة اللي تشوف انها اهم
- العمالة المحترفة واللي تتعامل مع الزبون بمصداقية واحترام واستلطاف ( حاجة مهمة )
- أسعى لتوفير الافضل من حيث الجودة والأنسب من حيث السعر ، ووفر حاجيات لا تتوفر عند غيرك
- التسويق للمحل يبدأ من قبل افتتاح المحل ولا ينتهي الا بإغلاق المحل ( سوق للمحل من بالإعلان اللي ما فيه تكلف ، واكسب الزبون ولا تخسره ، وسوق للمحل بتعامله مع الزبائن وجودة العمل والمنتج اللي توفره )
- حاول تكون شراكات مع اهل الورش والمحلات اللي تسير في نفس السياق وتعلن لهم في محلك ويعلنون لك
- وفر امتيازات للزبون مثال ( بطاقة باسم الزبون ) يكون له خصم بنسبة معينة لا تؤثر على ربحك ولكن حتى تضمن استمراريته
- لا تشتري كميات كبيرة حتى تضمن تصريفها ، وابحث عن الأرخص والأفضل والمفضل للزبائن


بالتوفيق

ألف مبروك ....

يلا جاء وقت الجد ,, شد حيلك

[align=center]

ماشاء الله تبارك الله
الف الف مبرووووووك الله يوفقك ويسهل امرك ياكريم
الامانه واناخوك وصدق مع العملاء وترى الناس مو سوا . التجارة يبيلها صبر حيل وتحمل كل شي .
الصافي المتبقي لك اعط جزء منه لاهلك عشان الله يبارك لك فيها ويدعولك بها او بدونها لكن كي تحسس اهلك وهذا واجب وخصوصا والديك .


الاسماء
زينتي
زينون
زبرقة
شمالي للزينة
سطا
نيو للزينة

هذا اللي يحضرني الله يوفقك وعقبال الفروع ان شاء الله

موفق
[/align]

يالغالي الله يوفقك يارب بمشروعك اذذا في جدة اولا زبون انا


يالغالي كيف قدمت عليهم وكيف مشت المور
ابي اقدم عليه بخصوص بوفيه بس مانبي عارف الطريقه

جزاكم الله الف خير على تفاعلكم ونصايحكم

والله يباركم فيكم جميع

90%اخترنا اسم نيو للزينة

اما الموقع والديكور وكل شئ راح انزل له هنا صور من البداية للنهاية ان شاءالله

ولايغرك صغر سني تمت مراسلتك بالخاص

,,,,,,,,,,,,,,,,,,

بخصوص طابعة الستكرات ياشباب الي تطبع شعاراات البلاك بيري .. وغيرها
من عنده خلفيها عنها فيه ناس تنصح فيها مع العلم قيمتها 18 الف ريال

المــوجـود اذا انت بـ جده انصحك تفتح. محــل بـكيلو2 او كيلو7 لنه محلات زيـنه سيـآرات..

اتمنى لك التوفيق

للاسف ماني من جده من عروس الشمال

ابغى تفاعل اكثر ماعاد فيه وقت بنبدأ ان شاءالله

ربي يسعدكم