السلام عليكم
بنات بشاوركم أنا محتارة شوي ساعدوني
أنا مقدمة الحين على كلية الجبيل حق الاعادة و الاختبار مثل مانتوا عارفين صار الثلاثاء و الحمدلله بالنسبة لي زين لأن جامعة فيصل اتصلوا علي و قالوا لي إني مرشحة حق المقابلة للماجستير لأني مقدمة و اختبرت اختبار القبول و قدمت زين و مقابلتي قالت يوم الأحد في البداية احترت من امري شسوي قلتلهم يأجلونها قالوا خلاص تعالي الأثنين بعدين جاتني رسالة بتأجيل اختبار الجبيل و الحين بضطر ارجع الحسا و اقدم مقابلتي حقت الماستر و الأثنين بجي الدمام عشان روحة الجبيل >>> أدري إني قصة
المهم سؤالي أنا محتارة و خايفة بنفس الوقت حابة أسألكم لو الله قدر و كتب إنو انقبل في الأثنين شسوي في هالحالة ومثل مانتوا عارفين إنو جامعة الدمام طالبة ابتعاث خارجي حق المعيدين فما أدري هل لو انقبلت في الماستر أقدر اواجههم بالأمر الواقع و اقول أنا خلاص انقبلت ماستر داخلي و هذا قبولي لأني ماقدر على الابتعاث الخارجي لعدة أسباب اولها ماعندي محرم ثانيها ماعندي هذيك اللغة ثالثا ماني قادرة أتصور إني أدرس بالإنجلش
أبي أرائكم مادري لأنو عندي إحساس انو راح انقبل في الأثنين بحكم معدلي ولله الحمد وقدراتي
و الله يبارك فيكم

لااااااااااااا اصحك تسوين كذا هم مايقبلون بالداخل حتي لو جبتي قبول اعرف الكثير رفضو هم يبون خارجي وان شاء الله ان انقبلتي ليه ماتروحين انتي بتدريسين الماستر سواء داخلي او خارجي بالانجليزي الحين بكالريوس بيصير بالانجليزي فلا تخلاين الغه عآئق حمد الله مناقصك شي اما سالفه المحرم خليها علي الله ماتدرين يمكن يجيك نصيب وتاخذينه معك اهم شي العائله مو رافضه المبدا لان من اول سنه رح يسالونك ليه ماجبتي قبول الله يسهلها ان شاء الله ويكتبلك مافيه الخير الابسالك انتي ايش تخصصك؟
وبالتوفيق للجميع ادعولي الله يسهلها علي والله مره متازمه

يامفحطة بكعب انتي مقدمة ماجستير ايش بجامعة فيصل لان اللي اعرفة من صديقاتي انهم سووالهم مقابلة شخصية الاسبوع اللي راح ماجستير تربية خاصة

حبيبتي ريماس طلي علينا وطمنينا

مفحطة فعلاً انتبهي انتبهي تجيبين طاري عوائق الابتعاث بالمقابلة لأنه شرط اساسي
وانا من رأي تشدين حيلك بالفرصتين وإذا حصل القبول يحلها حلال
ولا تفكرين بالمشكلة فكري بالواقع وخلي المستقبل على الله


سديم لا تفوتين شي وابذلي السبب والتعارض إذا انقبلتي
وربي يوفقك

وربي يعوضك خير يا حلمي وتحقق ولعلها خيرة

الله يوفقكم .. جميل منهم انهم اجلو الاختبار
هذي فرصة للمذاكره
الله يوفقكم جميعا

وين فرصة للمذاكرة مايجيبون ولاشي من اللي ذاكرناه مدري من وين يطلعون الاسئلة

المشكلة مو كل الاقسام نزلوا لهم مراجع
الله يعين وييسر

مشكورين بنات على الردود و النصايح
و أسفة تأخرت بالرد ما كان عندي نت امس
أنا قسمي تربية خاصة و معدلي ممتاز
و مقدمة في جامعة فيصل على ماجستير التوجيه و الارشاد النفسي
أنا بجرب حظي في الفرصتين و الله يكتب لي اللي فيه الخير
أنا في البداية بشوف إذا قبلوني الماستر لأنو احتمال نتيجته تطلع قبل الإعادة خلاص بكنسل موضوع الإعادة لأنو موضوع الإبتعاث مرة صعب علي أما لو مانقبلت يمكن ربي يكتبها لي بالإعادة و بحاول على الإبتعاث بس صح بسألكم الحين عادي لو أختار جامعة إحدى الدول العربية أو الخليجية أكمل فيها و إلا لازم أوروبية أنا بصراحة ودي أكمل بجامعة الأردن لأنهم متخصصين بالتربية الخاصة يعني ممكن يسمحون لي هذا ابتعاث خارجي بعد شيبون اما اوروبا مستحيل اروح
و الله ييسرها