مثل ايش اسئلة المناقشة؟؟ ياليت تعطونا نماذج بكره مقابلتي وحابة اخد فكره

اول شي بتعرفي عن نفسك
بعد كذا بتسوي العرض ، وبعدين يناقشوك في العرض
و بس و الكلام يجر بعضه على حسب جوابك يجي السؤال الثاني
وبس مافي شي و المقابله اقل من نص ساعه تقريبا

السلام

ركزي على كل كلمة بالعرض حقك يعني إذا كان فيه مثلا كلمة قياس أو تقويم بقولك عرفيها أو قارني زي ما حصل مع بعض البنات قبلي يعني أغلب الأسئله عن الكلمات الموجوده بالعرض و لا ترتبكين و خلي صوتك واضح و فيه بنت سألها الدكتور عن مساوئها و جاوبت المثاليه قالها إنتي تشوفي المثاليه عيب قالت إذا ماكان شغلي كامل فكأني ما سويت شي ... ( من هالكلام ) أنا الدكتور سألني سؤال و تراهن معاي إذا حليته يعطيني الدرجه كامله قالي تعرفين الإختبارات الإسقاطية ( وأنا قبلها بيوم كنت ألخص لأختي كتاب مبادئ علم النفس و قريت عنها ) فجاوبت السؤال هو ما قال شي بس الدكتور اللي جنبه الله يهداه قال لا و خطأ و غيره من هالكلام مع أن الدكتور اللي سأل ما علق و بعض الموجودات قالوا صح كلامها يمكن قصد يربكني أو شي من هالقبيل الله العالم
بالتوفيق

طموحاتي تصدقين اننا قعدنا لحوالي الساعه 1 و عليها
و قالت لنا المعيده اللي معانا قاعده يمكن للساعه 3 بس هم استعجلوا علينا اصلا العرض حقي ما كملته بس بدايته بعدها على طول أسئله يمكن عرضت لمدة دقيقتين بس و اللي قبلي قعدت 5 دقايق

انا توقعت يصير كذا ، انا عرضي جدا كان بسيط اخترت رؤوس اقلام لاني عارفه انهم بيدققون
وكانو الدكتورات يسالون الدكتور ما سألني كثر واغلب اسألته مستقبلية ههههه يمكن كان رايق وما ضاقت عليه
كمان العرض حقي قصير خلصته في اقل من عشر دقايق لدرجة انه قال راح اعطيك وقت زياده لا تستعجلي
انا شوي كنت سريعه بالنسبه له مع ان الدكتوره ناديه قالت عرضي وسرعتي تمام بس مدري ليه
انا تركيزهم كان على الكتب اللي قريتها و موضوع الانشطة اللي سويتها مع الدكتوره
وبس

انا عرضت بس 5 او 4 شرائح بس والدكتور استلمني اسئلة باخيه الدكتور ناديه تجنن تجنن وقفت معي ماشاء الله عليها قمه الاخلاق
حنا في علم النفس 8 طالبات تقريبا الي حضرو المقابله ويبغون 2 يمكن ماعطو جواب دقيق
احد عنده فكره متى رح يردو بالقبول ؟؟

من ناحية الرد ليلهم طويل خخخخ
^ من خبره

من كلامكم يظهر أني الوحيد اللي تعمق في الدرس

إذ أن العرض تضمن 13 شريحة
مضمون الدرس وصياغته كانت من جهدي 100%
دعمت مضمون الدرس بمقولات تروبوية لعلماء ومفكرين إسلاميين مثل ابن خلدون وابن مسكويه وعمرو بن عتبه
والأهم من كل هذا أني عملت دراسة ميدانية "مبسطه" عن الموضوع حيث قمت بعمل إستبيان شمل 77 طالب من مدارس مختلفه في الدمام وعرضت النتائج على اللجنه

من ناحية الدرس الوضع كان Perfect لكن تجاوبي مع أسئلة اللجنه العميقه والغريبه كان متوسط

المصادفه الغريبه أننا نحن المتقدمين الثلاثه على قسم التربيه تخصصنا علوم!
واحد علوم إبتدائي وأنا وزميلي مسار فيزياء

عموما إن شاء الله خير والله يوفق الجميع

أفكر بعمل زياره خطافيه للكلية يوم الأربعاء القادم

موفق,, للأسف حنا ماعطونا مجال نكمل عرض الشرايح من 17 شريحه ماعرضت الا اربع شرائح يعني التعب كله راح كذا حتى لو كان العدد كبير كان المفروض يعطو مجال اكثر علشان تظهر قدرتنا
ياليت ترد لينا خبر عن وقت ظهور النتائج
والله يوفق الجميع

الله يستر

سالالا ماشاء الله تبارك الله
أن شاء الله تكون الإعاده من نصيبك ومن نصيب خواتنا طموحاتي و أم أبيها
حسستني إني ولا شي بالعرض حقي ( رحم الله إمرئ عرف قدر نفسه ) و الله يعوضني و يعوض الجميع خير