معليش اسمح لي بأقسو عليك شوي ..

10 سنين عاطل ليه ؟
هل بحثت وعملت بالأسباب ؟
هل دعوت الله عز وجل في ثلث الليل الأخير انه يرزقك بالوظيفة المناسبة ؟
هل استغفرت الله 1000 مرة في اليوم ؟
هل تصدقت بريال واحد كل يوم ؟

هل تعلمت كيفية كتابة السيرة الذاتية بإحتراف ؟
هل تعلمت كيف تسوق سيرتك الذاتية على الشركات ؟
او انك تبغى الوظيفة تنزل عليك من السماء ؟

حبيبي , معليش انا ما ابي غير مصلحتك ..
صح كلنا نبي نتوظف ونعيش ونستقر بحياة سعيدة وراتب كويس ..
ولكن هل عملت على نفسك ؟
ولا انك جالس في البيت وتشكي همك على من حولك .. وتقول والله ما لقيت ؟

الأجنبي يجي لبلدنا ما معه غير ثوبة .. ويرجع معه ثروة تقدر بملايين .. ظنك لأنه لقى وظيفة ؟
لا والله بل اجتهد على نفسه وحصل نصيبة واخذه بفضل تستر المواطن عليه والعمل على حسابه الخاص

شوف اذا بتقولي ما معي شهادة بأقولك الدنيا بخير .. وبلدنا ترمي ريال فيه يرجع لك عشرة ..
ولا تعتمد على على الناس في طلب الرزق وأطلب الرزق من خالق الناس ومقسم الأرزاق ..

اصلح فيما بينك وبين الله .. ما تصلي , استغفر وصل وواظب على صلواتك في المسجد مع الجماعة
صل الفجر مع الجماعة - فمن صل الفجر في جماعة فهو في ذمة الله - يعني في حفظ الله ورعايته طول اليوم ..
وصل الوتر وادع الله في سجودك - اقرب ما يكون العبد من ربه وهو ساجد - ادع له واشك له همك وقله انك تبي وظيفة ..
يا اخي ليش نشكي همومنا للبشر ورب البشر يسمعنا ويشوفنا ويحس فينا ؟

لا غشاك الليل وأسرف بك الحزن العميق .. جنب وجيه البشر وأسجد لخالقها

نفسك حرة لا ترخصها للناس وارفعها لرب الناس خالقها وكاتب مستقبلها ونهايتها وعالم خفاياها ومجمل ما فيها ..

والله اننا في نعمة في هالبلد .. ولكن ما اعتمدنا على انفسنا واتكلنا على الغير في كل شيء ..

انت تدري ان الخضار والفواكة لو تشتغل فيه تبيع وتشتري ان دخلك في اليوم ما يقل عن 1500 ريال يومياً ؟
تخصم منها 1000 ريال بضاعه جديدة .. ومكسب صافي لك 500 ريال * 30 يوم , شهر = 15,000 ريال شهرياً !!

وترى هالسوق طالبين الزامي السعودة فيه ..
ورح وشوف سوق العزيزية في الرياض اكبر سوق خضار في الخليج اللي فيه كله اجانب ياخذون رواتب وزراء كل شهر بعرق جبينهم .. واحنا جالسين نندب الحظ ونقول ما لقينا وظايف وما لقينا عمل ..

عبودية هالقرن هي الوظيفة .. والعمل الحر يطلع لك دبل ما تطلعه في الوظيفة ثلاث مرات على الأقل ..

فهل فكرت في العمل الحر ؟

غير كذا الشركات الكبيرة الآن تبحث ووتعمل جاهدة انها تحصل على سعودي واحد بعد برنامج نطاقات .. من وزارة العمل ..

قدمت على شركات ؟
ولا تنتظر وظيفة حكومية تعيش عليها براتب قليل .. وضمان 2000 ريال بعد التقاعد ؟

عموماً أخوي .. أدري اني ثقلت عليك
ولكن أعمل بنفسك وجهدك .. وبتلاقي رزقك جايك .. وأعلم أن الله مع طالب الرزق ..
أسعى يا عبدي وسلني أعطيك ..

توكل على الله في جميع امورك .. وقل :
بسم الله وتوكلت على الله ولا حول ولا قوة الا بالله ..

فمن قالها قالت له الملائكة : كُفيت وهُديت ووقيت ..
تخيل ان الملائكة حولك تحميك وتدلك الطريق وتكفيك شر الناس وشر الأمور .. بنظر الله عز وجل ..

اللهم لك الحمد والشكر على نعمك وفضلك ورحمتك ..

الله يوفقك أخوي ,

وخذ هذه قاعدة بيانات جمعتها في يوم من الأيام كنت عاطلا ً
فأجتهدت لمدة سنة لأخرج بهذا الكم من المعلومات من فاكسات وايميلات واسماء شركات وهيئات وحكومة
وحينها عرفت أن سنة الله في الكون : أن يختبرك أولاً وبعدها يعطيك الدرس .. عكس حياتنا التي تعطيك الدرس أولاً وبعدها الإختبار ..

اخوي في نهاية كلامي ..
اجتهدت على نفسك وأصلحها لتصلح انت .. واعتمد على الله في جميع امورك ولا تعتمد على الناس
وأعمل لله واطلب العلم لله واطلب الرزق من الله , ورسولنا الكريم صلى الله عليه وسلم يقول :
إن ربكم حييٌ كريم يستحي من عبده إذا رفع إليه يديه أن يردهما صفراً خائبتين .

خذ هذا الرابط وحمله عندك وأجتهد في تقديمك على الشركات وما تراه مناسباً لك ..
وستجد الفائدة بإذن الله بعد توكلك عليه سبحانه :

http://www.mediafire.com/?5bbi9h26bb9gzfy


--

الله يوفقك اخوي ..
وآسف على الإطالة والقسوة التي اريد منها مصلحة نفسي أولاً ومصلحة الآخرين من حولي

اخوي اذا معك شهادة مهنية فوق الثانوية روح مكتب الجنيد تعبع القوات البرية فيه التقديمات مفتوحة طواال السنة وراتب حلوة والرتبة على حسب مؤهلك عند سلاح الصيانة وسلاح المهندسين والمضلات وقطاع الصيانة في القاعدة الجوية وغيرها كثير الحق عمرك يا خوي قسم بالله انو الشباب هناك مسوين زحمة واعلى الشهادات على مكتب التجنيد والله يوفقك اشاء الله

الله يرزقك بالوظيفه اللي تريحك ياااااااارب

الله يرزقك