السلام عليكم ورحمه الله وبركاته ،،
انا وضعت الموضوع الي غير موهل بسبب انه منسحب

انا اول شي عندي سوال في احد انسحب من جامعه وتآهل ؟؟

ثانيآ
آنا غير موهل لـ3 مرات على التوالي .. والسبب اني منسحب من ( جامعه القصيم )

وانا الحين لي 9 شهور وكانت المكافئه مقطوعه لهآ سنة ونص وانا مكمل درآسه وانسحبت بتآريخ 1432/8/23

وكلمت موظف حافز زمان قال لي رح اسقط اسمك من الجامعه رحت لهم قالو مانسقط اي اسم
لازم شهادته وفـآة يعني يبوني امووت عشان يسقطون اسمي وحافز يقول اسقط اسمك
يعني نلعب ( اتحداك تتآهل )

وادق عليهم قالو عدل من الاحوال من طالب الى متسبب وعدلتها وارسلت طلب من شهر 3

ولا نفع فيهم ومقدم اعتراض لـه 3 شهور ولا ردو وكل مادق نفس الموضوع انتظر انتظر

وش اسوي ارسلت طلب كذآ مره

وش رايكم بآلله
اسوي اعاده تقديم طلب ؟؟

هههههههههههههههههههههههههههههههههههههههههههههههههه ههههههه

ضحكت من قلب

الله يعينك والله

انو نفس حالتك بسس متخخررجه

لي تسعه شهور متخررجه وماشملني حافززز

يعني وش سالفتهم باخلين علينا ب/ 2000 طيب مانبي الوظيفه نبي نتوظف وبرااتب حلووو

ع الاقل راتب 4000

وبعدها مانبي حافزهم الي ذلونا عليه

و الله انا زيك انسحبت من الجامعة صار لية سنة و نص منسحب ، و متاهل 3 مرات و الحين طلع لية غير متأهل بسبب انة اسمي في جامعة جازان وش العب ذا و انا منسحب و صار لية 3 اشهر متاهل..

كلمت الحين الموظفة قالت عطني رقم السجل المدني ورقم جوالك و ارفع لك طلب و اهم راح يدقون عليك اليوم او بكرة

انا منسحبه من الجامعه من بداية ه السمستر وسجلت بحافز و طلع لي بشهر ربيع الاول غير مؤهل لوجود اسمك ... الخ


قلت يمكن لانو ملفي لسا ب الجامعه !
وماصار لي فتره على انسحآبي :/



الموهم اني توني امس قلت بسوي اعاده طلب واجرب حظي
زي وحده من صديقاتي منسحبه صار لها سنتين وطلع لها مؤهل وملفها لسا ب الجامعه !!


الدنيا حظوظ

هلا فيكم منورين
الله يعين والله من هالحـآفز ،،
اما اذا قال هات اعتراض اعرف انه التصريفه هههههههههه
والله اعتراض مقدمه له 3 شهور وقرب يصر 4 شهور
وكل ماعطيهم رقم الاعتراض الموظف بنفسه ينصدم ،، يقول ليه ماوافقو عليك
خل ارفع لك ملاحظه ،،

فمـآ ادري وش رايكم اسوي اعاده تقديم طلب ؟ ولا ننتظر ،، المشكله انه قربت اصك سنه من انسحابي عشان يكون مالهم عذر اذا قالو كمل سنة من انساحبك !!

ياليت ابو متعب يشوف هذي التعليقات و يشوف معاناة الناس توكلو علينا ناس ما يعرفون الله طرفة عين انا تاهلت 3 اشهر و الحين طلع غير مؤهل بسبب اسمي في الجامعة مع اني منسحب من الجامعة صا لية سنة و نص

انا كنت منسحبه من الجامعه
والحين انا طالبه في جامعة فيصل انتساب مطور وعلى فكره ببلاش والاقسام تربيه خاصه وادارة اعمال
ماشملني حافز لاني ماقدمت بس صديقتي نفس حالتي تدرس وينزل لها حافز
انا اقول اقعد وراهم احرق عليهم التلفون
زورهم كل يوم لين يحفظووون اسمك ويسجلونك غصب عنهم واذا المشكله من جامعتك السابقه انشب للمدير لييييين يكره حياته ويتوب ويعدل اوراقك
مايضيع حق وراه مطالب
وفالك حافز ان شاء الله

انا لي ٩ شهور متخرجه من جامعة القصيم الزفت اول مرة اتاهل هالشهر
وصديقتي قالوا لها اسقطي اسمك وللحين ماتاهلت وكل يوم شيل وحط بالجامعة
الله يعينك *

اخوي فؤاد الطالبي رح كلم الجماعه يسقطون اسمك يمكن جامعتكم ابرك من جامعه القصيم الي ترفض اسقاط اي اسم لازم تجيب لهم شهاده وفـآه ،، ؟؟
يعني لما تروح يرفضون ،، مايسقطون الا المتوفين بسس !!!
سلامات وش يبون باسمي من زينه ،، معذبهم انا يالبروفيسور متحفظين باسمي

ورح لا الاحوال عدل يمكن تتوفق وتتاهل مره ثاني
انا سويت كل الي طلبوه ،، بس مامن حظ

البلا من جماعه القصيم انا لو اني بالقصيم كان كل يوم ناشب لهم بس القصيم بيعد عني 500 كيلو
لو بروح مشوار على هالاسقآط رحت مره وتعنيت ورفضو