$$ تــجـمـع امــن الســـفارات $$ الدوره التاهيليه رقم (11) $$

تركي الغبيوي · #**2021** (**permalink**) 26-06-2012, 02:45 AM

طلبات الدورة :
ملابس رياضية فنيلة لون ابيض وبنطلون كحلي عدد (4 او 5) جزمة رياضية بيضاء اللون مع البودرة حقت الجزمة والأغراض الشخصية من ملابس وخلافه عطورات وفرشه اسنان . وموس حلاقـه الوضع عادي اصلن يخلونك تنظـــف وكريم حق العضلات الخ مع حقيبة جلدية قابلة للطي وملف علاقي أخضر يحتوي على (3) صور للشهادة الدراسية وعدد (3) صور لشهادة حسن السيرة وسلوك وعدد (5) صور من بطاقة الأحوال المدنية مكبرة وعدد (4) صور شمسية بالزي الرياض. ونموذج برقم الحساب البنكي مصدّق على أحد البنوك (ساري المفعول). و حلاقة الرأس رقم (1).
و يمنع منعاً باتاً إحضار جهاز الجوال. وبجامة نوم لون سماوي عدد (2) طبعا ي عيال البجامة مو ظروري ع كلام اخوي احمد وانا ماراح اجيبها و. اهم شي الشرابات خذ لك 10 حبات . من نوع اسباني الخفيف " هذا ميه على الميـه ف الحررر وقبوع لون ابيض 3 يكفي
وخذو حدوود 800 او 1000

دنيا الشقى · #**2022** (**permalink**) 26-06-2012, 04:20 AM

اقتباس:

المشاركة الأصلية كتبت بواسطة تركي الغبيوي

الله يبارك فيك يالغالي
اميييييين ي رب عقبالك كل العاطلين
ليه راحت عليك التسجيل بيفتح السبت

يوجد تقديم في امن السفارات

( امن السفارات ) مكان تقديمها على طريق خريص مقابل الكليـه الامنيه

الشروط .

الثانوية العامة بنسبة لا تقل عن 75 شرعي علمي

قدرت 55

الطول 175

الذي لا تتوفر فيه هذي الشروط لا يذهب لهم وخاصه الطول .
وبعد سجل بالقوات الخاصة لاتخلي حاجة والله يكتب الي فيه الخير لك ولجميع الشباب

يعني فيه تقديم الحين انا الي سمعته ان التقديم خلص

وبتبداء دورتكم انت والاخوان يوم السبت صح والا انا غلطان
بخصوص الطوال انا طولي 170 ونص يعني ينفع او لا

تركي الغبيوي · #**2023** (**permalink**) 26-06-2012, 08:37 AM

والله ياخوي ماودي احطمك بس عندهم الطول 175 ثانوي
و170 جامعة ودبلوم
يفتح يوم السبت الجاي

العريف عطية · #**2024** (**permalink**) 26-06-2012, 01:27 PM

××××

السلام عليكم يا أهل الدار ..
قد أني بسلم عليكم وأخذ علومكم وأعطيكم علومي .
أسئل مجرب ولا تسأل طبيب . ترى المعيشة صعبة يا عيالي . الله الله بعلوم الرجال تمسكوا بوظائفكم وأتركوا الخنبقة والزحلطة عنكم . وكل شيء في بدايته صعب وبعدين تزين العلوم .
قالوا يا كثر الكلام !! قالوا من كثر ترديده . وما أهلك قبلكم إلا كثرة السؤال .
شدوا على رؤوسكم وتجهزوا للتدريبات العسكرية . المهم في النهاية تغنموا بالوظيفة وتجون رجال مع الرجاجيل . وسلامتكم .

××××

ببغون · #**2025** (**permalink**) 26-06-2012, 01:49 PM

مـسسسـاء الخير و الرضا أعزائي ,, بالنسبة للقاء اليوم حبيت أأكد عليه للي برياض أو اللي قد وصل من الشباب لرياض متى و وين وشرايكم لو يصير بوقت مبكر حتى لو بغينا نروح سوآ لأحد المحلات وكذا و الشور لكم
ماقصر سلطان أمس كلمني لكن ردي هذا من باب التأكيد ومتى مااجتمعتو أنا حاضر بس أهم شي اليوم لأني الأربعاء و الخميس بالزلفي بإذن لله . .

العريف عطية · #**2026** (**permalink**) 26-06-2012, 02:01 PM

اللهم وأجعل أبنائنا من الموسع عليهم بالرزق الحلال المعودين من الذل بك والمجارين من الظلم بعدلك والمعافين من البلاء برحمتك والمعصومين من الذنوب والزلل والخطاء بتقواك والموفقين للخير والرشد والصواب بطاعتك والمحال بينهم وبين الخطايا بقدرتك
والتاركين لكل معصية بمشيئتك
اللهم ربنا اتنا في الدنيا حسنه وفي اخرة حسنه وقنا عذاب النار. وادخلنا الجنه برحمتك ومغفرتك يا عزيز يا غفار مع الانبياء والصادقين الابرار انك قادر على ذلك يا رحمان

منور الحربي · #**2027** (**permalink**) 26-06-2012, 02:19 PM

شباب الموقع حق الامن العام في اول الرياض ولا في اخرة

عاطل برتبة مطيري · #**2028** (**permalink**) 26-06-2012, 03:15 PM

مساء الخير ياوحوش الامن الدبلوماسي كيف المعنويات معاكم <

ابونايف مشكور ياحبيبي على الطلبات .. تصدق ماسويت شي للحين قسم بالله ودي بواحد يشوتني فنقر

يقول اشتر ذبححححححححححححني الكسل والنوم

بروح العصر بشتريهم والله يعين على السوق وزحمته

هالحين الملابس الداخليه كم حبه نشيل من فنيله + سروال طويل + سروال سنه ؟؟

وشنطه قابله للطي اجيب حجم كبير والا متوسط ع قد الاغراض ؟؟ وعجزت اعرف شكلها كيف ؟؟

والسؤال الاخير نجيهم وحنا لابسين ملابس رياضه وقبوع؟ والبوك حق الفلوس عادي اجيبه فيه بطاقاتي

وحطه داخل الشنطه وإلا في جيبي ؟؟

عاطل برتبة مطيري · #**2029** (**permalink**) 26-06-2012, 03:18 PM

عندي سؤال شاطح فين الي نكه دبلوماسي؟؟ بشروني ياعيال عسى اتصلو عليه

ماشوفه مختفي وبعدين وين الشباب نبي نتفاعل هاليومين عندنا اسئله كثيره ههههههههه

يالله شدو حيلكم باقي على الدوره 4 ايام