اختي اختيارك كويس والصين فيها حاجات كثيره ومتنوعه ورائعه خصوصا الاكسسوارات لذلك حاولي كمياتك ما تكون كثيره من كل نوع في البدايه عشان تعرفي ايش الي يمشي والي ما يمشي

وابني شحناتك القادمه على هذا الاساس

والله يوفقك

اختي حقيقه / حبيبتي انا مع قول الرسول اقضو حوائجكم بالكتمان ..
اكيد محد من برى محيط العائله راح يوقف معاك
انا عن نفسي امي و اخوي بس اللي قلت لهم عن المشروع الى ان ينولد ان شاء الله
و بعد ما يستقر و يثبت باذن الواحد الاحد عاد الخبر ينتشر براحته
فعلا فكرة الكشك هذي اللي تدور براسي .. لو مثلا كشك بسوق الاندلس بالاخص احسه بيمشي تمام ان شاء الله
ابحثي عن مكان مميز للكشك و شوفي الاسعار والله يوفقك و اللي يحبطونك اعرفي انهم ما يتمنون لك الخير لان تجارة الصين ذهب و يكذب عليك اللي يقول غير كذا ..
خاصه لو كانت بضاعتك ميه ميه
اخوي قد حكالي قبل فتره عن واحد بدا تجارته بـ 20 الف و بغضون سنه و نص حسابه صار مليون و 500 الف
طبعا الشطاره اكيد تلعب دور ..
اول شي لازم جودة البضاعه ..
ثاني شي مكان مناسب
ثالث شي البضاعه اللي يحتاجها السوق

و الله يرزقني وياك وويا الجميع ياارب


اخوي كوانزوا / الله يسعدك و يرزقك الجنه يارب على هالمعلومات
و ترانا طماعات اكثر بمعلومات عن الصين
يعني كل شي بخاطرك قوله اي معلومه تحسها بتفيدنا
مثلا اخرص مكان للسكن .. المترجم ..

اخوي علامة تجاريه / ياليت توضح لي طبيعة عملك .. يعني ممكن عن طريق مكتبك تشحن لي البضاعه من الصين الى الرياض او الى الامارات ..؟

أختي عروب خالد ادخلي منتدى العرب المسافرون وهو راح يغنيكي بعد الله وراح تلقيين كل شي وعن اي دوله وعن اي تجاره وقبل التجاره اصلحوا اموركم مع الله وبتشوفون كيف تتفتح الابواب في وجيهكم من كل صوب ارجوا بان اكون افدك ولو بلقليل

حاب اقول نقطه هامه بالنسبه للصين .. ووالله لا اقصد التحبيط من معنوياتكم .. وسأوجز قدر المستطاع اهم شي اني اوصل الفكره

1- كثير من الزملاء والاصدقاء اغرتهم سمعة الصين ورخص بضائعها فنزلو معي ( وهيه النزله ) لم يكرروها

2 - غالباً وللمبتدئين والذين اول مره يسافرون للصين يكون في بالهم شيء معين واذا ذهب هناك تغيرت علومه .. تلاقيه يطامر من سلعه لسلعه ومن سوق لسوق واخر شيء يقول ما لقيت طلبي .. لذلك قبل النزول للصين حدد هدفك وسلعتك وادرس اسعارها ومنافذ تصريفها .. واذا نزلت للصين لا تروح يمين ويسار فقط ركز في بضاعتك وصدقني اذا وجدت بضاعه رخيصه بعد يومين بتكتشف شيء ارخص ولكن بأماكن كنت تجهلها

3 - بالنسبه للاكسسوارات واللتي ارى الاغلبيه يتحدثون عنها .. هناك سوق الفوتيان وفيه 55 الف محل .. ولكن من يريد الجوده هناك اسواق حول الفوتيان عند البوابه 22 بضائعها رائعه ولكن الطلب بالكميات .. مثلاً خواتم من النوع الراقي ب 18 ريال للحبه .. وداخل السوق تجد خواتم لو سمح لي الوقت سأضع صور لها قيمة الواحد ب 5 ريال شكل الدايموند .. قيمته هنا 21 للجمله .. وتجد احياناً فرص او محلات لديهم بضائع منثره تكتشف بينها شيء رائع وتطلب تصنيعه ( انتظروني سأضع صور بأذن الله )

4 - من يسأل عن السكن انا شخصياً اذا ذهبت لمدينة yiwu لا اسكن الا في فندق ( بو يا ) واغلب التكاسي لا تعرفه ولكن اسأل عن فندق سوفيتا تجده بالقرب منه سعره 70 ريال ولكن راااائع ومريح وأمان وبعيد قليلاً عن سوق العرب وازعاجهم ولكن تستطيع الذهاب اليه مشياً

5 - اذا طلبت بضاعه من هناك وخاصة التصنيع تأخذ وقت لتصنيعها ما يقارب الشهر اقل او اكثر بقليل .. وهنا تقع المشكله اذا سلمت امرك لمكتب تخليص هناك .. فالصينين سادة واساتذه الاحتيال .. فلربما ينصبون عليك بتقليل الجوده بحيث لا تلاحظها .. والطريقه السليمه اذا كانت كميات كبيره ان تبقى بالصين وتتابع مراحل التصنيع وقبل شحنها او تغليفها تشترط ان تفحص البضاعه قطعه قطعه وتعدها قطعه قطعه حتى لو تستأجر عمال يعدون معك ..

6 - مكاتب التخليص هناك يجب الحذر منها وخلي تعاملك رسمي وعن طريق الايداع البنكي في حساب مكتب التخليص والذي يجب ان يكون معتمد لدى السلطات الصينيه .. فعندما تودع المال في حساب المكتب يكون مستند اثبات اذا حصل اي امر

7 - لا تسكن بشقق مفروشه بالصين .. واذا اضطررن للسكن فيها فيجب عليك تسجيل بياناتك لدى اقرب مركز شرطه وتعطيهم العنوان والا تحمل ما يجيك .. اما اذا سكنت بالفندق فالنظام لديهم ان معلوماتك مباشرة تذهب للشرطه

8 - احذر من الافارقه هناك وخاصة في جوانزو ومنطقتهم القريبه من مطعم سبأ

نقاط جمعتها دون تدقيق ولكن اتمنى ان تكون ذي فائده .. وان شاء الله سأضع الصور اليوم .. انتظروني

موفقه

اختي عروب انا معاك ماحد بيعرف الا وحده كنا مخططين بالبدايه بنسوي مشروع بس ماعجبني وطرحت عليها فكرة المحل المهم ماصار بيينا اتفاق الله يستر علينا وعليها ....... بالنسبة للكشك افكر بالرياض غاليري او في مولات القصيم

كوانزا شكررررررررررررا جزيلا لك على معلوماتك القيمة

عمي الواالي هلا وغلا فيك نورت الموضوع مشكور على تنبيهاتك وان ادخلت الخوف فيني بعض الشي ...

أنا عن نفسي لا أنصح المبتدئ أن يبدأ من الصين مباشره شوفوا جده فيهاااا محلات جملة توفر لك كل شئ وكمان تقدر تكسب من وراهام الكثييير ولين تكثر فلوسك وتعرف السوق زييين ساعتهااا تقدر تستورد من الصين مباشره.
فية بجده بالهنداوية والخاسكية جميع ما تحتاجونه وأنا عن تجربة شخصية الجماعة هناااااك مررره تعاملهم راقي وطيب ويراعوون بالأسعار والشحن يابلاااش فية مخرجين تصل أسعارهم لـ 6 ريال للكرتونه الواحده

لي باك ..~

بالتوفيق ان شاء الله