السلام عليكم يا سهرانين وطفشانين وقلقانين

عندي مشكله عويصه جدا والظاهر اني بآآكل هوى في الحلقه الأخيره

اللحين انا مسجله في جداره لا ومرشحه كمان

بس عندي غلطه بتوديني في داهيه

انا خريجة لغه عربيه تربويه طبعاً
المشكله اني مختاره لغه عربيه وعلوم اجتماعيه << فيس مغطي على عيونه

طبعا النظام حولني من لغات لــ اعداد المعلمين والمعلمات

وانا مطابقتي الثلاثاء

فـ ياحبذا تعطوني مرئياتكم هل بيقشوني مع الباب ولا ممكن يعدلون لي
اذا بأنقش خلوني اكبر المخده ازين
عادي خلوكم صريحين اختكم في الله ماخذه مضاد للصدمات

وشقققققققققققراً لكم مقدماً

عز الله هذي الغلطة الورطة


روحي وشوفي وش يقولون


بما انهم حطوك اعداد معلمات فما اتوقع يمشون الموضوع


بس المهم روحي وشوفي وش يقولون


واتركي المخدة عنك لو يوم

وش فيكم موسوسين بالاستبعاد


ثلاث ارباع الفال من كلامكم


وليه يستبعدونك اذا التخصص مطلوووب

راح يغيرون التخصص الدقيق ويدخلونك بالترشيح


وفالك المباشره

هم حطوني كذا ولّا انا في الأصل تربويه جامعيه وش حليلي
كل شي اقدر اتركه الا المخده لا تحاولون

والله عندي احساس انهم بيشوتوني مع الباب مع انهم لو يعدلون لي يعني وتسسسذا ماهم خسرانين شي دام التخصص مطلوب يعني

ودي يستبعدوني عشان النقاط ولا يستبعدوني عشان الخطآ في البيانات <<< واحده ما تبغى تحس بتأنيب الضمير

طاسه وآ خقتاه
يالبى اللي ترفع المعنويات مع الفجريه
مشكلتي ما ا احب احد يكرشني ولا يفشلني

حنا خلصنا في التخصص الدقيق و تشنكلنا في المجموعه العامه للتخصص الله يعيننا عليهم

ياربي كني مافهمت

انتي من كلية التربية

او من كلية اعداد المعلمات؟؟؟

انا متخرجه من كلية التربيه تخصص لغه عربيه

اخترت لغه عربيه وعلوم اجتماعيه وهم حولوني اعداد المعلمات لأن التخصص هذا تابع لها واختك في الله اختارته بالغلط << عشان كذا سألت هنا
احس يبغى لي تكفيخ على هيك غلطه

اي والله يبغالك تكفيخ


بس لازم تروحين


وتشوفين لاتقولين ما ابغى اتفشل


روحي ولاتنسى الوالدة تدعيلك

والله يوفقك

دام إنك مضاد لراجمات الصدمات ار بي جي


تعنّي وأنا أختك وروحي يمهم وربك سميع الدعاء



وإن شاء الله فالك زين

طيب بأروح بس الله يعين وانا اختكم ع الفشايل
وعلى امي لا عرفت اني غلطت في التخصص
بتقول ورى ما فتحتي عيونك يا مال الرمد