يا اخوان حاولت بالبيت اسوي تمرين الثبات صبرت يمكن ربع ساعة وعقبه تحركت
مادري ودي ادخل الجوازات بس خايف يضحكون علي اخاف بالتمارين والثبات ما اقدر اواصل

من جدك تتكلم


يا اخوي ليه الخوف هاذا كله

كم واحد دخل الدوره وعنده اللياقه صفر ومشت اوضاعه


لا تفكر ولا توسوس اذا جاتك الوظيفه رح وجرب واصبر



ترى كل الدورات صعبه بس ما فيه شي مسحيل


لا تحط في بالك لازم تمشي بالحرف الواحد ترى سهالات


وياخوي انت تدري الوظائف معدوده والواحد يتمنى مليون مره انه يحصل على وظيفه


يقدر يكون مستقبله

ترى كل الي توظفوا في قطاع عسكري



كااااااااااااان عندهم صبر وتحمل ومشت امورهم


وانت ما تفرق عنهم في اي شي



توكل على الله وادخل وعليك بالصبر تحمل ترى كلها ايام وبتعدى




وعسى ربي يوفقك ويوفقنا بالوظيفه

مالها غير رجالها
وبعدين اخوي الوضع لوحدك مو مثل لما تكون مع مجموعه كل واحد يحمس الثاني

شد همتك ونا خوك وتوكل على الله الأمور تمر سهالات وعليك بالصبر

لا يرجال مهي كذا الوضع غير بالدوره معك ناس وتحمس
بعدين الدوره من تدخله راح تشوف انك توقعته خطا في بالك
لاتخوف من شي وانت ماشفته اصلا اغلب المستجدين اللياقه صفر وتسهلة أمورهم وشد حوي
ولاتوسوس
الله يوفق الجميع ان شاء الله.

يالغالي انا كنت بدورة الجوازات ترا الدعوه سهالات وفله ومدربين مافيه زيهم بدون استثناء
والنفقطه الثانيه لاتحسب ان الدعوه ثبوت بمعنى الكلمه ترا عادي الوضع واذا انت بتصعبها على نفسك بتصعب اما اذا بتاخذها سهاله بتعدي ان شالله
وابشرك مافيه تفتيش هناك ابد يعني اي شي بتدخله معاك تقدر
يارجال ايام دورتنا كان كل واحد بجواله والله ان واحد من الشباب جواله دق وهو في الميدان هههههههههه
غير البلوت والي يدخنون الدخان متوفر
عالعموم توكل الله يرحم والديك ترا والله الوظيفه صعبه والجوازات ماتنفوت

عسى ربي يوفقك ويوفقنا بالوظيفه

مثل ماقالو الاخوان فرق حبيبي لما تكون بالبيت ولما تكون بالميدان فيها حماس أكثر ولا مقارنة

طيب هم يثبتونك كم
بالنسبة للجامعيين ( اعتقد انهم يخففون على الجامعيين قياسا بالثانوية )
انا قبل شوي وقفت 24 دقيقة .. فقط لاغير

الله يعينك