قبل ما تدخل في المشروع.. من الأفضل أن تعمل مع الشركات المتخصصه في هذا المجال حتى تكسب الخبره
في غسل السجاد وتكون مطلع على جميع التفاصيل..

رفع وبانتضاركم

وين مشروعك باي منطقه

مشروعي بالقصيم ولا يوجد نفس الفكره وبكون اول شخص متخصص سجاد

ماراح يضرك شي اذا خليتها مغسلة ملابس مع غسيل السجاد يعني في الفواتير والدعايات تكتب تخصصنا غسيل السجاد , كذا بيكون دخلك من جهتين لان غسيل السجاد دخله بطيى والناس اللحين ماتغسل السجاد تخليه فتره ويغيرونه مايغسلونه واغلب الناس سيراميك وقطعه سجاد صغيره
لو عندكم بالقصيم مغاسل الرهدن انصحك تجنب الفكره لانها ماكله جو العوائل للسجاد
فكر وفكر اكثر والله يوفقك ويفتحها بوجهك

كلامك سليم وصح والرهدن موجود ببريده وانا خارج بريده

اشكرك ع المداخله

شوف المشروع جداً حلو وبما أن تجارتي وتخصصي غسيل السجاد بس مو متعمق كثير في الشغله ابعطيك معلومات وأسرار هالشغله
اول شي راح يكلفك المشروع تقريبا ٧٠ الف
بالنسبة للعماله يكفونك ٣
٢ بالموقع و١ سواق وعلى فكره اهم مافي المشروع السواق لازم يكون فطين ولبق لانه راح يتعامل مع الفنادق
شوف وانا خوك لا تورط نفسك زي ما نشبت انا بخصوص الاسعار انا اول ما بدات كنت منزل الاسعار عشان اكسب ثقة اكثر الزبائن من الفنادق والمغاسل ولكن تورطت لأني رفعت السعر وخسرت اكثر الزبائن بسبب منافسة مغسله ثانيه لما رفعت سعري نزلو سعرهم
طبعا اجمل مافي الشغله ان المغاسل والفنادق راح يتصلون عليك وهذولا هم زبائنك الحقيقين ..
نجي في الموقع ..يكفيك موقع ٢٠*٢٠ حوش اهم شي وجود خزان وتصريف للماء حاول تحط نص الحوش هنجر ونص مكشوف عشان الشمس طبعا اكثر مغاسل السجاد كذا بدائيه واذا كنت تبغى مغسله متطوره بمعدات غسيل وتنشيف في نفس الوقت فراح تكلفك الشغله تقريبا ٢٠٠ الف للمعدات ..

شوف اخوي ما عندي خبرة في هالمجال , بس بعطيك معلومات تفيدك بشكل عام :

الجانب الدعائي : حاول تخصص لمشروعك ميزانية للدعاية و لا تهملها ابدا , حاول انك تسوي خطة دعائية لمدة سنة بشكل متواصل , تشمل توزرع المنشورات ع البيوت + دعايات في الجرايد + ملصقات على ابواب البنايات ...الخ اشكال الدعاية

الدعاية مهمة جدا لنجاح المشروع بعد توفيق الله