25-04-2012, 04:34 PM
|
 |
عضو ماسي
|
|
تاريخ التسجيل: Apr 2011
المشاركات: 2,045
معدل تقييم المستوى: 1717969
|
|
اقتباس:
المشاركة الأصلية كتبت بواسطة ما ا جد
موقع معهد الجوازات في شارع الوشم . مقابل الأحوال المدنية . وبجوار وزارة المالية والقواعد .
المبنى جدا متواضع . انا قدمت على رتبة وكيل رقيب للجامعين ، الحمدالله كلها سهالات وتنظيمهم رائع جدااا .
وتعاملهم ايضا اكثر من رائع .
طبعا وقت الوصول راح يكون الساعه 6 صباحا ، وراح يفتحون ابوابهم الساعه 7.30 راح يتأكدون من رقم طلبك وراح تمسكون طابور ، ومعهم اوراق بأساميكم وارقام طلباتكم . لمن العسكري يأخذ رقمك يتأكد من اسمك ويحصله موجود .
وبعدها تروحون لصالة الطعام وفيها كل شئ ، بداية راح يقيسون الطول والوزن ، بالنسبه للطول مافيه تساهل وانا قدامي احد الأخوان طوله 165 سم لم يتم قبوله مع انه ضارب مشوار من المدينة ، والله يوفقه للي احسن منها .
طبعا في البداية يأخذون الوزن والطول ، وبعدها تأخذ استمارة فيها اقرارات كثيره ومنها انك راضي برتبة وكيل رقيب للجامعين ومايحق لك تطالب برفع الرتبة ، ولايجوز لك ترك العسكرية مدة 4 سنوات وغيرها من الأقرارات .
وبعدين تعدي على بعض الضباط يدققون بيناتك ، طبعا موزعين درجات على كل شئ مثلا شهاده جامعيه و دورات اخرى والمقابلة الشخصية والأختبارات التحريرية وكل قسم عليه درجه للمفاضله على الوظيفه في الأخير ..
طبعا بعد مايدققون من اوراقك وملفاتك وكل شئ ، يخلونك ترجع تستريح في صالة الطعام نفسها، وراح يجيكم شخص لابس ثوب وشماغ ماهو عسكري يعنى لأختبار التحريري والى يتكون من ثلاثة اقسام .
كل قسم بــ 10 درجات .
القسم الأول الأسلامي : وهي اسئله بسيطه جدااا : ومن احد انواع الاسئلة (( من هو ابي ذر ))) طبعا توجد اختيارات والجواب : جندب بن جنادة .
والقسم الثاني : اسئلة عامه مثل : من هو مؤسس المملكة العربية السعودية ، وفي عام 1351 كان يوجد حدث مهم وفيه اختيارات وهكذا .
والقسم الثالث : اختبار لغة انجليزية بدائي جدااااااا لأبعد الحدود . وانا بصراحه شفته ابسط شئ .
مثلا . THIS ((?? ))MY CAR طبعا مكان الأستفهام IS وتحصلها في الأختيارات وهكذا .
طبعا جميع الأسئلة السابقة عليها ثلاثين درجه وتدخل ضمن توزيعم للدرجات للمفاضلة بين الطلاب .
وبعدها تنتظر مره اخرى في صالة الطعام للمقابلة الشخصية . وبصراحه في البدايه تحس بشوية رهبه بالنسبه لي انا دخلت على ضباط عددهم 7 او 8 واحد منهم الى يسألني .
طبعا اول ماتدخل لابد انك تعرف بنفسك بدون مايسألونك . لأن بعض الطلاب لخبطوا شوي وجالس ينتظر الظابط يسأله عن اسمه وكل شئ .
المهم : تلقي السلام بدايه وتعرف بنفسك : الأسم فلان بن فلان بن فلان الفلاني (( الأسم الثلاثي او الرباعي))
وبعدها شهادات الجامعية من وين حاصل عليها وايش نوعها . وبعدها اذا كان عندك دورات مثل الحاسب الألي تفيدك في المقابلة الشخصية ايضا .
طبعا انا تكلمت عن جميع الأسئلة تلك بدايه ، في الأخير سألني الضابط من مواليد كم جاوبته . (( طبعا لاأخفيكم انا في ذاك اليوم كان صوتي تعبان جدا وكنت سهران ، وكان الصوت مبحوح الى ابعد الحدود )) واخر سؤال سألني فيه الضابط : سمع سورة قول هو الله احد . وسمعت السورة والحمدالله . وكان تعاملهم جدااا رائع والمقابلة مافيها تعقيد بالنسبه لي انا شخصياً .
وفي الأخير تأخذ اوراقك الأصليه وتتوكل على الله ونتظر نتيجة الفرز للفحص الطبي .
والله يوفقك الجميع ويسر امورهم . هذي تجربة شخصية وكاتبها على السريع . واي اسئله في هذا الجانب ان شاء الله اقدر افيد فيها قدر المستطاع .
|
شكرا عالمعلومات حبيبي
|
العرض العادي
