بـسم الله الرحمن الرحيم


هنآ راح يكون تجمع المرشحين للمقابله الشخصيه في معهد الإداره العامه بالرياض

فأتمنى من الجميع اللي جرب ودخل بمقابله المعهد يفيدنا فطبيعة الأسئلة طبعا المقابله راح تكون يوم الأحد 6/8 الساعه 12:30 بـإذن الله


والله يوفقنا يارب ويوفق الجميع

اشكرك على الموضوع
واتمنى من الي دخل المقابلة يقول كيف طبيعة الاسئلة

العفو اخوي عزوز , ماقلت تخصصك شنو اخوي .؟

وإن شاء الله حد يفيدنا الوقت ضيق والله

نصيحة حاليا اضمن الأسئلة البديهية العامه , واما بالنسبة لأسئلة التخصص إلى الآن ماحصلت افادة ,



يارب توفيقك

سلام علبكم

أنا سويت مقابلة عندهم يوم الثلاثاء بتاريخ 18/5 الساعة السادسة و النصف مساء
أنا تخصصي علم نفس
أعضاء المقابلة كانوا ثلاثة أشخاص
في البداية المفابلة تعرف بنفسك
ثم يسألونك أسئلة عامة مثل كم مساحة المملكة و أين تقع البرازيل و هل الأرض تدور حول الشمس أو العكس .....
ثم يسألونك عن التخصص أسئلة دقيقة
و بعد ذلك أسئلة في القضايا العامة مثل وش رأيك العين و السحر
وثم يسألك عن المعهد وما اهي الخدمات التي يقدمها و ما علاقة المعهد بتخصصك
أخيرا تكلم عن نفسك باللغة الانجليزية
ثم يسألونك هل تقبل التعيين في أي مكان أو لا
ثم تنتهي المقابلة ويقولون لك النتيجة بعد شهر من الآن
وقت المقابلة في الغالب ربع ساعة فقط
وهذا اللي مريت فيه بس غريب أن أنتم مقابلتكم في هالوقت ؟؟؟
أخيرا نتمنى لكم ولنا التوفيق

وعليكم السلام

الله يعطيك الصحه والعافيه ياندامه ..

حقيقه استفدنا لأن في أشياء عن نفسي ماستعديت لها الله يسهل امورك ويكتب لك وللجميع الخير .

إن شاء الله اسألة التخصص ماعليها خوف ولو ان على كلامك انها دقيقه ><

الأسئلة العامـه الله يعين ماندري وش اللي بيفاجأونا فيه ,

بس ايش قصدك بقضايا المجتمع يعني تقول رايك فيها او تقول وش هي اصلا ههههه .؟

الأساس بالمقابله تتركز على فهم الشخصيه وطريقة الحوار وكيف تاخذ وتعطي وسرعة بديهتك
لكن عندنا هنا صار اختبار تحريري مو مقابله الله المستعان .

الله يوفق الجميع

السلام عليكم
أول شيء لا تشيل هم لأن أعضاء المقابلة ناس طيبين و حبوبين و راح ترتاح في المقابلة كأنك مقابل أحد زملائك و أسئلتهم خفيفة و ما فيها تعقيد مثل ما ذكرت هدفها معرف شخصية الشخص و طريقة تفكيره

أما سؤالي في قضايا المجتمع مثل موضوع السحر و العين سألوني هل تؤمن فيها و ما رأيك فيها و ما هو الاختلاف أو لماذا الاختلاف بين علماء النفس و الدين في هذا الموضوع بحكم تخصصي بس مجرد دردشة خفيفة .
و لا تشيل هم و خل واثق و مرتاح جدا
ونسأل الله التوفيق و النجاح لك و للمتقدمين في الدنيا و الآخرة

صراحه الله يجزاك خير دنيا وآخره شكثر ارتحت من كلامك ههههههه .

انا توني واصل الرياض سكنت يم المعهد وإن شاء الله تكون خفيفه ومريحه مثل كلامك , يارب


آمين والله هالدنيا محطة عابره الله يرحمنا برحمته وييسر علينا بالدنيا والآخره ,.
شكرا شكرا

بالتوفيق لكم يارب..