السلام عليكم


أخواني وخواتي


أبي استفسار للي عنده علم او خبر


انا قبل أسبوعين سويت مقابله في سمارت لينك وظيفه(خدمه عملاء لخطوط ناس)


قالت لي الموظفه انه راح ندق عليك خلال يومين وإلى يومكم هذا مادقو عارفه انه هذا نصيبي
والشكوى لله


بس القهر لما أدق عليها ابي نتيجه المقابله تصرفني دقيت عليها ثلاث مرات وكل مره تقول لي ان مهمتها انتهت والعلم عند الإداره اقول لها طيب قولي لي فيه بنات بدو التدريب

تقول ماادري ولا تعطي وجه ومايمديني اقول لها شكرا إلا وهي قافله الخط


انا خلاص مليت وطفشت من هالاسلوب اللي يتبعونه موظفين الدوائر الحكوميه والأهليه


مافي أي إحترام ولا تقدير للناس


ابي اعرف اي أحد قدم على سمارت لينك هل قبلوه وإلا لا

ولكم جزيل الشكر


والله يوفقنا جميعاً ويرزقنا من واسع فضله.

الله يعين اختي وياليت اعرف شيء عنهم ولكن الاعضاء ماراح يقصرووون ،،،

الله يعين ويوفق إنشاء الله

والله ماعندي خبر
لكن الي سوى المقابله معك قسم الرجال او السيدات
ودي اقدم عليهم لكن مابي الي يسوي المقابله رجال

مشكوووورين على المرور والدعوه الله يجزاكم خير

اذا هذا تعاملهم معك يعني انك ما انقبلتي

وا انهم حاطينك احتياط ..


بس ترى مشكلتك اهون امراحل ..

فيه ناس يقولون دومكم الاسبوع الجاي وراح ندق عليكم

والى يومك وانتي نعرف ارقام جوالاتهم .. ووندق وترسل وهم مطنشين

طيب ما فيها شي يعني لو دقيت ولا رسلت تقول انك منت منقبل عشان الواحد يعرف مصيره

وربي اني اكره هذا التعامل القذر .. من الناس الي تمشي على هذا المنوال ..



لكن اختي /
شوفي الي الله كاتبه لك ..
بالتوووفيق ..

ذبحني الهم


شاكره لك مرورك الطيب


انت صادق ياخوي اللي كاتبه لي ربي راضيه في


بس وربي مايضر لو يدقون ويقولون انتي ماأنقبلتي


أهون من الإنتظار


الله يصبرنا بس


والله يرزقك ويوفقك

الله يريح بالك ويبشرك بإتصالهم ماتدرين

والله يا أختي ما اعرف احد جديد قدم عليها

بس هذي الشركه توظفت اختي عن طريقها في شركة سما للطيران

طبعا دربوهم اسبوعين بس الساعات كانت طويله... واللي دربهم رجال هندي

وبعدها توظفو في قسم نسائي


ان شاء الله يردن عليك يمكن يستنو عدد المتقدمات يكتمل وبالمره يدربونهم سوا

الله يوفق الجميع