يا شباب عامل هندي صاحب السواق الي شغال عندي


يقول ان ابغاك تفتح محل ب اسمك وتكلفة ايجار المحل عليك

وانا علي اجهزة المغسلة


وش رايكم ؟

1 -هل فيه شغالات لازم انتبه عليها عشان ما انغش ؟

2 - هل اقدر استاجر المحل من المستاجر لمدت اربع شهور ولا لازم تكون ست شهور او سنه ؟

3 - - لو بغيت افتح المحل هل فيه تكاليف غير ايجار المحل ولوحة المحل ؟


لان انا مامعاي الا 8 الف ريال واخاف ادفع ايجار المحل وبعدين اتورط ب تكاليف ثانيه


اتمنى يا اخوان المساعده لانها اول تجربه لي

شف ,, تكاليف اجهزة المغسلة ,, أقل شيء أقل شيء 30.000 ر.س إلى 35 (اذا كانت جديدة طيعا) ,,, فهذا بالنسبة للمبلغ اللي بتحمله الهندي

بالنسبة للتكاليف غير الايجار ,, ممكن تكون فواتير الكهرباء والموية ,, والديزل (هذا اللي أعرفه) ,, العلاقات الاكياس ,, الصوابين وغيرها

كم قالك بيعطيك كل شهر ؟

اخوي مابغى شي ممكن ابغى شي اكيد عشان ماتورط

إذا ع الورطة ما ابي اورطك , ,, لكن في نفس الوقت ما أبي أضيع عليك الفرصة

هي وحدة من الثتين :

اما انه الهندي هو يتكفل بكل شي ( حتى ايجار المحل ) لكن كل اللي يبيه هو منك ان المحل يكون باسمك

واما انك انت تتكفل بكل شي وهو يشتغل

ان كان لا هذه ولا هذه , اجلس معه , واتفقوا ... وش اللي عليك ووش اللي عليه

اقترح بانك لاتصير شليويح الى في قصة الاخ دباغ هههه انصحك تقراء موضوع الاخ دباغ وراح تقرر بتوفيق
الهندي ممكن يبي يطلع فيز على المحل لعيال عمه او عنده نيه ثانيه فاانتبه ووالله اعلم

ضع في اعتبارك أن الدولة حاليا تشتغل على نقل الكفالات من الأفراد لشركات للقضاء على التستر

والهندي طبعا عارض عليك التستر وعند بدء نقل الكفالات راح يتضح هالشيء وتتحمل أنت النصيب الأكبر من الجزاء

https://www.btalah.com/t379672.html

الهندي مايخطو خطوة الا

في صالحه ومهما قال لاتثق

فيه ابدا


انا ودي تقوله حولي المبلغ علشان اشتري


المعدات وشف ايش راح يقول.



والله الضاهر بينشبك حبه حبه


كل مرة بتقول اكيد الحل قرب.



انا لو في مكانك تركته هو والاعيبه .



ونصيحه لك ماراح ينصح لك الا وراها مصلحه راجعه له



والله يوفقك.

توكل على الله ولا تشاور تراك الكسبان

اسمع وانا خوك حسب خبرتي في المغاسل وعشان ما يسحب عليك الهندي بعد ما تستاجر

في الاول القط الهندي وخله يشتري المعدات واتركها في الشركه الين تخلص من إيجار المغسله

طبعا لما تستاجر لا تكتب تاريخ العقد من اول يوم كلم صاحب العقار يترك لك فرصه شهر لترتيب المغسله

طبعا بالكلمه الحلوه وقله انا ودي ارتب المكان واركب فيه ديكورات حلوه واذا طلعت انت المستفيد من الديكورات

كلام بس .. واذا انتهيت من كتابة العقد صكه بخمس سنوات تربطه وتفكك كيف ؟؟ يعني اكتب في العقد الخمس

سنوات الزاميه على المؤجر ومن حق المستاجر ترك العقار في اي وقت حسب الحاجه .. عشان نقدر تطلع اذا انت خسرت وما يلزمك بالخمس سنوات بس انت تقدر تلزمه ..

نجي في الهندي بعد ما استأجرت جب المعدات وحطها في الموقع وطلع على المحل فيز راح يعطونك 2

وبكذا انت وفرت تقريبا 30 الف يعني الشغله مت كلفتك الا 4000 ريال فيز + 2000 ريال ايجار شهري حسب اتفاقك مع المؤجر بدفع الايجار مقدم شهري ..

ياليت اكون افدتك

نسيت اقولك خذ فواتير المعدات معاك بعد ما يشتريها الهندي عشان ما يروح من وراك ويردها واكتب الفواتير باسمك

وحرص على الشركه ما تطلع الا بوجودك ..

واذا شفت الهندي يلف ويدور بعد ما ركبت المغسله بعها بالموقع راح تجيب لك 40 الف اقل شي وانت حاط رجل على رجل