اليوم جوي غير ولندن بعد غير=
والصدر ضاقت به حدود المجره

ضايق ومتضايق ويالله عسى خير=
واجنب الأطلال لا الصوت اجره

حزني على فرقاك ياتركي عمير=
لو الحزن مايفيد ياكود حره

وشلون مانفقدك يابن المناعير=
دام انت منبع طيب وانته مقره

نسل الشيوخ اهل السيوف الشواطير=
اللي لهم بالمجد هامه وجره

يومنها بالسيف والرمح ومغير=
قلبا تسره وقلبا اخر تحره

وافي وصافي ولك حشمه وتقدير=
وكل مجلسا لا من حظرته تسره

لكن عزانا نلتقي بك على خير=
في ديرة تشفي الفؤاد وتبره

في نجد عل يسقيها وبل الشخاتير=
من مزنة صافي مطرها تثره

واليوم جوي غير ووضعي بعد غير=
والصدر ضاقت به حدود المجره


واعذرونا على التنسيق ماضبط معاي
وعذرا على التنسيق
الللي يقدر ينسقها من المشرفين شكرا له




وعلى الود نلتقي


الرووووووووقي
London
25/4/2012
*

*

*

*

*

*

*

*

*