[align=center]السلام عليكم إخواني وخواتي والأخ خبير حافز اتمنى الرد على موضوعي باسرع وقت'' أنا البارح كان ثالث دفعه لي من حافز بس اتفاجات انه تم خصم 575 ريال *طبعا ما ادري أش للمشكله واليوم تفاجات انهم حاطيني مستفيده من الضمان مع العلم انو أنا طالعه من الضمان من شهر 1 يعني من بداية السنه ما استلمت ولا ريال وش الحل معاهم اتصلت بس خدمة العملاء تطنيش ولا يردو ولا شي[/align]

ايوا هم يحسبون الي اخذتيه خلال ١٢ شهر الي راحو لازم تكملين ١٢ شهر من سقوطك من الضمان بس وش نقووول حسبنا الله ونعم الوكيل الله لايسامح كل من ياخذ حق مو له والله يرزقكِ يااارب بس اتصلي وازعجييييهم وقدمي اعتراض
شوفي هذا اقتبسته من رد اختي العيون الزرقاء شارحه فيه كيف يخصمون وليش الله يجزاها خير

[QUOTE =العيون الزرقاء;6133929]عزيزتي.... جاني اتصال من قريبتي ظهر اليوم... تستفسر عن سبب نقصان اعانه حافز واللي كانت تنزل لها 2000 ريال... وهذا الشهر نزل لها 1569.5 ريال بالضبط

مع انها اسقطت من الضمان صار لها 6 أشهر بسبب زواجها الله يوفقها


تدرين وش سبب الخصم بعد الاطلاع على الدخل الثابت والذي كان اصفار ولكن هذا الشهر تم اضافه مبلغ
بخانه الضمان ومتوسط الدخل كالتالي :

خانه الضمان.......5166

متوسط الدخل ..... *430.5 وهو المبلغ اللي خصموه منها


.................................................. .................................................. ...........................

الحين أقول لك من فين جابو هالمبلغ ووشلون حسبوها

معروف انه المقصود بالدخل هو ما تم صرفه من الدولة في اخر 12 شهر

قريبتي في اخر 12 شهر لها ...... قطع عنها الضمان 6 أشهر فقط..... يعني حسبو لها بقيه 12 شهر السابقه
والمتبقي منها 6 أشهر ( يعني قاعدين يخصمون منها مبلغ استلمته من الضمان قبل 6 اشهر من اسقاطها من الضمان )

فصارت الحسبه بهالطريقة

6 أشهر ضرب مبلغ الضمان 861 = 5166 ريال ( المبلغ بخانه الضمان)
متوسط الدخل = 5166/ 12 شهر = 430.5 وهو المبلغ المخصوم

وراح تلاحظين بكل مره راح يقل الخصم مع مرور الاشهر وحتى انتهاء اخر 12 شهر

بمعني راح يتم حسابها لقريبتي بما انها 6 أشهر وخصمو عليها من هالشهر بواقع 6 أشهر

الدفعه القادمه راح يخصمون بواقع 5 أشهر

5 أشهر ضرب مبلغ الضمان 861 = 4305 ( اللي راح يكون بخانه الضمان بالدفعه القادمة)
4305 / اخر 12 شهر = 358.75 ( المبلغ المخصوم بالدفعه القادمة )

وهكذا

4 أشهر ضرب 861 = 3444 المبلغ بخانه الضمان
3444/ اخر 12 شهر = 287 المبلغ المخصوم بالدفعه اللي تليها

ويستمرون على هالحال لغاية ما تخلص 6 أشهر من اخر 12 شهر

وترجع لها 2000 كامله إذا مر على اسقاطها من الضمان 12 شهر


الحين فهمتي ليه يخصمون مع انه الشخص اسقط اسمه من الضمان من شهرين و3 أشهر او 7 أشهر


ويرجعون ويقولون انه حافز هو اكمال لمبلغ الضمان عشان كذا يتم الخصم عشان ما يستلم من الجهتين

طيب الحين ليه عالم اسقطو من الضمان ومازال الخصم مستمر حتى يمر 12 شهر من الاسقاط


فشل اخر للبرنامج الذي بكل مره يثبت انه يريد تقليل المبلغ بأي طريقه ويخترع الطرق لذلك وأكبر دليل بانه تم اعتماد الخصم لمن اسقطو ولم يمر على اسقاطهم 12 شهر بهذه الدفعه والا من قبل كانت تصرف 2000


الله يرزق الجميع من فضله [/QUOTE]

توت كافيه جزاك الله خير على الرد والشرح الوافي... بس اللي فهمته انو الشهر القادم بإذن الله راح يخصموا اقل وكل شهر اقل من اللي قبلو لان أنا مكتوب مجموع اللي اخذته 6896 تقريبا يعني الشهر القادم يخصمو حوالي 400 كذا!! عموما مشكوره على الاقل عرفت انو في مثل حالتي