السلام عليكم ،،

أخواني بدخل في الموضوع وأبي رايكم بكل صدق
انا مقدم على الامن العام برتبة وكيل رقيب
وبنتظار الفرز زيكم

بس الان جاني أتصال شوش مخي وضرب الفيوز

جاتني وظيفية في stc والراتب مابين 7500- 8500 ريال

وناس تقول لاتروح العسكرية وناس تقول لاتروح stc

تكفون كل واحد يقول وش اختار واعتبروني اخوكم


وبالتوفيق لي ولكم يااارب

اذا تبي شوووري

مافي مثل الوظيفه الحكومية والامان الوظيفي

وهالشركات مالها اي امان

وخذ عندك

https://www.btalah.com/showthread.*****..65#post6134665


انححششش

انا شبه حصلت لي البنك الاهلي قدمت وراجعت واختبرت وعديت الاختبار ويوم جاء موعد المقابله سحبت عليهم

يارجال مافي مثل الوظيفه الحكوميه امان وظيفي


والعسكريه تحسسنت كثير ماهي مثل اول

وبالتوفيق

وانا نفس كلام اخوي رفحآيل

الشركه غير الوظيفة الحكوميه نهائي

الاتصالات باي وقت يطردوك

وغير التنقلات من مدينه لمدينه

انت اذا تقدر تخش الوظيفة حتى يتم قبولك نهائي في الامن العام

لان ما تدري اين رزقك

اسأل الله ان يجعلك من المقبلولين في الامن العام ويرزقك الخير

ولجميع من ينتظر القبول النهائي باي قطاع عسكري

الله يعطيكم العافية اخواني

أولا الله يوفقنا جميعا
ثانيا شف وانا اخوك لو انت مسجل في قطاع عسكري غير الامن العام كان قلت لك الاتصالات أفضل لاكن انت مسجل في الامن
العام ومع ذالك وكيل رقيب ومع ذالك إذا تخرجت تكون مرتاح مو مثل اي قطاع لازم تكميل وطابور وبهاذيل
وأخيرا يبقى هذا وجهة نظري يمكن تخطئ ويمكن تصيب وأوصيك بالاستخاره اتمنى لك التوفيق

صل لك ركعتين اسخارة
ماتدري وش الخيرة فية

أفادوك وماقصرو الرجاجيل الله يسعدك

عن نفسي انا مجرب القطاع الخاص
والله والله لو تجيني وظيفه براتب 13000
وانقبل نهائي بالأمن العام العام اني اروح الامن العام بدون اي تفكير او اي تردد
نصيحه مني والله ان تكره نفسك وهذا مستقبلك وانت حر فيه والله يكتبلك الي فيه الخير

شف يالغالي الشركه مهما كان راتبكـ
اهم شي عندهم رضى العميل
الموظف يتغير و و و إلـخ اهم شي عندهم العميل
ويتطرون يفصلون موظف لااجل ارضاء عميل

وحتى لو عميل رفع صوته عليك
ماتقدر تسويله شي او ترفع صوتكـ عليه
لو رفعت ورديت عليه وتوصل للمدير يسير ماسكين علي
شي واي غلطه ثانيه فصل

اما الحكوميه مافيها فصل
وانا افضل لك وكيل رقيب