السلام عليكم ورحمه الله وبركاته

اما بعد



ياااخي بس



تعالو نشوف الفرق بين السعودي والمقيم سواء هندي عربي افريقي تشادي


نبدأ بلموااطن حتى وهو مجرم تلقاه مديون وحالته حااله



السعودي ضعيف هههههههه

مايقدر يسوي شي المباحث يجيبونه من عده طرق:

1-يبحثون عن اهله واقاربه بالاحوال المدنيه

2-يشوفون الارقام المسجله باسمه من اس تي سي ولا زين الخ...برافوو برافوو

3-السيارات الي مسجله باسمه من كل من المرور والوكالات وزي كذا

4-المخالفات حقت ساهر الي قصت ظهور الغلابه ومن وين صوره ساهر

5- الفواتير المدبله احيانا وليس غالبا

6- المكافات والجواائز للي يعرف شي يجي يبلغنا اول من يجي اخوياه يبلغون الي كانو يقطون
عنه بلحمضيات اذا راحو استراحه ولا...الخ

7-الديوون وشيخ المعاارض والبنوك وكم في حساابه وكم صرف ومتى و و و .......

8-واخيرا الخطوط الجويه السعوديه هذا اما مااستنظر 8 ساعات ولا 10 ساعات
وانصاد مسكيين


واذا جا مع الحدود ولاشي جابه الانتر بول السعودي

الجهات الي ذكرتها هذا اذا موو كلها غصب يتعاونون مع المباحث



لاكن تعال عند الاجنبي والوافد :

مايعيبه شي الصلاه على النبي يعني انا انصحكم اذا عندكم مصيبه ولا شي استأجروهم
وبعدو عن السعوودي ابونكب

شوفو مميزاته وخل عنكم السعودي الحاافي المنتف

1-سياره بسم الشركه

2-سكن بسم الشركه

3- وشريحه بدون اسم

4- ومايتملك شي يتملك في بلده اريح له

5- والله اسمه حتى اسمه ماتعرفه قلك الرجال تاب الى الله
وسمى نفسه عبدالغفور ولا عبدالشكور اذا سوا
شي سرق ولا ذبح وجيت ابلغ اقول عبدالغفور وهو اصلا بلبطاقه اسمه شاريخان>ممثل هندي

6-اذا بغا يهرب يامن الحدود يايندس يايطلع نظامي زي ماجا لان بعد ماانقفط ومحد درى عنه

7-ربعه يتسترون عليه ويغطون عنه يغيرون له بطاقته يجدوون له جوااز سفره وكذا



ترا هذا النظاامي تعال عند المخالفيين:

1-والله لو يسرقون منك عيني عينك وفتحت فمك ولا دافعت عن نفسك لايطعنك ويروح ويخليك

2-اذا جيت تبلغ عنه قلك هات طووله ولونه وطعمه مر حالي مالح

3-زي ماجا هاارب من الحدود يرجع منها

4- متى مابغا يغير اسمه وجنسيته واقامته يغير

السعوودي مسكين لو ماسوى شي لاراح يسوي بدل تالف فتحو معه تحقيق




بس السعوودي الضعيييف حتى لو ماحد قفطه النخوه والشهامه والمراجل

ماتخليه يوااصل يتوب ويرجع لربه

وهذي

اكبر نعمه ي الله لك الحمد


متشكريين اووي اووي شديد جامد قوي قوي بلحيل برشا لمشاهدتكم

اتمنى اعحبتكم واكون ضيف خفيف على صدوركم

ههههههههههههههه مقارنة معقولة شوي

شطحة >> كم جلست وإنت تفكر فيها وتسوي هالمقارنات دراستك واااضح متعوب عليها

أمزح لاتصدق تشوف نفسك علينا

تسلم على الموضوع الجميل

و عليكم السلام و رحمة الله و بركاته

قويه و الله و في الصميم

انا اشهد


سعودي مسكين

وفوق هذا الهم والغم ،.،،،، مافي وظايف

وان حصلت وظيفه يتعبث بك الاجنبي ويحوس نفسيتك على راتب ما يجيب حق المشاوير

والتاجر حضرمي والا في المريخ يطلع في التلفزيون يقول سوينا وظفنا شباب الوطن

كلها 2300 ريال ويتمنن علينا ما كانه ماخذ قروض واراضي من الحكومه بلوشي


ربي يسعدك كلامك حلو


يفش الخلق ههههه :-)

شكرا

رااضي بن سويكت هههه ياخي انت مثال للمواطن الغلبان ماقول غير الله يفرجها بوجيهههنا

حيااكم الله جمييع وانشالله استانستو

أحلام طفلة: هههههه من الساعه 5 تقريبا

الغازي:ادري قسم انغبنت على كثرت بلاويههم وعايشين احسن مني ومنك