كل ما اسأل مواطن عن العسكرية يقولي هج وهنا كل ما اسأل واحد يقولون لي سجل فيها وش السر
[align=center]السلام عليكم

[/align]انا مقدم على دورة الجوازات للجامعيين وبصراحة كل ما سألت واحد قالي هججججج عن العسكرية شفهم يهجون العساكر يروحون ياخذون شهادة جامعية من جامعة الملك عبدالعزيز ويهجون عن العسكرية وانت جامعي و رايح لها .. ترى دوامها كرف وقليل اللي يصبر عليها ..
وانا بصراحة محتار احيانا اقول خلني أأجل دخولي للعسكرية للسنة الجاية على الاقل .. بس هنا الشباب بالمنتدى كلهم يقولون ادخل وترى سهالات ومافيه شي صعب فيها كل عملها عادي وش السر وسر الاختلاف بين كلام الشارع والمنتدى ...

اما الجوازات قلي عليها وربي راحه لاتهج ولاشي

حبيبي سلام عليكم ورحمة الله وبركاته ببساطة ان كان الشهادة اللي معك بتدخلك وظيفة مدنية راتبها زين يعني من سبعة الاف وطالع والله اترك العسكرية ولكن ان شفت ان الشهادة اللي معك ماراح تفيدك بشي والله العسكرية مافيها شي واللي يقولك ان العسكرية مو حلوة ومن الكلام هذا فهو مايبغالك الخير وانا واحد من اللي قالو لي ناس يكرهون لي الخير وكشفتهم بالاخير نفس الكلام هذا شوف والدينك ايش يقولون وحكم عقلك بالنسبة دوام العسكرية انا اخوي موظف في وازرة الصحة ممرض في رمضان والحج مرابط مثله مثل العسكري ويشهد الله فالعسكرية زمان مو الحين بارك الله فيك ووفقنا وياك

عصفور في اليد ولاعشرة على الشجرة

موضوع العسكريه يعتمد على رغبة الشخص ,

في عالم تتخرج بكالرويس ودكتوراه يتقطعون علشان يدخلو الكلية الامنية , وعالم معاه متوسطة وعاطل تقله روح سجل بالجيش يقلك أيشلي ولي الهم خليني مرتاح مشتري راسي .

وفي ناس تجبر على العسكريه , نفس وضعي أتهجولت بين شركات 3 سنين ولا لقيت وظيفة حكوميه , فمالي الا العسكرية ,

والله يكتب الي فيه الخير للجميع ,

طيب معروف العسكريه صعبه ومين قالك انها سهلة

عشان ماتندم أسئل قريب او صديق عسكري عن حياته اليومية وطبيعة عمله وخذ التفاصيل كامله

عشان تكون على بينه

ولاحد يقول من قطاع لقطاع يفرق ومن رتبة لرتبة تفرق المهام وحده والهدف واحد والمرمطه وحده

وأخس شي بالنسبه لي ان العسكري ينحبس في بلده ومايطلع بره الا مره فالسنه ويمكن ويمكن لا

عكس الدول الثانيه العسكر لهم الحريه بالذات في دول الخليج

يمكن هذا سبب من الأسباب اللي تخلي الناس تفصل

فالنهاية الأغلبيه منحدين للعسكريه لأن الوظائف المدنيه صارت صعبه جداً والشركات مالها رقيب ولا حسيب

وطبعاً الواسطه في هذا البلد صارت شي أساسي يعني متأكد راح يجي يوم وتلقى من ضمن الشروط

المؤهل العلمي + دورة تخصصية + خبره + واسطه + لازم الواسطه تكون شخص يقدرو يستفيدو منه

والعدوه هذي أنتقلت للوظائف العسكريه للأسف

وحتى اذا الواحد طلع بكرامته وراح لدوله خليجيه ثانيه عشان يتجند يقولون له معليش أعذرنا بلدك قفلتها في وجهك حتى اذا تركتها
لأن ممنوع السعودي يتجند خارج السعوديه

مع العلم ان أقل ميزه عندهم ان الثانوية العامة فقط تكون رتبته وكيل رقيب غير العز والرفاهية وغير انهم بتعاملهم تحسهم بيبوسون يدك عشان تتجند عندهم

بس العائق شرط غرييب جداً وعجيب وما أدري ايش الحكمه منه اذا انكم مافتحتوا لنا أبواب التجنيد في بلادنا ليش تمنعوا البلد الثانيه من الاستفاده منا وهم منا وفينا والدم واحد واذا على الجنسيه الواحد مستعد يستغنى عنها اذا كان هذا واحد من الشروط
المهم
موفق ان شاء الله بس للأسف هذا حالنا وماحد درى عنا يعني الواحد ماكلها على وجهه سواء تعسكر ولا لا

أسأل العسكريين عن اوضاعهم
و أسأل المدنيين عن اوضاعهم
و شوف أنت وينك ؟

و اتكل ع الله

أما انك يحركك كلام الناس يمين و شمال فكذا ما راح تعيش

ان بقوووولك كلام معقول وان شاء الله تفهم علي اذا انت مستعجل ع الوظيفه ومحتاجة سجل


بالعسكرية ولايهمونك اوك وبعد كذا سجل في الوظيفه الي تبغاها واذا لك نصيب اترك العسكريه

المشكله ان الشهادات الجامعيه تختلف بعض الاقسام غير مرغوبة حتى في التعيين لمدرس


والانتظار فيها طويل وعاد انت وصبرك ع البطالة والله يوفقك ورقيب جدا حلو راتبة كون نفسك وقدم في الوظائف الثانيه