السلام عليكم
موضوعي من عنوانه
ناس عرضوا علي باص للطالبات وقالوا لي جيبي سواق ووصلي فيه طالبات
وبصراحه مااعرف ايش اسوي فيه ومن وين اجيب الطالبات وكيف اقدم على سواق احسه شغله ويمكن يفشل
وقوالوا لي اجري الباص ولكن ااجره على مين وبكم الايجار الشهري
افيدوني جزاكم الله خير

الله يرزقك من واسع فضله وان شاء الله يجي من يفيدك

الاخت الكريمه
السواق عن طريق مكاتب الاستقدام
والطلبه توزعي ملصقات على المدارس والاعلان في الوسيله والميويه وغيرها كذالك الاتفاق مع حراس المدارس وتدسيم شواريهم ,
اما التأجير عن طريق الاعلان في الصحف اوعن طريق سواقي النقل الآخرين
ومن الافضل وجود رجل معك . احدمحارمك ليتفق معهم ويحاسبهم اول ياول .

نسيت اقول شغله :
انا اعرف حارس مسجد بنقالي بدأ يوصل بسياره بكس صغيره وقديمه
الآن لديه فان شبه جديد ويوصل طالبات الابتدائي ب300 للطالبه الواحده والمدرسه حذفة عصى
طبعا اذا بعدت المسافه زادت القيمه والرجال لاقي خير الله يرزقه
يأمكانك عن طريق احد محارمك الاتفاق مع من ترون فيه سيما الخير من احد حراس المساجد القريبه يحيث يأخذ السياره منكم صباحا ويعيدها بعد الظهر مع الاتفاق معه على راتب معين وبامكانه توصيل مشاوير خاصه لمصلحتكم .

الله يجزيك خير ..طيب هل يمكنني اني ااجرها يعني في احد يستاجر باص طالبات وبكم ااجر عليه الباص

[align=center]هلا فيك

اول خطوه تسوينها تروحين ودورون على هندي عندكم في الحي اللي انتي ساكنه فيه بس يكون من

مدينة ( كيرلا ) لانهم اغلبهم ممتازين وتقولين له انا ابطلع تأشيرة هندي سائق وابغاك تجيبلي هندي

انت تعرفه يكون ممتاز صديق مافي لف يدور بعدين انا في يسفر على طول صديق انتبهي خليكي

شديده معاه طبعاً هو راح يسئلك كم الراتب صديق قوليله راتب ( 800 ريال + بدل سكن 200 )

راح يقول هذا صديق راتب قليل قوليله مافي قليل هذا لسه جديد أنشاء الله يشوف شغل كويس انا

في يزيد راتب مافي مشكله صديق اصلاً يوافق على طول بدون تردد بعد ذلك تروحين للصرافه

وتسددين رسوم التأشيره وتاخذين الايصال وتروحين لمكتب العمل وتطلعين تأشير هندي سائق

خاص بعد ماتطلع التأشيره تروحين وتاخذين من الهندي اسم العامل ومكانه واسم المكتب اللي

في الهند وبعد ماتخذينه ترحين لمكتب خدمات عامه وتقولين له ابغى تفويض لمكتب بالهند

قيمة التفويض 200 ريال تاخذين التفويض وصوره من البطاقه وصوره من التأشير وتعطينها الهندي

عشان يرسلها للسايق اللي في الهند ويجلس حوالي من ثلاث اسابيع لشهر وبعدين يجي

وخلال الشهر انت عاد تحاولين تتفقين مع حريم عندكم في نفس الحي على اساس عندك

سواق راح يجي بعد شهر بس بشرط يشتغل السواق في الحي نفسه عشان لايتأخر على

احد لانه تعرفين ان وقت المدارس وقتهم واحد لايطلع برى الحي الطلاب والطالبات من ( 200 ريال)

والمعلمات والموظفات من ( 300 ريال ) وبعد العصر المشاوير الخاصه في بعشره وفيه 15 ريال

على حسب المسافه انتي تقدرينها وبعد مايجي الهندي تكتبين بينك وبينه عقد بأن يستلم

السياره نظيفه ويرجعها نظيفه عشان مايهمل السياره انتبه العقد لازم يكتب وبعدين عاد بكيفك

تبين تأجرينها عليه بعد كم شهر انتي براحتك انتي لآن عرفتي دخلها في الشهر كم

اتمنى لكي التوفيق .......[/align]

جزاك الله خير

معليش ابي اعرف بكم ايجار الباص ,,لاني يمكن ااجره وابي الي ياجره تكون الصيانه عليه يعني يشمل الصيانه يصير كذا اني اشنرط الصيانه عليه ولا مايصلح

اهلين اختي حفيده عبدالله
الباص يعتمد على كم كرسي فيه 9 ركاب وفيه 15 راكب وفيه 25 راكب , طبعا سعره يزيد بعدد الركاب
اما من ناحية الصيانة ايه فيه عقد ان الصيانة عليه والبنزين والزيت والكفرات وحتى الحوادث لقدر الله
بس لازم تكتب في العقد كلها
يعني الفكره تكون مادامت السياره معه وبإيجار شهري انتي ماعليك الا القبض نهاية الشهر منه بس
غير كذا هو يتحمل كل شي الى ان يسلم لك السياره واكيد ياخذها منك سليمه يرجعها سليمه حتى لو بعد كم سنة
وبرأيي فكرة التأجير حلوه ماعليك الا تاخذين كل شهر مبلغ وقدره بدون وجع راس لأن المستأجر هو اللي يعرف وش بيسوي في الباص
انوي واستخيري وانطلقي
والله يوفقك يارب

اختي خذي مني نصيحه مجرب اولا الباص لاتفكرين تاجرينه لان الي بياجره بيشحط فيه ويجيبه لك هرياان يعني ماحد بيداري حلالك مثلك انا اجرت باصي على واحد يوم رجعه لي الاول كان 15 راكب حسيته نقص راكبين هههههههه من جد لاتقعين بالفخ الي طحت فيه

ثانيا اشتغلي عليه انتي شخصيا احسن لك .... واعرفي ان الزباين تجيك ماتروحين تدورينهم يعني البنت هاذي تجيب لك الي بعده ووحده تسمع انك توصلين تسجل معك لين يملتي الباص يعني لاتستعجلين وتتوقعين الباص يمتلي من اول شهرر

ولو صامله على التأجير كم موديل الباص هل هو جديد اصفار او مستعمل

واعلمك كم