السلام عليكم ورحمة الله وبركاته
صبحكم الله بالخير
والله مدري من وين ابدا ولاكيف ابدا ولا راح يرضون ولا مايرضون
انا سلمكم الله عندي فكرة مشروع بالمستشفى العسكري بس ماني عارفه
كيف ابدا وين اسال ومين اسأل
اانا امراه وعارفه ان هنا اغلب الموجود رجال فقلت
اكيد المعلومات الي ابغاها راح القاها عندكم
ياليت الي عنده اي معلومه يفيدني فيها
والي ما عنده يرفع الموضوع الله يرفع قدره
حتى اوصل للمعلومات الي انا ابغاها لاني حرمه زي ما قلت لكم وماعندي مين يروح ويسال
ابغى اعرف منكم واروح على طول
(((ارجوكم لا احد يقولي روحي الاداره لاني ما اعرف اي إداره المستشفى ما شاء الله كبير
وكله مباني مبناء العيادت الخارجيه ومبناء الاسنان ومبناء الطواري ومبناء والتنويم)))
ارجوكم لا تخذلوني املي في الله ثم فيكم

للاسف مافهمت شي وضحي أكثر علشان نساعدك باللي نقدر عليه

الي ابغى اسويه ركن قهوه او عصيرات طازجه
داخل المستشفى بس ماني عارفه يسمحون ولا لا ومن وين اخذ الموافقه
قصدي مين المسؤل وايش شروطهم ؟

اهااا أتضح كل شيء الان


تبغين النصيحه ولاتفكرين أني أبغى احطمك أو شيء من هذا القبيل....

حاولي تنسين الفكره وتفكرين في موقع ثاني لانه من المستحيل يعطونك أي مساحه في مستشفى كبير الا بواسطه قويه مررره

انا اقول توكلي على الله

وربي يوفقك في المشروع

بس هاااه نبغى كوب قهوة ان شاءء الله

صلي صلاه الاستخاره
وقدمي المشروع

بالتوفيق

=)

[align=center]للرفع وموفقه يااااااااااااااااااااااارب [/align]

بالنسبة لأي مشروع يخص اي جهه حكوميه لابد من نزول مناقصه حكوميه ويعلن عنها في الصحف
يمكنك زيارت إدارة المشاريع في المستشفى والسؤال عن امكانية التقديم ..لانه من شروط التقديم هو توفر كامل شروط السلامه من اوراق وصحة الغذاء المقدمه للمرضى تجدها في كراسة المناقصة .. انا ارى تقديم خطاب رسمي لمدير المستشفى تفيد الرغبة في افتتاح البوفيه او الكشك المرغوب وتحديد مكان افتتاحه داخل المستشفى وبدور المدير راح يحولها لإدارة المشاريع وهم راح يفيدونك اكثر ..

اها طلعت الدعوه واسطه قويه ومناقصات
يعني اكبر مما توقعت
الدعوه تحتاج رجال ومال
انا ياحظي حرمه وكل الي معايه 30الف
لكن الله الله بالي معه واسطه قويه مره
لاني اتوقع انها تغني عن شغلت المناقصه
يسوي المشروع خليني اشوفه على ارض الواقع
او حتى اشم ريحته قصدي ريحت القهوه ههههه




اها يالقهر كان املي كبير بهذا المشروع
لكن املي بالله اكبر ان شاء الله