..++( هل تحظر زفاف من أحببت )++..

لكل شخص قصة حب عاش فيها .. وتعايش معها بكل تفاصيلها وأحداثها .. ضحك منها أيام وبكاء منها بعض الأحيان وسعد بها وحلق في عالم المحبين ايامن وليالي ورسم خطوط للحظات اللقاء ولكن ..!!!

بعضنا ختم هذه القصة بأجمل النهايات .. وبعضنا انتهى حبه بالفراق .. وبزواج الحبيب .. من شخص أخر .

والآن توقفوا معي وفكروا بكل جديه !!!


إذا دعتك حبيبتك أو حبيبك إلى حضور زواجها أو زواجه؟؟!!
هل سوف تحضر??
وبرر موقفك إذا رفضت واذكر السبب إذا وافقت الحضور??

إذا دعتك حبيبتك أو حبيبك إلى حضور زواجها أو زواجه؟؟!!
هل سوف تحضر??


ايه راح احضر وبكل سرور
وبرر موقفك إذا رفضت واذكر السبب إذا وافقت الحضور??

مافيه داعي ارفض راح احضر صح بتكون حره بالقلب بس من حبك له تمنى له الحياه السعيده مع الشخص الي صار من نصيبها ولا صارت من نصيبي


اجمل تحياتي لك
تقبلي مروري

لا ماراح أحضر لانها بتبقاء جمرة في قلبي



شاكرة لك موضوعك

ههههههه والله مااحظر اروح اركب السياره واروح اخذ لفه على القصر لفتين ثلاث لفات وبعدين اروح اسفط في اي مكااان واشغل حزين واااااااااااااااااااابكي الين احس انو الحزن الي في قلبي خف شوي وبعدين احرق كل شيئ يذكرني فيه صور او هدايا مااخلي ولا شيئ واخر شيئ احرقه ابووووسه وابكي وارميه في النار واطلعه بسررررعه واقول لا ماااقدر واخليه معي يومين ثلاثه ايام وبعدين ارميه وبعدين الاشرطه الحزينه الي عندي ارميها واشتريلي اغاني غربيه واشغلها علشااان ماافهم منها شيئ منها تونسني ومهنا مااحزن ولا تجي اغنيه تذكرني فيه((وشكراااا))

ياعيني ع الحلول

اول حاجة مو كل شخص له قصه حب


ثانيا لو افترضنا


ايوه احضر خلاص الي راح راح اجلس اعيش بحسره وهو يتزوج


وكمان تتوقعون اني راح ادعوه لزواجي ...!!!

ابد مو تصرف منطقي


عمووما انا بمجرد ما اتيقن اني أي شي كنت امناه مو من نصيبي انساة

وان ما نسيته اتناااساااه ....

فنونه انتي معزومه لاتنسين _^

لا طبعا ماراح احضر ..
ابقعد اصيح الى الصبح ..

يعطيكي العافيه اختي عالموضوع من وال متردد اشارك بالموضوع ام لا
المهم ماودي اطول اولا شوفي السبب اللي خلاني احد المدعويين ليش ماكنت انا وهي الداعيين اكيد بيكون السبب ابوها
ثانيا اكيد ماراح احضر لاني من النوع اللي مااخبي شئ بداخلي ومو حاب انحط بموقف مع اللي خطفها مني بس برسله هالكلام

ابد ماجيت ابارك لك ولكن جيت ابا أوصيـك
على اللي ناوي(ن) تدخل بها الليلـه .معذبتـي
ترى لولا الظروف الي عطتك وحدت محاكيك
قسم بالله ماتدخـل عليهـا لـو علـى رقبتـي

ولكن النصيب اقوى ولا ادري ويش اسوي فيك
نعم صارت معزبتـك ولاصـارت معزبتـي
كذا صارت لي القسمة بتحرمني لأجل تعطيـك
كذا لازم عشان تفوز انت انا اخسر بتجربتـي

تراهـا غاليـه جـدا وتكفـى والله يخلـيـك
تدللها..تدلعها..تنسـيـهـا مصـاحـبـتـي
انا من كثر مااغليها احس اني بديـت اغليـك
ولا تسـأل بايـة حـق والا وش مناسبـتـي

لانك لو بتسألنـي بتسمـع شـي مايرضيـك
لـذا ياخـوي لاتسـأل ولاتسمـع لأجوبتـي
ابيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبتـي

فداعبها شوي شوي حتـى تشتهـي طاريـك
وشاغبها الين تقـول بطـل مـن مشاغبتـي
واذا هي مالها خلقك ولاتضحـك ولا تسليـك
تحملهـا واسألهـا ياعمـري ليـه عصبتـي؟

وبالك اسمع انك يوم تضربها وهـي تشكيـك
مايحتاج اوري لك بفـن الضـرب موهبتـي
صحيح انك بتملكها ومعـاك العقـد بالتمليـك
وانا عارف حدود الله ومـن حقـك معاقبتـي

ولكن قل لها المجنون وصاني وهـو يعنيـك
يقول انـه بينتظـرك ولـو شيـب وشيبتـي
وانا مجنونها الي مانساهـا وانـت مايمديـك
تغطي ذكرياتي فـي هواهـا ربـع تجربتـي

احس اني تماديت بكلامي والغضـب حاديـك
لوانك فـي مكانـي ماتفكـر فـي محاسبتـي
كفاك اني تركت الليله اشغالي عشـان اجيـك
دخلت القاعه برجلي ولاادري ويـش عاقبتـي

وانا ماجيت اخرب عرسـك الليلـه ولاآذيـك
اناجيتك عشان اخاطبـك واسمـع مخاطبتـي
توصى وانتبه واحـرص عليهـا والله يهنيـك
ترى كل الكلام الي طلع من ضيقـي وكبتـي

ولكن ماقدرت انـي اقولـه وانـت مايخفيـك
اخاف انـي اذا قلـت تقـوم وتقطـع رقبتـي

كلمات الشاعر الشاب المتألق/ محمد عمر الشهري
تقبلي مروري