السلام عليكم ورحمة الله وبركاته







كيف حالكم يالغالين ..

عندي سؤال وابيكم جزاكم الله خير تفيدونني فيه ..

اللي هو .. سيارة الأجره .. يعني ابي اشتري لي سياره .. وابي اسوي لها ترخيص ..

هل لابد اغير المهنه ؟؟ زي برنامج مسارات حق بنك التسليف ولالا؟؟

لان السياره ابي اشتريها من حلالي يعني ماينقصني الا الترخيص اللي من الشركات على ما اظن ووين اقرب محل ترخيص حول حي النسيم .. وان كان فيه شروط ياليت تذكرها لـي وجزاك الله خير ...

اللي يمر على الموضوع ولا يرد ( جزاه الله خير ) ..
اللي يمر على الموضوع ويرد ( جزاه الله ألف خير )..
واللي يمر على الموضوع ويكتب ( موفق بأذن الله ) جزاه الله خير ..

عادي تبي تشتري سياره اولا لازم تطلع رخصه عمومي وبسيطه ودوره وتخلص بس الاهم لازم يكون مسمى مهنتك متسبب عشان تقدر تطلع الرخصه وتشتري سياره
ثانيا اذا انت موظف حكومي في طريقتين تشتري الليموزين باسم احد اخر اخوك او اي احد عنده رخصه عمومي ويفضل اخوك او ابن عمك لانه نفس اللقب
الطريقه الثانيه وهي تشتري ليموزين ويكون باسم شركه وتعطيهم مبلغ رمزي سنويا وهكذا
والاجراءات سهله باذن الله والله يوفقك ويرزقك

هلا بك اخوي بحر عطالله ..


يعطيك العافيه يالغالي ..

انا متسبب ، عاطل ..

وسؤالي ..

هل الرخصه لازم عمومي ؟

وهل يغيرون المهنه من متسبب الى سائق اجره .. مع ان الموتر بشتريه من حلالي ماهو من بنك التسليف ..

وشكرا لك .. وجزاك الله الف خير ..

اذا تبي تشتري ليموزين باسمك لازم رخصه عمومي وبسيطه كلها بصمات وتاخذ اسبوع الى اسبوعين بعدها تقدم كانك تطلع رخصه خصوصي العاديه
وبالنسبه للمهنه ما يتعدل فيها شي تبقى متسبب
اذا توظفت بعدها موظف حكومي عادي بس لا جيت تجدد استماره السياره ما يجددونها لانه راح يشوفون مهنتك موظف حكومي وانا اشوف مادام حصلتها ما يحتاج تجدد وعين خير منها ومحد يضايقك
وما تقدر تشتري الا سياره وحده ليموزين فقط
وموفق باذن الله والله يرزقك الرزق الحلال

السلام عليكم ورحمة الله وبركاته

ة التقديم والشروط اللازمه للحصول على سيارة اجره عن طريق بنك التسليف

الشروط الرئيسيه :


- العمر لايقل عن 21 ولايزيد عن 60
-المهنه طالب / متسبب / متقاعد
- رخصه عمومي سارية المفعول


اذا هذي الشروط تنطبق عليك تتوجه لوزارة المواصلات ادارة الطرق والنقل بمدينة الرياض وموقعهم مقابل القوات الجويه على شارع الملك عبدالعزيز يوجد فندق اسمه الزهره تدخل مع الشارع اللي قبله يجيك اول تقاطع تاخذ يسار تلقى مقرهم على اليمين

اولا تاخذ منهم خطاب موجه لادارة الاحوال المدنيه علشان تطلع برنت بالمهنه واذا عندك كرت عائله يكفي .. الاوراق المطلوبه منهم :

-برنت الاحوال او كرت العائله
-صورة من بطاقة الاحوال
-صورة الرخصه العمومي
-برنت من المرور بعدد السيارات المسجل ملكيتها على صاحب الطلب
( تاخذه من مرور الشرق ) قسم الرخص ولا يحتاج خطاب << امورهم سهله
- احضار الاصول للمطابقه

بعدين تاخذ منهم شي اسمه ( رخصة تشغيل اجره - افراد )

تتوجه بعد كذا لبنك التسليف والادخار السعودي ومكانهم الملز شارع الستين ومعك الاوراق التاليه :

- صورة بطاقة الاحوال
- برنت من الاحوال المدنيه او صورة كرت العائله
- برنت من التأمينات الاجتماعيه
- برنت من المرور
- صورة الرخصه العمومي سارية المفعول
- رخصة تشغيل اجره - افراد

بعد كذا تتم دراسة الطلب خلاال مده 10 ايام الى شهرين - ويجيك اتصال منهم بالموافقه من عدمه اذا بالموافقه يطلب منك الاتي :

- كفيل غارم موظف ولايقبل اصحاب السجلات التجاريه في الكفاله
-تغيير المهنه الى ( سائق اجره ) من الاحوال المدنيه

نجي لسعر السياره والاقساط ومدتها :

يتم تقسيط السياره بنفس سعرها ( بدون فوائد ) ويضاف لها ( التأمين ) يعادل 12 % تقريبا من قيمة السياره مثلا كامري سعرها 71 الف + 8520تأمين = 79520
وتقسط على 48 شهر بمقدار 1656 شهريا

طريقة دفع الاقساط

عن طريق الصراف الالي خدمة سداد ورمز المستفيد 058 ( بنك التسليف ) وبامكانك تسدد جزء من المبلغ المستحق او اكثر من المبلغ المستحق


منقوووووووووووووووووووووووووووووووووووووول



مثل اخوي طلع فورد تاكسي من عندهم بعد ماخلص اقساطه حوله خصوصي

هلا بك اخوي طبعك كذا ..


انا ماراح اخذ من بنك التسليف ، انا ابي اشتري السياره من حلالي وابي الانظمه اللي بيطلبونها مني حقين المواصلات هل يغيرون المهنه ولا مايحتاج ..

يعني بنك التسليف ماني رايح له .. ابي اشتري سياره بـ دراهمي ..

يا سلام علي الاعضاء كلام جميل
اتمني لقيت الهدف المطلوب
مع اطيب تمنياتي