السلام عليكم ورحمه الله وبركاته

انا تخرجت من الثانويه وكان حلمي التحق بالمظلات وفعال رحت لهم وقدمت وبعد اجتياز المقابله رسبت في عمي الالوان وقلت اللي عند الله خير من العسكريه
وقدمت ع وظيفه كاشير براتب 1800ريال بس وظيفه تعب دوام 8 ساعات وطول الوقت واقف واذا كان المدير يماني وش ترجاء منه
هذا غير الخصميات والملعنه
ورحت الرياض وحصلت وظيفه بشركه براتب 3500 ريال
استمريت بالشركه علما ان الموجودين الروساء كلهم اجانب اللي سوري والمصري وغير الهنود طبعا يكرهون شي اسمه سعودي وكل شي ع راس السعودي والواحد يتكلم من طرف خشمه المهم عديت اول شهر والوالد تعب وخش المستشفاء وقلت بستاذن واروح الديرة اشوفه وطمن عليه
لما جيتهم قلت ابي لي اربع ايام اطلع الديرة وارجع وشرحت لهم ضروفي ماحد عبرني من اصغر واحد فيهم لاكبر مسوؤل
رفضوا يرخصولي فاغبت اسبوع
ولما رجعت داومت وبعد خمس ايام جاني انهاء خدمات الا وهم حاطين علي خمس ايام غياب زود يقولون اليوم بيومين
خشيت ع المسوؤل وقمت اتكلم معه فلسطيني هو شد الكلام بينا وقال انتم ياسعوديين ماتنفعون للوظائف انا من شفته قال كذا اخذت الدباسه وظربته فيها
جوا العاملين ومسكونا وفصلوني
والحين عاطل بالرياض وحتي السكن تركته من وين ابي ادفع لهم وساكن مع واحد من زملاء الدوام
ماخليت محل مادورت فيه
انا بسال ليش عمي الالوان مرفوض من العسكريه طيب مظلات ذي يعني بسحب المظله بعيوني

شي وراثي وماله علاج
وش ذنبي انا
طيب بسجل في العسكريه مشان حمايه الوطن
يعني اللي يسجلني وياهلني دكتور مصري
من متي ترجاء الخير في مصري
حتي حافز انحرمنا منه ما ابي حافز بس ابي وظيفه خلو فلوسه لكم
نبي نعيش زينا زي البشر
الي متي عطاله
وين حقوقنا
وش تبون نهايتها
مروجين مثلا
قال الرسول صلي الله عليع وسلم
مانبت من سحت فالنار اولي به؛؛؛

اسف للاطاله

تحياتي لكم

[rainbow]صباح الخيراااات اخ كاتب عمى الوان عسى الله يوفقك ويرزقك ويسهل امرك اناانصحك تسجل بالجيش او اي قطاع عسكري غيرالمظلات لاتقطع املك بالله يمكن خيره لك انك ماانقبلت فيها قدم ولاتيأس وبإذن الله تنقبل [/rainbow]

قدم على العثيم يوظفون على طول 3500 اعتقد

الله يرزقك

الله يرزقك من واسع فضله

وعليكم السلام ورحمة الله وبركاته

الله يشفيك ، هناك عدسات لاصقة ممكن أن تحسن التمييز بين الالوان.لكن ماأدري موجودة بالسعودية أو لأ

ربي يعوضك خير، ويرزقك من واااسع فضله

دوور وابحث لو كاشير وإن شاءالله بتلقى اللي يسرك

تابع جرير يطرحون وظائف من فترة لفترة

موفق بإذن الله

وعليكم ورحمة الله وبركاتة
اولا انت اصلا ما عندك مشكلة ولا شيء اهم شيء لا تخلي ضغوط الحياة تاثر عليك بأي شكل ونا بعطيك حل من خلال تجربتي وشاء الله تنتفع معك اذا انت بتبوك تاخذلك رخصة عمومي او شهادتة حاسب المهم تكون معك تخصص فووق الثانوية تروح تقدم في مكتب التجنيد تبع القوات البرية تخلص كل الاجرأت اللي عندهم بعدها الكشف الطبي اول ما تدخل يشوفون عندك عمى الوان راح يحطونك بالمستوى الثالث لانك معك تخصص وذا ما مشى الحال راح يحولونك مستشفى الملك خالد اللي عند دوار الدبابة تروح لعيادة العيون وراح يمشونك لانك في المستوى الثالث ومعك تخصص ولا تقولي مستحيل ومادري ايش يابو الشباب انا طولي قصير بس الحمدلله عديت لاني معي تخصص فوق الثانوية وغيري معه خلايا منجلية واللي نضره ضعيف واللي معه امراض مستعصية والحمدلله امورهم عدة والحين كل واحد في مقر عملة بس انت سوي اللي قلتلك عليه واي معلومات انا حاضر تحااااتي لك

خذ عندك سلاح النقل وسلاح الصيانة وسلاح المهندسين كل هذي اهم القطاعات اللي تقبل مشكلتك بس انت خذ لك شهادة فوووق الثانوية وروح لمكتب التجنيد باسرع وقت ممكن ياولد قسم بالله انو الدنيا زحمة على الجيش والوقت مو معك

الله يرزقك