السلام عليكم ورحمة الله وبركاته

حياكم الله جميع

وش رايكم في تجارة حديد السكراب - او السكراب بشكل عام ..
وكيف طرق التجارة فيها للي مارس هالشغل وعمل فيه

العمالة الوافدة داخلها في هالمجال مثل ما تقول الصحف ويبيعون الطن حسب الوزن
او بيع الطن بالسعر من 600 الى 1000 ريال ..

وعليه طلب كثير من مصانع الحديد والمعادن لأجل تدوير الحديد ..

وهذا احد المقالات :

http://www.al-madina.com/node/374257

http://www.okaz.com.sa/new/Issues/20120304/Con20120304482998.htm


واللي وده يشتغل في هالمجال وش ظنكم يحتاج ؟
هل يحتاج دينا او تريلا ومستودع فقط .. ولا يحتاج شيء أكثر

وكيف نحصل على الحديد السكراب .. من وين ناخذه أقصد ؟
للي مبتدئ في هالمجال .. وش تنصحونه للي عنده الخبرة

واللي اشوفه ان اكثر السكراب في مكه لأن فيها هدم فنادق وشقق وبيوت ..
وهل السكراب متوقف فقط على حديد المباني ولا فيه اشياء ثانيه ؟

ارجو التفاعل لأن هالشغله مربحه وجيده وعليها طلب كثير ..

--

ان شالله اهل الخبرة بيفيدونك بهالمجال

بالتوفيق لك يا رب

تجارة ذان فائده اذا صبرت عليها

وحلو ان اتخصص بتجارة السكراب

اعرف واحد جمع عشرين الف طن من السكراب وباعه قبل فترة بــ 22 مليون ريال صافي

بالتوفيق

هلا

السكراب

كل شي يعاد تصنيعة ينفع

حديد - المنيوم - نحاس - زان - خشب - كراتين - بلاستيك

الشغلة مربحة

الطريقة

تجميع السكراب وخزنة - او شراء مخلفات المصانع والمقاولات والهدم


المطلوب

سيارة نقل
موقع تخزين
سيولة

تجمع السكراب حتى تقدر تامن حمولة تريلة مثلا ثم تنقلها الى اقرب مدينة فيها موازين بيع وشراء السكراب توزن الحمولة وتبيع وتاخذ دراهمك


وتواصل بها الطريقة


رح يم اقرب مصنع كيبلات وادخل على مديرة طبعا جنتل والبس لبس سنع
وقلة انا جاي اتعاقد معك على شراء سكراب الكيبلات او مخلفات التصنيع
وشف اذا عنده امكانية تعاقد بيعطيك بعض الشروط مثلا لازم توفر حاويلات داخل المصنع لوضع السكراب فيها
تنظف الموقع بعد ما تشيل السكراب وها الامور

انت وافق
بس اهم شي شف التسعيرة
مثلا لو قال لك الطن ب10.000 ريال قل تم
وشف اسعار النحاس برى الطن بكم معا اني اعتقد انه ما يقل عن 20.000 للطن


وكذا اخوي سير وادخل مصانع وروح يم محلات الشراء وخذ فكرة شاملة

اطلب اسعار الحديد اليوم
وهو درجات
عادي - قريدي 1 - قريدي 2

ومن هنا ابداء




موفق

للتواصل جوال 0568146043
فيصل لاخذفكرة شاملة

الحين الرجال يقول الطن من 900 ريال إلى 1000 ريال

وانت ترد عليه وتقول مثلا الطن بـ 10 آلاف ريال !!!!!