السلام عليكم
اخواني انا طلع اسمي مع الدفعه الاخيره للوظائف الاداريه

المهم الوظيفه مو قد التوقعات انا بكالوريوس وجابو لي وظيفه بعيد عن اهلي وعلى المرتبه السادسه
وان شاءالله تروح لشخص غيري محتاجها
لذلك ابغى تعلموني وش انسب طريقه للتنازل عنها وبنفس الوقت اضمن حقي
لو حبيت اقدم من جديد على جداره
شاكر لكم مقدما

اخوي
تروح تعمل تنازل من الخدمه
وعادي يبقى اسمك بالمفاضلات القادمه
والله يرزقك بالاحسن
بس لايمنع ذلك من الاستشاره والاستخاره
وايضا ترى البكالويوس تعينه يكون على المرتبه السادسه
اتمنى لك التوفيق

انا حبيت اتاكد من موضزع التنازل
في مشكله لو تاخرت بالتنازل
لاني الحين برا السعوديه وراجع بعد شهر

اخوي ما اخفي عليك انا مبتعث وبالمقارنه بين الخيارين المتاحين لي الان
اشوف البعثه افضل بكثير
وربي يوفق الجميع

ليش هل مالبو رغباتك ؟؟

ولا انت حاط ارغب في اي مكان ؟

الله يكتب لك الخير

سو الاستخارة ابركلك من بعثة او اي شي ثاني وش دراك يمكن هذي الوظيفة تكون لك فاتحة خير وعسى ان تكرهوا شيا
وممكن هالبعثة ترجع منها مبنط باطل عاطل
استخير باي شي

اخوي انا اللي اعرفه انه خلال فترة الترشيح اللي بالنسبه لكم تنتهي الاثنين القادم اذا ماجيت تعتبر بشكل او باخر متنازل
ولكن افضل لك كلم بكرى ديوان الخدمه4026666قسم الترشيح
ولو قدرت توصل للاخ الحامد او على الغامدي افضل وتاكد منهم
الله يوفقك ويرزقك والجميع

لبو لي اخر خيار لكن كوظيفه وراتب مو مناسبه لي

مو يعني اني شايف نفسي
يا اخوان انا لي طموح وهذي الوظيفه مو طموحي
والله يرزق الي مكتوب له الوظيفه
وبالنسبه لي اشوف موضوع الابتعاث افضل
وممكن غيري يشوف العكس

وربي اتمنى كل سعودي يتوظف
وهذي تعتبر مساعده مني بفتح المجال لغيري لتكون من نصيبه الوظيفه
والي ابغاه منكم فقط دعواتكم لي بالتوفيق