الله يرزقني بالزوجة الصالحة .. قولو آمين ..

والله انكم ظالمين الشباب ..
ما هو كل شاب يفكر بهالعقلية انه من اول ما يتوظف ويلا على البحرين وغيرها ويغضب الله عز وجل ..
فيه ناس كذا ما نقول لا .. ولكن مايصير نعمم ونقول كل شبابنا كذا , حتى البنات فيهم الخيّر وفيهم المقلد اللي تبي كل شيء على هواها وياكلها الشاب وقت الزواج ..

انا من ناحيتي افكر بالزواج ولكن اللي موقف في وجهي كثرة المصاريف اللي راح آكلها من الزوجه وقت ما تجي
لأني شفت معاناة شباب حولي .. بعضهم راتبه قوي ولكن ما يعرف يتصرف فيه وما خذ قرض ومبهذل نفسه ودافع اكثر من 100,000 ريال على حفلة الزواج بس .. طيب وبعدين ؟ بتقعد اقل شيء من 6 - 8 سنوات تسدد هالليلة اللي ما استفدت منها وراحت كلها في اشياء كمالية بحته واسراف ما بعده اسراف ..
وبعض مشاكل الزواجات في البداية تكون بسبب هالاسراف - والله سبحانه لا يحب المسرفين - فكيف تبي حياتك تتبارك وتنعم بحياة مستقرة ..
وبعض الاخوان والله راتبه قليل ولكن حكيم .. ومايصرف الريال الا حاسب له الف حساب .. وتلاقي زواجه حفلة عائلية وخذ زوجتك ومع السلامة .. انا جاي اتزوج الناس ولا اتزوج حبيبتي .. اهم شيء اني ما اسرف على نفسي - وأولم ولو بشاة - مثل ما قال الرسول .. وانتهينا ..


بس انا بأسأل سؤال :

هل انتو كـ بنات تهتموا بجانب الثقافة الزوجية .. من ناحية ما قبل الزواج وبعدها واول ليله واول سنة من الزواج .. وكيف تتعاملي مع الرجل وكيف يتعامل الرجل مع المرأة ..
وهل تهتموا بأخذ دورات تأهيلية في هالجانب قبل الزواج وبعده ..

وهل اخذتوا فكرة عن علم النفس , وكيف تطابق فصيلة الدم بين الرجل والمرأة ليكونو متناسبين مع بعض ..
وكيف تختاري الزوج المناسب لك من ناحية الشخصية ونمط شخصيته .. ومدى مناسبته لك قبل الزواج ..

انا اقول لو يكون هناك اختبارات تحريرية للرجل والمرأة قبل الخطوبة وقبل لا اتقدم لها اساساً .. يعني اعطي الوالدة اختبار تحليل نمط الشخصية اخلي البنت تحله واكتشف من خلاله شخصية هالبنت ..
وبعدها احل انا الاختبار واعطيها نسخه منه وتشوف شخصيتي وهل نناسب بعض او لا ..
يعني قبل لا ندخل في دوامة الخطوبة والملكة والزواج وبعدها اكتشف انها ما تناسبني وماني مرتاح معها او هي مش مرتاحه معي .. لأن الشخصيات سبحان الله مقسمة فيها المتشابه وفيها المختلف ..
فالمتشابة اذا اجتمع مع بعض لا يتفقان .. اما المختلفان يتفقان ويتناسب كل واحد مع الاخر
مثل المغناطيس اذا وضعت المتشابه لا يلتصق مع الاخر واذا وضعت المختلف يجتذبان من بعيد ..

مش هالشيء افضل اننا نعمل اختبارات قبل الخطوبة .. وايضاً من دون ما اتكلم معها او تتكلم معي
يعني على ورق نعرف بعض وندرس شخصيات بعض واعرف هي وش تحب ووش تكره من خلال شخصيتها .. وهي تعرف وش احب ووش اكره من خلال شخصيتي ..

وادخلو على هذه المدونة وراح تعرفوا ايش اقصد بكلامي :

http://www.abuharoon.com/?cat=17


وهذا الاختبار :

http://www.abuharoon.com/?p=58

بس ما ادري هل يمكن اننا نطبق هالشيء ونعمل به او لا ..

وعموماً شكرا لك على هالموضوع
وفي الاول والأخير .. دائماً اطلبي الزوج الصالح من الله عز وجل مقسم الارزاق بين عباده
وأطلب الزوجه الصالحة الجميلة منه سبحانه

والله يوفق الجميع

..

مااأقول غير راحوا الطيبين

موضوع الزواج خلفي في كل مكان هالفتره !
ادخل المنتدى ألقى موضوع عنه , اقعد مع الزملاء ينقز واحد تزوج يارجال وش تنتظر !
اغرد بتويتر . . لابد توصلني شغله عن الزواج ولايهون الواتس أب !
اخاف انام اصحى أحصل نفسي متزوج

المهم : لابد نتفق الحياه تغيرت كثيراً عن أيام الاولين والاسباب كثيرة .
زادت المعيشة ولم يتزايد معها دخل الفرد لذلك توجد فجوه واااااااضحة للأعمى !

نعم الارزاق بيد رب العباد سبحانه وتعالى والتوكل مطلوب والنية الطيبة هي الاساس وبالله التوفيق .

الانسان يجتهد ويتذكر بأن الزوجة أمانه فلابد ان يتأكد من ذاته ومدى قدرته على اكرامها بقدر الامكان على الأقل لاتشعر بفرق سلبي بين حياتها معه وبين حياتها لدى والديها .

المهم ماتوا الطيبين والعايشين مااندري عنهم وين عايشين

والله يرزق الجميع الخير كله عاجله وآجلة . . اللهم آمين
[line]-[/line]

وعد النبي صلى الله عليه وسلم من يريد الزواج لإعفاف نفسه بعون الله له، فقال: ثلاثة حق على الله عونهم: المجاهد في سبيل الله، والمكاتب الذي يريد الأداء، والناكح الذي يريد العفاف. رواه الترمذي وقال هذا حديث حسن.

http://www.islamweb.net/fatwa/index....twaId&Id=23244

كلامك آختي / اشواق سليم ميه في الميه ياليت كل الناس تفكر كذا

شكرا لك ع موضوعك الجميل

كلامك ياااشواق كثير واقعي وانا تفق معك وبالتوفيق ومشكوره على الطرح المفيد

انا ماراح اتزوج بعيش حياتي عزوبي احسلي

كلام جمييييييييل انا اوافقك الرأي كل شئ بحدود المعقول
والصراحه اهم شئ في رجال هالأيام انه يكون رجاااااال بمعنى الكلمه مو مهم ان شا ء الله مايطلعني ولامكان اهم شئ احس برجووولته وتكون علومه علوم رياجيل لاني اعرف والله حريم عايشات بعز ورجالها وربي في كل مكان يخونها وهي ماتدري وين الله حاطها الله لايبلانا , مومهم الماده اهم شئ الصاااااالح .
تقبلي مروري

والله يااختي احس كلام الشباب على الزواج والتكاليف وهالاشياء مجرد افكار اجتماعيه عامه
ترسخت في الاذهان اكثر من انها واقع
يمكن لكل ناس عادات واطابع مختلفه لكن عندنا مثلا مافيه لاسابع ولاعاشر كلها ذبيحه وخلصنا
وموشرط روظه او مدرسه خاصه
وش زينا متخرجين من الحكومي وبتفوق بعد هههههه
اللي يبي يمشي حاله يعرف كيف واللي تبي تتفشخر وتخرب على نفسها تعرف كيف
وكلن عقله براسه يعرف خلاصه

سلام عليكم وعطيكم العافية على هالموضوع
طيب التعارف والعلاقات في البلاك بيري او غيرة اذا تمت بجدية تتقعون راح يتم الزواج بين الولد والبنت

نعم في زوجااات تمت .. لكن حسب .. أفكار الأشخاص

يعتمد مدى نجاح الزواج عل سبيل المثال:-

وحدة من البنات تزوجت شخص عن طريق موقع 6 شهور تمام بعده

بدأت الغيرة والشك والمشاكل ..وفقدان الثقة .

والله كل شيء له حل إلا الغيرة والشك ماله حل