بصراحه موضوع طيب ولا كن المهم والأهم انت بتصرف البضاعه على مين حط تحتها خط عريـــض ولا كن الأفضل البدء بسعودة المحلات وهي الأساس لأن كل شي يعتمد على المحل لأنه واجهة المستهلك والأفضل التركيز على قطاع معين مثلا قطاع استهلاكي كبير مثلا مواد غذائيه يعني بقالات وسوبر ماركت منتشره بفروع كثيره في جده مثلا تكون عندكم 50 بقاله في احياء متفرقه وبنفس التصميم والديكور وبكذا انتم راح تتحكمون في الموزعين والشركات بصفه عامه وبسعر مميز وجيد بعد انتهاء من البقالات صار عندكم رأس مال جيد لأقتناص فرصه لتكوين محل جمله كبير يكون موزع لهذه البقالات ولا مانع من الإنتشار صحيح ان الفكره صعبه مبدئيا ولا كن مجديه وبقوه وعلى فكره في منتجات جدا جميله وفيها خير واجد وهي المنتجات البلاستيكيه والورقيه خصوصا انها منتج محلي
وادعوا الله ان يوفق الجميع

والله البلد فيها خير .. وعيال البلد فيهم خير
سواء تجار او ناس عاديين .. وكلنا نبي الرزق من الله

والله اللي كسر خاطري وقلب راسي ..
دقت علي الوالده اليوم قالت فيه وحده ضعيفة ومسكينة وتبي مننا صدقه لله ..
انا راح على بالي انها وحده من احد المساكين الغير سعوديين واللي محتاجين شي يسد جوعهم ويكفيهم ..
فأنصدمت لما قالت لي انها سعودية اصل وفصل ومن ديرة معروفة .. وساكنة بالرياض

وجانا ولدها شاب والله ما تعدى 25 سنة في عز شبابة واخوه اصغر منه بشوي ..
وجلست معه انا والوالد وسألناه عن احواله وهل هو مرتاح ووش محتاج وغيرها وقال انا ما معي غير الابتدائي والوالد مريض واخوي الصغير معاق وعندي 4 خوات وحده متزوجه وزوجها كل يوم يضربها بسبب هالمسكرات وساكنين في ايجار ولا عندي وظيفة واخواني صغار والايجار سنة يسددون عننا اهل الخير وسنة مانلاقي حق الايجار ويسامحنا صاحب البيت .. ويتكلم وأنا اشوف نفسي واقول الحمدلله على كل حال
واللي يشوف مصيبة غيره تهون عليه مصيبته ..

والله انه ما راح عن بالي وقاعد اتخيل كيف هم عايشين لا حافز قبلهم ولا اعانة دولة ولا شيء غير عطايا المحسنين من هالبلد بلد النفط اغنى بلد على وجه الأرض ..

ونويت اني اجمع لي قروش واشتري ونيت وأتصدق به عليه .. لأجل انه يشتغل في الخضار اللي هو اساساً لازم يكون كله سعوديين ولكن مع الاسف كله اجانب ماكلين الاخضر واليابس وعايشين افضل عيشة من هالبلد اللي خيرة لغيره ..

انا ابارك لك اخوي في طرحك لهالموضوع الحساس .. والجيد واللي يساعدنا كأخوة سعوديين اننا نعاون بعض ونتعاون في تجارتنا واعمالنا وطرح افكارنا وتطبيقها على ارض الواقع

والله ان في بلدنا ناس كثير محتاجه لقمة العيش محتاجه الريال قبل العشرة ..
محتاجه شيء يسد جوعها .. محتاجه احد يوقف معها ويساندها لأن مالها ظهر غير الله سبحانه اللي يعلم بالحال .. محتاجه مثل هالمواضيع اللي تنزل الميدان وتشوف هالناس هالأشخاص السعوديين اللي مالهم دخل مالهم اي ريال يجيهم من عمل غير صدقات المحسنين ..
والله انهم يدورون العمل .. ولكن عيونهم تشتكي الحيرة ونفوسهم عفيفة - يحسبهم الجاهل اغنياء من التعفف - وودهم بالعمل ولكن عاشو على كلمة العمل لازم يكون بشهادة ولا ما تلاقي وظيفة .. وهذه ثقافة اكلناها جميع واستغلها الأجانب وعملوا بدون اي شهادة ومدخولاتهم الشهرية اضعاف رواتبنا وتحويلاتهم لبلادهم وصلت نصف ميزانية البلد سنوياً ..

ولازم اننا نساعد بعض جميع ونوقف وقفه وحدة
ونساعد الضعيف قبل الغني ..
ونساعد الجاهل قبل العالم ..
ونساعد انفسنا وتغلبنا على غرورنا ..
وننزل للميدان ونتعلم العمل وننبذ الاتكالية على الغير ..
ونرتقي ببلدنا ونرفعه فوق فوق ليجاري وينافس اكبر دول العالم بالعلم والدين والتوكل على الله ..


كلنا نبي نفتح منتدى خاص بهالشيء ..
يجمعنا جميع شباب وبنات البلد نحاكي فيه همومنا ومشاكلنا وندرسها ونصلحها ..
ونساعد الناس حولنا ونساعد انفسنا واخواننا ..

وكل شيء يطرح في هالمنتدى ..
مثلاً فيه مخترع سعودي نجيبه او يجي هو ويطرح فكرته وندعمه ونمدحه وندله للجهات اللي تستقبله
فيه فكرة جديدة وجيدة ومجربه ونريد نطبقها جميع تتطرح الفكرة ونتشاور فيها جميع ونطبقها
فيه محتاج سعودي فقير .. نضع اسمه ورقمه وندل اهل الخير له ويساعدونه ..
فيه وفيه وفيه وفيه ... كل شيء يهمنا ويحل همومنا كشباب وبنات نطرحه ونتناقش فيه ونطبق الحلول عليه

ولا خلى ولا عدم بهالمنتدى اللي جمعنا .. ولكن نبي شيء يقربنا من بعض كمجتمع واحد يربطه قلب واحد .. تسمعه اذان الناس من مواضيعه ..


والله بلدنا فيها خير واهلها فيهم الخير
ولكن ينقصنا نلتم على بعض ونساعد بعض ونوحد كلمتنا ونرتقي ببلدنا ونرفعه فوق ونطوره بأنفسنا كشباب وبنات .. فنحن جيل الغد القريب ..

--

اشكرررررررررررررررررررررررررررك صاحب الموضوع ع هالطرح
وان شاء الله في تفاعل موضووع جدااا جميل و ع الجرح بس ااخ لو في تكاتف وتطبيق لهالكلام كان يزن
بالتوفيق

السلام عليكم ورحمة الله وبركاته وبعد:
قل الحكي وخذ الزبده.
*- لابد يكون هناك إجتماع :
1- أن يكن عبر الماسنجر أو أي وسيلة اتصال لأن الاجتماع الشخصي بمكان قد يكون صعباً وليس مستحيلاً، وقد نكون من مناطق مختلفة،ويتم تحديد وقت ومكان ووسيلة الاجتماع هنا بالمنتدى بموضوع مستقل.
2- لابد أن يحدد مواضيع الاجتماع أو ورشة العمل.
*-بنود الاجتماع أو المواضيع هي:
1-أن نحدد المشاركين ونعين رئيساً لنا وكذلك عضواً متحدثاُ يتواصل مع الاعضاء نيابتاً عن الرئيس.
2- تحديد رؤوساء لكل منطقة من مناطق المملكة نيابةً عن الاعضاء يتواصل مع الرئيس ويحدد المهام ويكون هو مسؤولاً أمام الاعضاء في المناطق الاخرى وأمام الرئيس.
3- نحدد من الممول/المستثمر/ العضو العامل.
4- يجب أن يكون هناك مكتب محاماه يرتب العقود ويضبطها وسجل تجاري لكي لانخل بأنظمة الدولة وتكون شراكتنا مبينيه على الحق والصحة دون الدخول بعشوائية وحماس غير منظبط.
5- نبدأ بالبقالات والاغنام لأنها هي المدره للربح وعندنا معرفه بها أو أحد من أقربائنا.
أرجو السرعه بتنفيذ هذه الامور والتنسيق لخدمة الدين والملك والوطن ومساعدة بعضنا البعض.
أرجو من أخونا علامة تجارية / وأخونا الحارث الهمام القيام بواجبهم من تنظيم وتنسيق للإجتماع وأنا أعددت الطريقه والمواضيع وسوف أفتح موضوع يكون به المعلومات من قبل الاخوين الصديقين وأرجو من الاعضاء التفاعل بقراءة الموضوع ومايستجد به.
أخوكم أبو سلطان

السلام عليكم ورحمه الله وبركاته ...... اول شي اهنيكم تهنيت الابطــال ع الفكـــره الناجحــه

واهني تهنيت خااص للي اساس الفكره .. واقووول الله يقويكم ويبارك فيكم ... ويصبركم


<< مشاركه حــاره

قبل يويمن سالني مصري يقول ليه انت يالسعودين عندكم نااس غنيه وناااس ماتلقااا تاكــل ...ابي اجاربه


<< اول الله يطول في عمر ملكناا ملك الانسانيه ..

ثانين الاجانب اكلوكم لهم سنين وخيرات البلد شوف برااا عند النااس اللي يشتغلو عندكم وش مسوين في بلادهم


<<ماني مكثر الكلام ... عليكم ...>> لكن لازم الاتحـاد والاصرار والصبـــر تراهااا تراها سلاح فتااك في اي شي

<<اول شي فيكم نبي نشوف النااس الثقه والنااس الحماسيه في المنتدى قبل نزول الى ارض الوقع

كل واحد يحط توقيــعه علم السعودي . فديتك يالسعوديه .

<< تراء اذ نجحتوو في الحركه صدقوني تراء تبدو ع ارض الوقع باذن الله
<<بدون خجل وبدون مماطله وبدون احباااط ...


<< الاجانب عندهم حكمه قويه ومطبقينهاا بشكل جيد ..

<< اول شي شوف صبرهم ع الشغل
ثاني شوف ثقتهم في الشغل والربح السريع
ثالثن اتحادهم في جميع الشغلات حتى اللي ماعنده شغل تلقااه يوضفونه ع طول عند اقرب ورشه ولا بقاله وغيره
ولو تبيه مايعطكيه الا براتب قوي وحوافز شوف الحكمه كيف ...>> والله اهنيهم من كل قلبي

<< حتى راحو يشترون التاشيرات من ضعفاااااء النفوووس اللي عندناا نسبتهم 70 بالميه
تلقاااه الباكستاني يشترون تاشيراته 15 الف شوف من ووين جابوهاا وليه دفعوهااا لاجل يوسعو نشاطهم ويجبو غيرهم ... مانقول الا صبر جميــلن ..



<< ماودي اطول عليكم >> نبي تخطيط من جميع النواحي



<<

متـــااااابع


مثل انا عندي ورشه غيار زيوت ومغسله سيارت ... واغراض المحل اجيبهاا عن طريق مستودع راعيه شايب ويحب الشباب المكافح
واخذهااا بسعر براس المال .. عرض لي وتصدقو انا السعودي الي اجي واحمل من عندهم والباقين اجانب

وعندي الورشه في ديرتي واسعاااره خياليه وابيعهاا ع اهل المنطقه بسعر اقل من سعر الورشات الثانيه بخمس ريال
ولي 3 اشهور ومخسر الاجانب اللي عندي في سوقهم وانا لحالي .. لكن صابر عليهم واصراري بعيد

حتى قبل فتره تهاوش عامل وكفيله بسبت اختلاف العامل مع كفيله في النسبه يقول العامل اني محلي ماعد يطلع خير مثل اول ....>> نفس محلي وهاااذ علامه جيده لهدفي

<< ونبي نشوف الى مالا نهااايه ... وبعلمكم وش يصير علمناااا اللي عندي من زباين المحل صرفلهم كروت عميل .. ويوم السبت الى الى الثلاثاء مجاني لهم للي معهم كروت

<< لكن اول بدايتي للمشروع كانت تحدي وفزعه لغيري ...>>

والعماله بالرواتب وعدم الاحتكاك مع غيرهم من الهنود وحار معهم وكاسب محبتهم
والاجنبي بشوفله دراسه جدول عندي وابي اشوف كيف اتعامل معهم غير عن سعر السعودي



<< والله يوفق اللي فيه خيـــــر .... عساااء الفكره تقربكم من شي

قبل المشروع اعرفوووو الموردين زين ثم ابداء بتخطيط المشروع يعني مثل فكرتكم رهيبه جداااا والله يقويكم عليها

وانا معكم فيهاا لي شي من دعم فكري ولا مادي ولي شي لدف واضح ...


<< مثل قطع غيار السيارت

تعرفو على نااس تورد قطع طيبه واصليه ورخيصه كانك تشتريها لنفسك

1 استيراد قطع رخيصه ويكون صاحبه سعودي
فتح محالات يتشغل فيه سعودي ويستورد من المستوردين السعودين اهم شي راخيصه وموثوق
فتح ورشااات تراكيب القطع لي شي بسعر معقووول قريب المحلات القطع ويكون ماعندكم هنود بالنسبه يعني ترفضو اي يكون من ضعفاااء النفوووس يشتغل جنبكم تحت مضلتكم وتقومو عليه وشوف النتايج

<< راح يعرفونكم وراح يثقون فيكم .. وكل شي بتوفق من الله عز وجل ..

الفكره كبيره جدااا لجميع المجالات ... لكن نسبتناا الظاهر ماتجاوز 10 بالميه في الطمووح القوي والاتجااه السليم ..



<< نسبتنااا في النوم الاكل والرفاااهيه وصلت 99 %


مانقووول الا الله يفزعلنااااا ويشد عزيمناااا في بلادنااا وفي خيرهااااا ..



<< شدو الحيــل والله يوفقكم



........... اخوكم سند العتيبي ............................>> متابــع يومين وارجو من الموجودي التفاعل بجديه تامه

كلام المطرفي عين العقل ... يجب في البداية ان نقسم انفسنا حسب المناطق

مارأيكم بـ محلات الجوالات حالياً ؟؟

ياشباب الله يبارك لكم ويبارك فيكم ويسدد خطاك وخطى من كتب الموضوع ناقشه وأفاد واستفاد . شدو الهمه لنرتقي للقمة ( سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون سعوديون.
أخوكم أبو سلطان.