واحب التذكير بأن بعض زملائي اكملوا دراستهم بالبعثات الدراسيه الخارجيه
واثناء دراستي بالكليه لفت انتباهي طلبه اذكياء جدا اعتقد ان مكانهم ليس بالجامعات السعوديه
ولكن حتى الجامعات السعوديه لم تقبلهم لانهم لايملكون واسطه
واخيرا اقول ان التعليم بالمملكه فاشل ميه بالميه والدليل فلننظر الى من نجح من الاطباء السعوديون او غيرهم فجميع شهاداتهم من خارج المملكه

اخوي موظف كلامك في صلب الموضوع وش رايك بالرد الي في بداية الموضوع
(((اي معضم الي داخلين يبون مشى حالك دراسه دفني وادفك لين اتخرج)))

اشكرك على التعليق المهم الي اضفته ....

هلا اخوي ابو احمد هلابك يالغلا
(( دفني وادفك لين اتخرج))
اكيد فيه طلاب من ذا النوعيه لكن مو بس بالكليات التقنيه بعضهم بالجامعات داخل اي تخصص او تخصص مرغوب مو عن رغبته الوالد الله يحفظه متوسط له فيه والولد مايبيه وسالفة دفني وادفك ذي موجوده حتى في الجامعات والهدف الحصول على مكافاه لكن والله العظيم اني قابلت طلاب من الكليات التقنيه نوابغ ماعندهم مصطلح دفني وادفك...وعلى كل حال دفني وادفك موجود بالكليات التقنيه وبالجامعات وحتى الوظائف الحين يقولون لها دفني لحد مااحصل وظيفه ثانيه

الله المستعان بس ليش متعقدين من سالفة الواسطة والله انا جالس في البيت وفي ناس
نسبهم اقل من نسبتي ودخلو الجامعة ولا جبت موضوع الواسطة
انا ما انكر ان ما في واسطة لكن مو كل الي داخلين بالواسطة يعني انا من تقديري
في كل جامعة او كلية 15% من الي داخلينها بالواسطة والباقي كل واحد ونسبته
وجهة نظر فقط!!!!

عليك نور... لكن انا اقصد التخصصات المرغوبه لاتقبل بالغالب الا بالواسطه ويوجد بها اشخاص بدون واسطه لكن قله انا اعرف طلاب نسبهم 88 الى 95 مااقبلتهم كليات الهندسه والطب او الكليات العسكريه اما باقي التخصصات التي يوجد بها اكتفاء تقبل

والله اذا انت رجال واصل ... خذ شهادة الكليه التقنيه بعد سنتين من تخرجك من الثانويه ... ورح للرجال الواصل اللي تعرفه وبتتوظف براتب لايقل عن 5500 ... واذا مالقيت وظيفه كمل الباكالوريس بنفس الكليه وبتلقى خير انشالله

البورو وش واصل الواسطة رب العالمين
موضوعنا وين وانت وين الله يهديك وبس !!!

اخي الكريم انا من خريجين الكليه التقنيه تخصص تقنيه كهربائيه
وندمت كثير الندم على اني تخرجت منها لانها كليه من لاكلية له هاذا شعار طلاب الكليه
لازلت اذكر هاذا الشيئ مع اني خريج حديث لولا الله ثم الواسط لما توظفت وظيفه حكوميه في غيرالتخصص يعني الان انا اداري مو فني وهاذا الشيئ المضحك ضاعت سنتين من الدراسه من دون استفاده منها واريد اكمال البكلريوس ولااقدر لان المعدل ضعيف يقولون 4.5 اقل تقدير طيب زي مافتحتو الدبلوم الموازي افتحوا البكلريوس الموازي ايضا استفيداو يااوادم ولكن لاحياة لمن تنادي سوف تجد اعداد كبيره سوف تكمل الدراسه من اجل الرقي بمستواه العلمي والوظيفي عموما سوف يطول الكلام عن الكليه التقنيه ولكن الحمدلله على كل حال اخشى اني اطلت عليكم بكثره الكلام بس اعذروني لو لا المعانات مع الكليه المحترمه!!! لما كتبت ولولا موضوعك اخي الكريم لن اكتب بس استثارني الموضوع وشكراااا لكم.....

هلا حمودي وخذ راحتك
اخوي وش معاناتك بالتحديد ... مسوي دكتور

وش قصدك بكلية من لا كلية ؟؟
ومن ناحية الوظيفة الله يطول عمرك تخخصك زين بس ابغى
اعرف كم معدلك ؟؟ واحد ملقوف
وكيف مستوى اللغة الانجليزية عندك ؟؟
وهل قدمت للشركات ؟؟ انا اعرف ان الشركات محتاجة للكهرباء والميكانيكا
والتخصصين هذي تتوظف فيها اسرع من التخصصات الاخرى


اتمنى اني ما ثقلت الاسئلة عليك

طيب شباب افهم من كلامكم ان المعدل شرط ضروري يعني من 3.5 مطلوووب ..

ولا لازم واسطة ....

.