الكليات التقنية (اسئلة وخواطر)

السراب · #31 (**permalink**) 17-02-2007, 03:32 AM

اخي الكريم انا من خريجين كلية الدجة والفلس
بتخصص الالات ومعدات ثقيلة ميكانيكا والمعدل 3.76 جيد جداً
والغة الانجليزية تمرش
وماخلت شركة الا وقدمت عليها وماخلت مكان ماطيرت ذبانه ولاكتب لي نصيب
وهالحين اعمل في مؤسسة طباعة خطابات والراتب 1500

أبونايف2010 · #32 (**permalink**) 18-02-2007, 02:22 PM

انا درسة الكلية التقنيه يوم كانت ثلاث سنوات وما استفدت شي وللحين عااااااطل

محاسبة معدل 4 · #33 (**permalink**) 18-02-2007, 07:26 PM

طيب شباب وين الغفيص عن هذه المخرجات العاطلة ...

والله لازم ياشباب نسوي خطابات للكلية وش ذا الكلام معقوولة ادرس واخر شي ماتوظف ..

.

abo ahmed · #34 (**permalink**) 21-02-2007, 01:45 AM

يا شباب ممكن التخصص له دور كبير يعني تخصصات الكهرباء ( قوى كهربائية)
والتخصصات الميكانيكية ( انتاج - تبريد وتكييف ) ما سمعنا احد عاطل الا
اصحاب المعدلات المنخفضة

جوري · #35 (**permalink**) 21-02-2007, 02:16 AM

فية عاطل قوة كهربائية بس اهم شي بكليه التقنية التقدير مهم جدا

ولد منيرة · #36 (**permalink**) 26-02-2007, 02:26 PM

الله يستر بس هذا وانا ناوي اسجل بالموازي حق الكلية التقنيه( حاسب_برمجيات)

شباب الحين خريجين الحاسب يتوظفون بالبنوك ؟؟

رحت انا لكلية التقنيه ودخلت بعيون الشباب هناك اللي تخصصهم برمجه سألتهم وين تتوظفون ؟ وكيف دراستكم ومن هالحكي

اللي يقول الشركات تسوي عقد للي معدلاتهم زينه قبل يتخرجون

واللي يقول خالي متخرج منها وقدم على بنك الراجحي وعطوه دوره بجده 6 شهور وصار مسؤول اجهزة صراف آلي براتب لا يقل عن 8 ألاف

واللي يقوووول اووووه الحكومه تاخذك

واللي يقول اوووه وزارة التربيه والتعليم توظفك بالمدارس الابتدائيه _مشرف او مسؤول معمل وعلى الاقل 4500

الزبده قعدوا يمدحون تخصص البرمجه بالتقنيه ... يعني كلامهم هككككك؟ ولا يبون يرفعون معنويات انفسهم ..؟؟ ولا علمهم علم؟؟؟

ياعياااااااااال رسونا على بر كلام المنتدى شي وكلام الناس شي وكلام طلاب نفس التخصص شي آآآآخرررررر

الله يزرقنا ..سلامي وان طلعت عن مضمون الموضوع بس يبدولي انسب مكان هناا بحكم ان الزبده( الكليـــة التقنيـــة )

سلام سليم

محاسبة معدل 4 · #37 (**permalink**) 26-02-2007, 05:33 PM

شف اخوي تبي تخصص قووي والوظيفة مظمونه 100% ...

خش تخصص ميكانيكا (( محركات ومركبات )) وشد حيلك وخذ شهادة الهندسة 4 سنوات ونص ويعنونك في المكان الي انت تبه وبرتبت مهندس من قدك ...

المحاسبة تخصص قوي ومحترم ومطلوووب لكن اذا انت بتتحمل اول ماتتوظف 3 الاف وانت ماااشي بس سنة وحدة وبعدها بتصير فوووق وخصوصا اذا تعدت خبرتك 3 سنوات اذا قدمت على سابك وماقبلتك تعال احلق شنبي (( هههههه تخيل احلقه )) ..

ع العموم الكلية التقنية ممتازة وشهادتها قووية بس يبيلك تصبر سنة او سنتين بالكثير وبعدها صدقني تمسك منصب الي معه جامعه الملك سعود يحلم فييييه ...

بس تحمل اول ماتتخرج يعني لو قالولك ب 2500 ريال قل مافيه مشكلة وخذ الخبرة وصدقني بتصير بعد 5 سنوات مدير وبالراااحه ....

اعرف واحد درس في الكلية التقنية تخصص كهرباء المهم الولد شد حيله وخلص الدبلوم وقدم على البكالوريس وبحكم معدله القوي قبلوه وتخرج السنه الماضية ومنحوه شهادة (( هندسة كهرباء )) والان يعمل في شركة الكهرباء وراتبه 17.000 ريال ، وسيارة 2006 اخر موديل قيمتها 100.000 ريال ..... الله يهنيه ان شاء الله ...

يعني اخوي شد حيلك وتحمل لك كم سنه وصدقني بعدها بتصير شـــــــي ......

لكن ارجع واكررر اذا كنت تبي تصير بعد كم سنه لك مكانتك الاجتماعية انصحك بالمحاسبة والميكانيكا تخصص محركات ومركبات صح انها زيوت وووقرف بس لها مستقبل .....

وبخصوص المحاسبة انا اتوقع انك تقول الحين هذا تخصصك وعاطل .... انا لس خريج جديد (( فرريش )) ههههههههه ... والايام قدام ان شاء الله ....

اقول اخوي ولد منيرة هاه وش قررت تدخل اي تخصص ؟

.

عبدالله في قلبي · #38 (**permalink**) 27-02-2007, 03:04 AM

انا خلصت من الكليه التقنيه تخصص كهرباء تقدير جيد جلست سنتين عاطل ومالقيت وظيفه
طبعآ ماعندي واااااااااااااااااسطه قلت ياولد ما فيها خلنا ندرس صيدله في احد المعاهد والحمدلله خلص ترم باقي ثلاث اترام واكون صيدلي احسن من كهربائي لا والحمدلله اول ما اخلص اودي الملف الديون واخذ رقم لين يجين سرى ماهو اروح ادور واسطات وزقلبه وحاله بالهم الله لك الحمد راحت اجمل خمسه سنين في عمر على كلية التقنيه الله لايوفق من كان السبب

اميرة الكون · #39 (**permalink**) 27-02-2007, 04:00 AM

الكلية التقنيه من الكليات المعترف بها
والكثير من خريجي الكليات التقنيه شغلوا وظائف بارامكو وسابك والاتصالات وشركات الطيران
ووظائف حكوميه بالمرتبه السادسه
كلااااااااااااااااام موثوق
ولكن معدلاتهم مرتفعه من اربعه فمافوق
والتخصصات ممتازه ( كهرباء, ميكانيكا , برمجه)
من لديه التخصص هذا ومعدله من اربعه فمافوق ولم يتوظف فهو لم يبحث جيدا عن الوظيفه او انه تكاسل حتى اصبحت شهادته قديمه
ولو اتى خريج هندسه من جامعة امريكيه ومعدله منخفض هذا شي طبيعي لن يقبل لااي مكان كان

__________________

ولد منيرة · #40 (**permalink**) 27-02-2007, 09:37 AM

كلام منطقي يعافيكم ربي

محاسبه معدل 4 وعبدالله في قلبي واميرة الكون..تسلمون لي والله

وانا ناوي اشد حيلي ان شاء الله والله يوفقني ويوفقكم ..

وبصراحه مالي في المحاسبه ولا لي رغبه فيها ولا كهرباء ولا ميكانيكا

انا ابدخل برمجه كهوايه مني.. يعني هوايه مع اجتهاد .. معادله بإذن الله نتيجتها حلوة

وزين اشوه عطيتوني الزبده .. لان كلام المبالغه ما خش مزاجي مثل اللي اغلب اللي نقراه

وسلام

دعواتكم