يجي من يفيدك..لـــــــــــر فع

اي معلومه ي شباب راح تفيد الكل

حاولت اشووف لكم المواضيع القديمه وجبت لكم المعلومات هذي لعلها تفيد لو بشئ

1- دورات سلاح الأشاره اين تقع ؟
تقع في مركز سلاح الاشارة في الحرس الوطني بخشم العان بالرياض
2- راتب الجندي اول بسلاح الأشاره اول مربوط مع البدلات بتفصيل ؟
راتب الجندي اول بحدود 6000 صافي
3- كم مدة دورة كل تخصص وعدد التخصصات المتاحه ؟
اتوقع الدوره ثلاث شهور امـا التخصص الي هو فني سته شهور

وين مواقع المقابله ماهي بجده يقوالون

في الرياض

اغلب التعين يكون في الرياض

المزايا الوظيفية بعد الالتحاق بالحرس الوطني :
1-يعين على وظيفة في مجال تخصصه وحسب تحصيله الدراسي والمهني.
2-يصرف راتب بدل تعيين بعد التخرج مرة واحدة فقط.
3-يمنح راتب وبدلات وعلاوة فنية مناسبة وفقاً لنظام خدمة الأفراد واللائحة التنفيذية.
4-تأمين العلاج له ولأفراد عائلته ولمن يعولهم شرعاً بالمستشفيات العسكرية التابعة للحرس الوطني.
5-إمكانية الحصول على السكن العائلي ضمن إسكان الحرس الوطني.
6-الحصول على دورات في مجال التخصص بعد التخرج.
7-يمنح العسكري تخفيض بواقع ( 50% ) من قيمة تذاكر السفر على الخطوط السعودية في الإجازة السنوية داخل المملكة له ولعائلته لمرة واحدة فقط.
8-فرص لاستكمال الدراسة بالمدارس التعليمية للحرس الوطني.


معلومات بخصوص سلاح الإشارة
الفرد الأساسي مدتها 4 شهور واقل باسبوعين تقريبا

طبعا 45 يوما ليست متواصله يعني بعد دخولك باسبوعين ثلاثه تخرج خميس وجمعه وترجع


اثناء الفرد الاساسي يختبرون جميع الأفراد اختبار انقليزي يترتب عليه مايلي:

اللي ينجح بالانقليزي بنسبه جيده يتم تحويله بعد الفرد الاساسي الى فني اتصالات
والباقين مشغلين اجهزة

نجي للتفاصيل:


المشغل: مدة الدراسة ستة اشهر يتخرج بعدها برتبة جندي أول
المدربين عسكر

والصنف المعتمد له من غير البدلات 800 ريال


فني الاتصالات: مدة الدراسة سنة تنقسم الى قسمين

ستة اشهر الاولى تستلم فيها 900 ريال كمكأفآة

الستة اشهر الثانية تستلم فيها الراتب الاساسي مع الميدان مع الاعاشة 3500

وتتخرج جندي أول والصنف 1250 ريال


طبعا المدربين من الجنسية البريطانية واردنية

بعد ماتطلع من المدرسة (مدرسة سلاح الاشاره)

يصير راتب المشغل 5200 ريال وكسور
يصير راتب الفني 5665 ريال
( هذي الرواتب قبل الزيادة بعد الأمر الملكي )

الكثير راح يفضل مشغل ولكن اقوله الفني افضل تقولون ليش

اقولكم ليش


لانكـ تتخرج بشهادات معتمده من بريطانيا بخصوص الدراسة

وتتعلم لغة ببلاش مدة سنه احسن من الدورات اللي بفلوس

بعدها باربع سنوات تطالب الحرس بشهادة خبرة تجي من بريطانيا

بعدها تقدر تفصل من الحرس وتشتغل بالاتصالات موبايلي زين

اذكر رقباء اللي فصل واللي تقاعد الحين شغالين برى برواتب تصل الى 15000

والبعض الاخر يشتغل مع الشركه البريطانية لانهم يطلبونه


دراسة الانجليزي تبدا من الصفر الى الاتقان


كثير من اخوانا المشغلين ندمانين يقولون لوكملنا برضه ست اشهر زياده ماخسرنا شي

لكن توافيق

الكثير يقول يتخرج وكيل رقيب انا معك الكلام هذا صحيح قبل 5 سنوات او سته

ولكن نزلوها الى عريف ثم الى جندي اول

اذا فيه شي تغير بالمدرسه شي واحد

وهو ان العميد /عبدالعزيز الفوزان تقاعد واستلم محله العميد:السعيد




على فكره بعد الفرد الاساسي

ودخول التخصص يصير دوامك صباح وبعدين تروح للبيت وهكذا

يعني مافيه حجز

انا مابي احطمكم لكن كل واحد يتوكل على الله ويعرف ان رزقه مكتوب له ..

تراهم مايقبلون الا 150 طالب فقط , والدوره راح تكون بمدرسة سلاح الاشاره يعني ميدان صغير
وراحه نفسيه ودوام مكتبي اغلبه ولايلحقك استلام

اسأل الله لكم التوفيق

يجي من يفيدنا اكثر

دعواتكم ي اهل الامن العام


ننقبل في سلاح الاشارة