حافز صرف لي ريالين

بصلاتك حلي حياتك · #1 (**permalink**) 01-05-2012, 10:37 PM

السلام عليكم ورحمة الله وبركاته

اخواني واخواتي هل تصدقون ان حافز بعد المماطلات والمكالمات والمراجعات
صرف لي ريالين فقط 😭 ادري مو مصدقين والا انا الي الان مصدومه حيل
واقسم بالله العظيم انه تم صرف ريالين فقط
وذالك بسبب ان الضمان مسجل باسمي وانا اكبر اخواتي يتيمة الام والاب
ياناس معقوله يصير كذا في بلاد الحرمين
الملك عبدالله ماقصر وامر بـ2000 ريال لكل عاطله وعاطله بارك الله فيه
لكن الحساد اااخ منهم بالله مافي وجيههم حيا ريالين 😱
والله والله لو بزر الحين مايرضي بريالين
كيف اروح وافتح حساب وسرا وزحمه وحجز ارقام
وبطاقة الصراف ماتطلع الا بعد نزول حافز واخرتها ريالين
حسبي الله ونعم الوكيل حسبي الله حسبي الله 😭😭😭
اعذروني والله مصدومه ومقهوره

شتاء ثللج · #2 (**permalink**) 01-05-2012, 10:47 PM

رياااااالين؟؟؟؟؟؟؟؟؟ الله يكون في العون ويعووضك يا قلبي

أسير الفرقاء · #3 (**permalink**) 01-05-2012, 10:48 PM

والله مالومك أختي الله يرزقك
ويغنيك عن حاقد ماوره غير النكبات
صبرٍ جميل والله والمستعان

برودباند عاطل · #4 (**permalink**) 01-05-2012, 11:05 PM

عندي سؤال واحد بس

وش دخل الضمان وهو مال زكاه في حافز وهو من الدوله لدعم العاطلين

ماقول الا غير حسبي الله ونعم الوكيل

الراآسيه · #5 (**permalink**) 01-05-2012, 11:12 PM

والله حرام بهذله وغربله مع هالبنوك تاليتهاريالين
أختي اتصلي عليهم واعترضي شوفي وش يقولون لك
الله يسرامرك ويعيدون النظربوضعك يالغلا

رغد الحيآة · #6 (**permalink**) 01-05-2012, 11:14 PM

الله يكون بعونك اختي

والله شيء يقهر

عاطلهه · #7 (**permalink**) 01-05-2012, 11:16 PM

الله يكون بعونك وحسبي الله عليهم

راعي الويله · #8 (**permalink**) 01-05-2012, 11:17 PM

اما رياالين

غرررريبه جدا

اتصلي عليهم وشفو وش السبب

حروف الكون · #9 (**permalink**) 01-05-2012, 11:24 PM

الله يكون بعونك ياختي

وان شاء الله يشيلون الضمان من الحسبه ومايحطونه من الدخل

والريالين تكملة الضمان اللي يصرف لك اللي هو 1998

الله يعوضك ويرزقك بأحسن من حافز