الله يوفقك

توكل علا ربك وماتاخذ الا رزقك لو جنبك 20 محل

الله يسعد قلبك محتار .. كم كنت متلهف لاري اي رد علي الموضوع ..

توكلنا علي الله ..صدقت ولكن لكل مجتهد نصيب .. ورب العالمين ما يضيع جهد من اجتهد وهذي سنته في الكون

اشكرك علي المرور والرد واسال الله ان يوفقك دنيا واخره

هلا بك اخوي


باختصار

اول شي اختر اسم خاص فيك وسجل الاسم في موقع وزارة التجارة الرسمي

ثانياء صمم شكل المحل بديكور وشكل خارجي يميز محلك عن غيرة وسو ورقة مواصفات ومقاييس وسجلها في الغرفة التجارية موثقة بالرسم الهندسي والصورة

ثالثا ما فيه شي اسمه يعقدني موضف البلدية اذا ما تنفذ طلبك ومعاملتك كاملة ولا فيه اي مخالفة للانظام تقدم بشكوى لمدير البلدية واشرح فيها المشكلة والتعطيل اللي واجهتة وخذ رقم للشكوى وتابع شكواك اللين تاخذ حقك

التصريح لازم يكون من نفس المنطقة اللي فيها المحل

الموثع انت اطلب من صاحب الموقع تاجيره لك بدون ان تذكر له الفكرة او طريقة المشروع ويمكنك ان تكتفي بان المحل عبارة عن كشك قهوه عادي وبعد كتابه العقد ما عليك منه ما يقدر يسوي لك شي لان العقد شريعة المتعاقدين


اعتقد محطات البنزيم صعب لانه لازم لك موافقة من الدفاع المدني وشروطة صعبة شوي
اتمنى ان الصورة وضحت


موفق

أهلاً بك أخوي الكريم ..
وأهنئك على همتك في العمل والمشاريع .. وخير ما أخترت مشروع "كشك القهوة" ..
لأن هذا المشروع برأيي متميز ومربح اذا توافقت معه جميع الشروط ..

طبعاً الموقع شيء ضروري وايضاً العمالة الخبيرة في القهوة والمدربة ..
وكما قال الأخ ( اناالسعودي ) مو شرط تشرح فكرتك لصاحب الموقع .. فقط قوله أبغى مساحة كذا وكذا وبسوي فيها كشك بسيط .. بدون ما تغريه بالفكرة !! لأن الفكرة لو دخلت راسه اعتبر المشروع صار له ..

ومن ناحية سرقة مشروعك من البلدية بصراحه ما أخفيك حصل هذا الشيء كثير
ناس قدمت مشاريع متميزة في مواقع جداً متميزة يمكن راحت عن بال بعض الهوامير ويتم رفضها من البلدية .. وبعد فترة تحصل نفس مشروعك بالضبط بنفس المكان !! .. لكن أنت توكل على الله وان شاء الله ربي يوفقك ..

فيه أمور كثيرة تساعد على نجاح مشروعك ما راح أكررها .. لكن موجودة في مواضيع القسم وفيه كثير من الاخوان طرحوا خبراتهم في مشاريع كشك القهوة .. أتمنى أنك تراجعها وتجلس مع نفسك وتمخمخ الفكرة ^_^ وربي يسعدك ويحفظك ..

اعتقد تقدر تبيع الفكره بعد ماتسوي لها دراسه وذا تبغاء مشروع قهوه بالمضمون ريح بالك وخذ حقوق الامتياز للاعلامه التجاريه لبرنيز وستاجر وطبق كل الشروط وتوكل وضمنللك دخل شهري مايقل عن 20000 الف ويفضل انك انتا تشتغل فيه

اسأل الله العظيم ان يوفقك ويدلك على طريق الصواب ويسهل امورك