السلام عليكم ورحمة الله وبركاته

أول شي اتمنى اني ما حطيت موضوعي في مكان غلط ..!

وكيف حالكم ..؟؟ ان شاء الله بخير ..

انا راكان الدوسري .. من الرياض .. عمري 18 .. ادرس اخر سنه بالثانوي
انا كنت من صغري احب الحروب وتمارين الشدة بإختصار هاوي العسكرية ..!
ابي نصيحتكم .. انا ودي ادخل القوات الخاصة لأن فيه كرف .. وهذا اللي احبه .. ابي احس بالتعب على اصوله الى الان وصلته ..

مواصفاتي : طولي ممكن 178 .. ووزني 62 .. جسمي ممكن قريب للنحف اكثر من الرياضي ..
طبعاً انا لاعب تايكوندو حزام ازرق من سنتين وهذا سبب المحافظة على وزني ..!
فالتايكوندو مثل مايقولون اخذت فيه اكثر فترة تدريبية .. سنه كاملة حزام ابيض سنه كاملة اللي بعدها حزام اصفر .. وعلقت الازرق من كم شهر .. لكن طريقة لعبي تعادل حزام اسود (( طبعاً هذا قول اللاعيبة )) .. لأني متقن الاساسيات 100% وداخل في المهارات ومتجاوز نسبة عالية فيها ..

ابي نصيحتكم .. بدخول مثلاً كلية عسكرية او معهد او دورة او دخول مباشر .. ابي فايدتكم الله لا يهينكم ..

للمعلومة انا ثلاث شرعي ونسبتي المتوقعه بين 85% - 90% ..

بصراحه مثل هالمواصفات يا سلام اجل يصلحلك وحدات المظليين بتبووك بس انها من الجيش .

يصلح لك الصاعقة ههههههه والضفادع البشرية خخخخخخخخخ

ماشاء الله تبارك الله عليك..الله يوفقك ويسرلك امرك..
يجي من يفيدك باتوفيق ان شاء الله للجميع

مشاء الله تبارك الله ..

عموما اخوي راكان انا اقول افضل لك الكليه العسكريه وبالتووووفيق

ماشاء الله تبارك الله ربي يحفظك من كل حسد بصراحة طوولك ووزنك (( اللي تصلح لك بصراحه الطوارئ الخاصة - قسم مهمات وعمليات خاصه )) ربي يحفظك يارب من كل شر ويووفقك يارب وعقبالي ان شاء الله

المهمات والعمليات الخاصة على طولك ماشاء الله بالطوارئ مشاء الله تبارك الله تصلح لك وصدقني لو رحت تقدم للطوارئ وشافوك على طول بيتمسكون فيك ماشاء الله لا ومعاك حزام ازرق بعد .. ربي يوفقك يارب

لاكن لاتستعجل بعد ماتتخرج من الثانوي لاتدخل دوره

أولا : قدم على كليات عسكرية وان شاء بيقبلونك ولو لا سمح الله ماقبلوك الكليات العسكرية اذا انت على كلامك هاوي هاوي عسكرية ومستعجل عليها ادخل دورهـ

وعسى ربي يحفظك من كل شر يالغالي ويوفقك ويحقق لك مطلبك ...