السلام عليكم الله يغنينا من حلاله عن حرامه ياهل الخير باركولي انا فتحت محل للبنات ( عندي بنت عاطلة لادراسه ولا شغل وهمها أكل قلبي ) المهم افتتحت في منطقتنا اسواق نسائيه واخذت محل وحطيته ابو 2 ريال و5 و10 بتاع كله وسويت الديكور وتسلفت من هذا وهذا والله اني في الاخير افكر من الى ممكن يسلفني من غير منه خابرين المنه تذبح الحي
و رحت لجدة للخاسكية وشريت بضائع من اليمنيه والله ياخواني مالقيت بضائع رخيصه ممكن اطلع فيها ربح كويس
مثلا درزن ربطات الشعر بـ18 يعني لو تنباعبـ2ريال =24 الربح فقط 6 ريال معقوله ربح الدرازن في ابو ريالين 6 ريال والله ياجماعة البضاعة كلفتني اكثر من 9 الاف وكل من دخل المحل قال محلكم كامه فاضي او يمرون ماحد يدخل
ياخواني خابرتكم اهل فزعات ونخوات خاصتن لخواتكم الحريم ابي محلات الجمله بسعر قريب من سعر المينا او استوكات سعرها زين وبضاعتها نظيفة
ولكم منكم خالص الشكر والتقدير اختكم ام البنات

الله يزقك ويسهل أمورك
وألف مبروك


ياتي من يفيدك

والله في حاجة العبد ما كان العبد في حاجة اخيه


بارك الله فيك .. اسال الله ان يوسع في رزقك ويرزقك من حيث لا تحتسبي

امين

شوف أخوي أسواق الجملة في جدة (( الخاسكية و غيرها )) فيه ثلاث رتب إنت ألحين في الرتبة الثالثة إلي هي درزن بـ 18 ريال و الرتبة الأولى الدرزن يصل إلى 11 ريال يعني إذا صرت من الزبائن المعروفين راح تصل إلى هذي الرتبة
و يبيعوك بالأجل و إنت لو موفر على حالك ورايح محل لسعودي و كلمته و قلت له أنا فاتح محل جديد راح يساعدك
و يخليك تشتري بإسمة و هو أكيد وصل إلى الرتبة الأولى ...

مشكورين الى ردو على الله يوفقهم و يسسر امورنا وامورهم

مريت بنفس اللي تمرين فيه شوفي هالنوع من المحلات مكلف والناس تفكر أنه سهل وبسيييط تراه يبي له رأس مال كبييير بس بما أنك خلاص بديت حاولي تكثري المبلغ والبضاعة يعني الخاسكية كل ما أخذت كثير بينزلون لك كثييير انا كذا اسوي معااهم ...

واي أستفسار انا جاهز

اختي حاولي تنوعي من البضايع مثل الاوني المنزليه الربح حوالي 50%


الفتره هذي تعتبر تكوين علاقات مع اصحاب الجملة بعدين يبعلك بالاجل او يبعك بسعر رخيص

الله يوفقك

اطلبي من مواقع الجملة الصينية مثل علي بابا