هلا بك ابو بتال يعلم الله الي جاني هاذى الكلام لاني جيت من بعيد متعني عشانهم بس للأسف ماطلعت في نتيجه فكرة لجنة االتجنيد موجوده وقالي الي عند الباب مافي احد من التجنيد وآدخل وتأكد المهم دخلت ادور مافي احد ابد والمكاتب مسكره كلها ماغير مكتب تدقيق البينات الي اول ماتدخل تلقاه على اليسار وقدامه كراسي وحصلت واحد موجود شكله اسمر وسمين شوي ولابس بدله رياضيه وعليها شعار الحرس الملكي وعلمته في وضعي قالي الي مقدمين معك يبون يخلصون الدوره الحين لاكن لجنة التجنيد رح تكون متواجده في 15 ... 8 .....1433هـ ومر علينا مدري هو صادق او لا يمكن عشان ما أجي وآحرجه لاني انا علمته اني جاي من بعيد وقال خله في التاريخ هاذى عشان يكون متأكد انهم موجودين والله اعلم للمعلوميه انا اقصد الي في الرياض

^^

الله يسهل امورك يخوي وجعلك من اللي معنا في الدوره

انا طال عمرك رحت لهم في جده طلبوني في تاريخ 9-6-1433هـ و يوم رحت لهم و خلصت كل شي قالي العميد اللي في المقابله الشخصيه سألني قال انت من اهل الرياض و تبي تكمل اجراءاتك هناك قلت الله الله ابي اكمل اجراءاتي هناك قال خلاص اجل رح للرياض و نهاية شهر 7 " رجب " رح للحرس الملكي اللي في الناصريه و عاد جيتهم في 9-7-1433هـ عشان اثبت مكانهم و اعرف اجي من اذا جى موعدي و فيه كم سؤال في بالي حبيت استفسر عنه و يوم خلصت من عندهم قالوا لي خلاص تعال لنا في 23-7-1433هـ ان شاء الله تحصل اللجنه حقت جده عندنا اللي انا دخلت عليهم في جده في المقابله الشخصيه

و انا على تواصل مع واحد له علاقه في لجنة القبول و الرجال ماهو مقصر معلمني بالجديد و يعلم الاعضاء هنا في المنتدى و اي علم جديد بيصير نبي نقوله هنا في هذا الموضوع

انت خلك متواصل معنا في حال ارسلوا لك ولا شي ولا انهم جو اللجنه للرياض نبي نحط الخبر هنا


وانا طال عمرك ابروح لهم يوم الاربعاء الجاي 23-7-1433هـ
و بعلمكم وش يصير

موفقين اخواني

ذحين اللي استلموا الدفتر الاخضر مقبولين نهائي ولالا...

لان يوم رحت اخنبار اللياقه عطو الشعب كلهم الدفتر الاخضر...

معقوله كلهم مقبولين...لان نصهم ماعندهم لياقة تقريبا...

وهل صحيح في مقابلة شخصه ثانيه... وقروشه من جديد بعد تسليم الدفتر الاخضر...

في الاخيير عساء الله يقبل جميع المتقدمين من منتدى البطالة بالحرس الملكي...

قولوا امين...

[align=center]ي اخوان في معلومة ابي اقولكم عليها , ترى الحرس الملكي يرسل رسايل الكشف الطبي على الجوال وعلى الايميل يعني يشيكوا على ايكلاتكم اول بأول

لاني يوم رجعت من الكشف الطبي ودخلت على الايميل لقيت منهم رسالة الكشف الطبي , يعني لو لا قدر الله وكنت في مكان ما فيه شبكة كان مادريت على الرسالة , وللمعلومية : ترى رسالة الايميل تجي قبل الجوال , لانهم رسلوا لي الرسالة على الايميل تقريبا الساعة 5 فجرا , وعلى الجوال جاتني تقريبا الساعة 8 صباحا

شيكوا على ايميلاتكم اول بأول .[/align]

باااااااااااااااااك ياعسكر ان شاء الله ^_^

بشرونا عنكممممم احد جاه شي منا منا

ابو بتال تسلم على الدعوه الحلوه ولك وللأخوان مثلها . موفقين خير انشاالله