افااا يا ذا العلم انا اتغلى على عاشم الاتحادي رغم هلاليتي الصميميه المتعصبيه و اللي شسمه زي كذا

ما عاش من تغلى عليك يا عاشم

خش جوا قلبي تلاقي محلك <~ على اربع شوارع


اهم شي انك رحت لهم و الف مبروك و ان شاء الله انها بداية الخير يا رب مثل ما وصيتك قول لهم اللي حصل معك بالحرف الواحد لا تزيد و لا تنقص تراهم اهل تقدير و اهل خير و فيهم البركه ما يقطعون رزق احد احتمال بإذن الله 99% انه يخليك تكمل اجراءات الكشف الطبي و اللياقه و يخليك احتياط او انه يخليك لما الدوره القادمه و احتمال ثاني انه يخليك تكمل اجراءات الكشف الطبي عندنا بالرياض و تخش الدوره حقت الرياض

ترى الفرز جاينا بالرياض و الكشف الطبي و اللياقه ( و سلامة فهمك ) <~ ع قولة وليد الفراج

فلها يا عم و اذا قالك تبي تكمل اجراءاتك في الرياض قل اييييه و بقووه المهم انك تخلص امورك يا بطل و تجي للرياض مع اي احد من اهل الغربيه و تدبر امورك حتى لو تنام بالسياره صبحية الكشف الطبي و اللياقه كلها بيوم واحد و تأخذ الدفتر حقهم

نسيت اقولكم ترى شوي ابروح للحرس :$

الساعه 8:15 ان شاء الله اكون عندهم عاد اللي بيجي يعطيني خبر عشان نتقابل هناك و نشوف وش يقولون لنا

رحت لهم

قالوا لي : ان اللجنه ما بعد جت تعال الاسبوع الجاي يالسبت او الاحد او الاثنين

عاد انا قررت اني اجيهم الاسبوع الجاي كله بكل يوم ابجي لما امسك هاللجنه

قابلت واحد من الشباب هناك ياليت لو انه من الاعضاء هنا بالمنتدى يعلمني لابس بنطلون ابيض و تيشرت اسود وجاي من جده مثلي بعد ههههههه
بالتوفيق للجميع ان شاء الله

المره الجايه ابجيهم على الساعه 9:30 عشان احصلهم كلهم ان شاء الله

زودوها :\

وين انت بجدة وماعليك بروح السبت الساعه عشر واقابل اللواء والله يستر
ربي يكتب الي فية الخير انت بجدة

لا لا انا بالرياض

و من اهل الرياض


بس ابيك اذا رحت تشوف اللجنه موجوده حقت المقابله الشخصيه اسأل العقيد زياد السديس هل هي موجود ولا لا
ومتى راح ترجع للرياض

ابشر بعزك

توني راحع من عند الحرس الملكي بجدة للاجل اسلم لهم الدفتر الاخضر . قالوا تعال السبت . والي يسال عن العقيد زياد السديس هل هو موجود او لا
العقيد زياد لازال موجود بجدة .

والله كاني سويت المقابلة عنده بلرياض
الي سوا المقابلة بجدة دخل عند السديس

يعطيكم العافيه

بنسبه على دوره الصاعقه والمطلات في دوره بتعقد مشتركه يمكن شهر 11 وأختارو ناس وأنا من ضمنها وراح تعقد في الطايف مركز اللملك عبدالله والدوره مدتها حوالي سبعه شهور من ضمن الدورات تأهيل صاعقه ودوره صاعقه ومظلات ومكافحه إرهاب أو متفجرات أو قناصه ويخلونك مدرب إن شاء الله

يمديك تدخل على حسب الشروط لما قدمت على الصاعقه قالو إللي يبغه جده ومعه شهاده حاسب أو إنجليزي ويبغه يدخل الصاعقه يجي مكتب الدورات وأنا جيت لهم وقبلوني

ما حلوى بدون نار الدوره راح تكون متبعبه وولكن إللي يصبر ويكافح راح يحصل على كل شي

نصيحه ياشباب الإنظباط العسكري ما فيه أحسن منه راح تنظلومون من الشر يعم والخير يخص ولكن أصبرو وخلو بينكم أخوه وإللي يسوي خطاء يطلع ويكون رجال ويقول أنا إللي سويت الخطاء هده .


الحمد الله من كثر إنضباطي العسكري الحمد الله حطوني في محل محد يحلم فيه الحمد الله


ويكون في علمكم ترى فيه تقارير سريه تكتب عنكم لما تكونون في الدوره ولما يكون تقريرك سليم صدوقوني راح تتضارب عليك أفضل السرياء ولما تكون مهرقل يخلونك في محل تكره نفسك لانك مالك فايده


لا تسمعون للإشاعات ولا أحد يخاف من الجزاء خذها طناخه بلعربي خذ الجزاء بهيامه وفي نفس الوقت إنظبط

اسال الله لكم التوفيق