السلام عليكم و رحمة الله و بركاته

صباح الخير

اخواني توني جاي من الحرس الملكي ابعلمكم اللي حصل


دخلت و حصلت وكيل رقيب بالحاله في مكتب التجنيد و سألته متى راح تجي اللجنه حقت القبول اللي في جده
و قالي بالكثير راح تجي على 30-8-1433هـ او في رمضان

لانها المفروض تجي اليومين اللي راحت بس جاهم امر تمديد انها تخلص اللي في جده و تستلم ملفات اللي متقدمين كلهم ثم تجي للرياض

وقالي ان اللجنه اذا جت للرياض راح عاد يبداء فرز جديد لاهل الرياض و راح يستدعون اللي خلصوا في جده المقابله الشخصيه وهم من اهل الرياض و يخلونهم يكملون اجراءاتهم مع اللي يجتازون المقابله الشخصيه و تجيه رسالة الكشف الطبي

و قالي ان ما راح يكون فيه تسجيل لاهل الرياض الا بالكثير في شهر 10

الله كريم ربي يسهل الامور

طبعاً الوكيل رقيب زواجه قريب و والله انه رجال كفو شرواكم يالذيابه
ربي يوفقه في زواجه ومنه المال ومنها العيال و الله يرزقه بالذريه الصالحه الفالحه اللي تعينه على طاعة الله

و اخذ رقمي قالي ابتصل عليك اذا اللجنه في جده ردو على اتصالي ابسألهم متى بيرجعون للرياض و ابرد لك خبر قلت له طيب


و يوم جيت ابأخذ تكسي نزل منه واحد لابس ثوب و غتره و سألني عن مكتب التجنيد شكله واحد من اللي متقدمين و مقبولين في جده وهو من اهل الرياض انا والله ما سألته شفته مستعجل ربي يسهل امره
و الظاهر انه اكل منكح لجنة جده مثلي


قالي الوكيل رقيب اني اسير عليهم في 15-8-1433هـ <~ و المشكله هذا اليوم يصادف يوم خميس
عاد هو قالي ما اتوقع بتلقى اللجنه عاد هو لمح لي اني اجي على اخر شهر شعبان يعني بالكثير 28-8-1433هـ



بالتوفيق لكم اخواني و الله يستر عليكم

[align=center]استفسار سررررررررررررريع
[/align]
ا[align=center]الحين الاخوان الي خلصوا من الدفتر وسلموه , مثل اخونا بقايا كبريا , سوال بخصوص امرين :
الاول: هل الخطاب الي موجهه للادلة الجنائية , يرجع مع كرت البصمات للادارة التجنيد بالحرس الملكي , او يبقى بادارة الادلة الجنائية ؟؟
[/align]
ا[align=center]لسوال الثاني : يوم اخذت البرنت من الاحوال المدنية بمكة المكرمة : عند اسم الام : لايوجد رقم السجل مدني , هل في احد مثل حالتي , مع العلم اني سالت الموظف وقالي عادي .[/align]

أبو بتال أنا قدمت عن طريق النت بجدة ولو اروح لهم في مكتب التجنيد بجدة هل يأخذو ملفي والجنة باقي في جدة ولا راحو و وش الطلبات اللي نأخذها في الملف؟

السلام عليكم

اخوي ريوود / معنى كلامي ان اللجنه اللي مفروض تجي للرياض عشان تستقبل المتقدمين و تسوي لهم مقابله شخصيه و تعطي اوراق الكشف الطبي و و و الخ ما راح تجي للرياض الا على نهاية شهر شعبان <~ و الوكيل رقيب قالي " زييييييييييييييين اذا جو على نهاية شهر شعبان "

بالنسبه لسالفة التسجيل لاهل الرياض " اللي هي المقابله الشخصيه و فرز الطلبات لاهل الرياض يعني نفس اللي صار في جده تجي اللجنه و ترسل رسائل للشعب اللي مقدم و يجون يسوون مقابله شخصيه " راح تكون في شهر 10 شوال بالكثير




اخوي عاطل وللي الله يخوي انت مستعجل كثير على رزقك اصبر يخوي اللجنه اللحين في جده قاعد تستلم ملفات لو جيتهم بيجلدونك يقولون وش تبي جاي وانت اصلن ما بعد ترشحت مبدئي للمقابله الشخصيه :|
اصبر لين يرسلون لك رساله شوف عاد يرسلون لك يطلبونك في الرياض او يطلبونك في جده على حسب
انت سجلت على نهاية فرز جده اللحين الشباب هناك يسلمون ملفاتهم الخضراء يعني موضوع اللجنه من ناحية الفرز انتهاء


موفقين يالغالين

اخوي عاطل وللي الله ما فيه طلبات في الملف الاخضر طال عمرك
الملف الاخضر فيه بياناتك تعبيها وهم اللي يعطونك الملف نهاية اختبار اللياقه

اسمك و اسم ابوك وجدك و سجلات المدنيه لكم و اسم الوالده و وين ساكن و ناس تشهد ان اسمك صح وانك سعودي الاصل و المنشأ وناس تكفلك انك اذا انحشت من الدوره يجيبون لهم فلوس المعيشه و ناس تعرف عليك بأن اسمك كذا وكذا وانك معروف عندهم و و و بالمختصر معلومات عنك شامله

ثم تسلم الملف حقك مع ورقة الجنائيه مع برنت الاحوال

الجنائيه ان ما عليك اي سوابق و البرنت يثبت بأنك حامل الاثبات وانك صحيح و ان اسم ابوك صح وسجله المدني صح و ان امك بعد سعوديه و اسمها صح و سجلها صح


موفق خير ان شاء الله

+

الوكيل رقيب ما اتصل علي اليوم :"(

أبو بتال يعني ما اروح اقدم

^^ يالغالي وشلون تروح تقدم !!!

خلاص انت قدمت عن طريق النت ما عندهم تقديم عن طريق الملفات فهمت اخوي عاطل ؟؟

التقديم على الحرس الملكي فقط عن طرريق النت

ماهو مثل بعض الوظايف يلزم حضورك بملف علاقي