موضوع جميل اشكرك بعنف

بدال ما ننتظر التجار وغيرهم ليش حنا مانصير حنا التجار بأنفسنا ونبيع بأنفسنا


ليش مايجتمعون 15 او 20 شخص وكل شخص يحط اللي يقدر عليه على ان لا يقل سعر السهم 5000 ريال

انا اضمن شغل للعاطلين والعاطلات

مثلا نشتري منتج معيّن بسعر المصنع وركزوا في سعر المصنع وبكل تأكيد فيه ربح

نصبر 6 اشهر من البيع لتكوين عملاء ونتميّز بالجوده وهذا مهم للإستمراريه ومنها تتضح الصوره للجميع وبعدها نأسس شركه مساهمه

انا ما اطلب من احد يدفع ريال واحد في البدايه

تبغى تساهم .. خل فلوسك في جيبك ونسجل المساهمين بورقه كل واحد وحسب اسهمه وانت اطلع بنفسك واشتر بنفسك .

يكون الموعد في الرياض بعد اسبوعين من الان ونتفق على تأسيس شركه وبيننا وبين الجميع الله سبحانه

نحدد راس مال معيّن للتاسيس ومنها البدء بدون تكاليف تاسيسيه سياره فقط ومايحتاج مستودع كل واحد يحط بضاعته في بيته ..

اللي معه فلوس ويبغى يشتغل بنفسه يجي حياه الله من جميع مناطق المملكه

المشروع كبير والكلام طويل وانا متفائل بدراسه للسوق السعودي وبالنجاح واذا اتحدنا .

والله فكره ولا احلى خصوصا لحال البنت لا تروح ولاتجي والله لي تقريبا اربع شهور وانا اقرا في المشاريع
هنا كل واحد اكثر من الثاني لكن مجال النات محدود الا ال محدود ويبيلها راس مال على مستوى
وعندي الحمد لله اخوان لكن ن ن ن كل ما قلت لواحد قال اخر عمري اسوق والا اخر عمري احمل
اقولهم وش اخر عمرك توك حتى ما طقيت 23 قم احسن من المداومه ي البيت ونظام الخفافيش
لكن لاحياة لمن تناد ي.....
المهم فكرة جلوه وياليت تكون الشراكة موثقة عند محامي والعقود نطلع عليها بالايميل وحنا نسوي وكاله لولي امرنا وهو ويوقع ويخلص
.... بعدين لاحظة هنا في المنتدى نظام كسارات يحطم اللي مايتحطم اتوقع انهم ناس تبي السعودي حدة سكيرتي
...مثل مره لفيت اخذ فكرة عن المشاغل والزباين وكذا ماشاء الله ودخلت ي وحدة منها ولقيت كوفيره من احد الدول العربيه (مغربيه) واقولها كيف الشغل لااله الا الله الاتقول نايم وما يكسب والمصيبه الحريم متراصات عندها صدق لاتصدق ماتسمع وصدق نصف ماترى
وسوري ع الاطالة

عشان هالرد ياهنلاي

انا جاي ومعي اضلال تجميل جودتها ممتازه والوانها مميزه ... اذا عندك قدره واستطاعه تسويقينها على المشاغل ؟؟

العلبه فيها 18 لون وفيه 21 لون وميزتها في التجربه وراح نعطي عينات مجانيه للتسويق

العلبه تكلفني 5 ريال من المصنع واصله الى الرياض حطي خط على المصنع

فيه انواع قريبه منها تنباع في السعوديه بـ 35 ريال وفي الجمله الحبه 15 ريال للكميات الكبيره .

وفيه المناكير والإستشوارات ومسكات الشعر وجميع الارواج (واذا ماضربت السوق وما اعجبت المشاغل ..ترى انا مسامحك ترمينها في الزباله )

لأنه هذا مصنع يصنع منتجات اوربيه بجوده راقيه .. ولا تروحون بعيد ترى مكس فاكتر صيني

احدى امرين يايجي اخوك او ابوك ياخذ العينات من الرياض




او انتي تروحين بنفسك للصين

الخطه اللي ودي اسويها نفتح قسم نسائي مستقل وبإداره نسائيه مستقله يكون فرع من الشركه

يا أخوان لآ تلومون الشباب العاطل

لأن الأجنبي لما يجي هنا يكون متغرب عن أهله لأجل المال .. فكيف يتهاون في كسب المال

اما السعودي عايش عن اهله ومبسوط وليل سهره وصباح نووم وعند احبابه وأصحابه < هالأشياء تشغله عن العمل في الغالب طبعا مو كل العاطلين

وثاني شيء حنا السعوديين مجتمعنا مايرحم .. ادري بيرد علي وآحد يقول الناس مآتعطيك راتب آخر الشهر
لكن الوضع صعب حنا يا نشتغل في مكتب او وظيفة مدنية أو حكومية عسكرية .. والا كبر المخدة
السبب المجتمع مشكلة .. يعني مستحيل تلقى سعودي سواق شاحنة الا ماندر
او سعودي محاسب في بقالة أو سعودي عامل في مغسلة أو سعودي في بنشر أو أو أو .. الخ



انا شاب عاطل ومستعد أشرف على أي عمل
فهل من محتاج شاب سعودي عاطل ؟؟

يعطيكم ألف عافيه وإن شاء الله يكون هالموضوع دافع لكثير من المحتارين أو المترددين ليفتح عليهم باب خير ،،، وبالتوفيق للجميع ...

سعودي في شنقهاي ودي اتواصل معاااك

موضوع ممتاز اتمنى من الله ان يجمع مابيننا على خير

ويتم المراد

مووفقين

كلام جميل جدا انا موظف حكومي وبصراحه الحمدلله مرتاح ماديا ولا كن نفسيا ودي اشتغل شغل التوزيع والشركات لأني سبق واشتغلت في شركات كبيره قبل الوظيفه وشفت الخير بنفسي بصراحه الأجانب مايفوتوا الفرص في سوق جميل جدا وهو سوق البلاستيك والمناديل والورقيات بصفه عامه سوق ذهب وبصراحه الأجانب منافسين بشكل كبير جدا المشكله تكمن في الزبون اللي بتعرض له البضاعه لماذا لأنه من ابناء جلدتهم يعني هندي مصري بنقالي انا ادخل كذا مطعم ابيع لهم سفر اكياس نفايات اكواب ورق مناديل علب مناديل اوتوكات وغالبا ماحديشترى مني الى اليمني او السوداني أو إذا كان صاحب المطعم سعودي وطبعا بعد محاولات مع السعودي للأسف .