السلام عليكم اخواني انا مقدم بالامن العام والكل يعرف الفرز قرب خلال الايام القادمه وان شاء الكل مقبول انا متفائل خير ان شاء الله الجميع مقبول وانا ابي استشيركم من ناحية التخصصات تعرفون مافي الا امن طرق ومهمات خاصه ودوريات وانا ماعرف احد عسكري ولا اعرف في العسكريه فيدوني وفيدو الجميع تكفون ابي من ناحية الرواتب لكل تخصص ووكيف طريقة دوام كل تخصص فيهم تكفون افيدوني الله يجزاكم خير

يالغلا شوف أبي أقولك حاجة وأمانة حطها حلق في آذنك ولا تفرط فيها ( مهما كان التخصص اللي يحطونك فيه وافق عليه وأرضى فيه لأن كل تخصص فيه مميزات وفيه عيوب (مافية تخصص كامل الكامل وجه الله سبحانه) وهاذي وظيفة حكومية لو قالو لك نشغلك قهوجي عندنا قل موافق وترى كل تخصصات الأمن العام زيد أخو عبيد

وكلها حلو أذا أنت راعي فرفره بالحواير وتحب تركب السيارة وتلف كثير بالسيارة (أختر الدوريات الأمنية)
أذا أنت راعي هدوء وأنطوائي وماتحب المشاكل وتحب أحيان تسافر وتمسك خطوط طويلة يعني تحب تشوف الطبيعة وتحب تغير جو (عليك باآمن الطرق)
أما آذا آنت راعي هياط وتحب تنافخ وتظرب الهنود وتحب تخلي الناس تشوفك وأنت كاشخ بالبدلة عليك (بالمهمات والوجبات) لأن أكثر شئ يدخلون الأماكن المشبوهة وأحيان يكونو عملهم بالملاعب وعاد شوف الناس كيف تطالعك تتمنى تصير بدالك

^^^
كفيت ووفيت يالغلا

ماقصرتو بيض الله وجيهكم اخوي ثمان سنوات عندنا بالقصيم انت تختار مو هم يحطونك عشان كذا ابي معلومات ولا ادري ايش الافضل. ابي اشوف الافضل والمرغوب من ناحية رواتب ودوام وترقيات لاتحرموني من طلتكم ياحلوين

استغفر الله

الي يجي من الله يا محلاه صراحه كل التخصصات ال3 ممتازة وحلوه

اي والله حياه الله وعسانا من المقبولين يارب جاني حباط يوم بعض الاعضاء ماقبلوهم

من الل يقول ثلاث تخصصات في الدوره ياكدلي هالكلام هل المهمات والواجبات تحت مسمى الشرطه

هذا اللي قالوه لنا بالقصيم وانا حاس انو الارقام بكره بتنزل دعواتكم لي بالقبول تكفون