يا أخوان راح أكتب لكم الطلبات مع بعض التعديلات عليها

1- بنطلون أزرق مع فنيله بيضاء المطلوب عدد 2 ( إنت خذ معك 4 أطقم لا تاخذ 2 ما تكفي )

2- جزمه رياضيه لون أبيض + قبوع أبيض المطلوب عدد 2 ( الجزمه لابد أن تكون من النوع الجيد وإن كان مقاسك 40 خذ مقاس 42 لا تاخذ نفس مقاسك خذ أكبر علشان لا تدق أصابع رجلك في مقدمة الجزمه مع كثرة الهروله والجزوات وتسبب لك ألآم فضيعه لا قدر الله )

3- شراب رياضه أبيض المطلوب عدد 10 ( خذ 20 شراب لا تاخذ 10 لأنك راح تحتاج تغير كل يومين شراب جديد وفترة الـ 45 يوم 40 يوم وإذا لبست كل يومين شراب راح تكفيك الـ 20 شراب إلى نهاية فترة الإستجداد )

4- حذاء العدد المطلوب 1 ( خذ واحد بس خذ حذاء مو زنوبه ههههههههه وخذ معاها قفل علشان تقفل عليها عند الشبك وما تنسرق عليك لأن الزنوبه كانت دايم تنسرق والحذاء محد يقدر يسرقه )

5- ملابس داخليه المطلوب عدد 6 ( خذ معك 20 لا تاخذ 6 لأنك تحتاج إنك تغير غيار كل يومين .. هم يقولو 6 علشان تحتاج تروح للمغسله ومغسلتهم خايسه ترد الملابس أعفن من ما راحت عليه وعلشان تعز نفسك عن المغسله خذ معك 20 غيار )

6- مناشف المطلوب عدد 2 ( خذ 2 بس تكون كبيره علشان تنشف نفسك بسرعه لأن الوقت في أغلب الأحيآن ضيق )

7- صابون الإستحمام المطلوب عدد 4 ( خذ صابون يكون تمام مثل صابون ديتول للأدآء العالي للرجال أو صابون لايف بوي الأصلي )

8- شنطه جلد المطلوب عدد 1 ( خذ شنطه كبيره علشان تشيل أغراضك كلها وخذ معاها 2 أقفال علشان الحراميه )

9- شرشف أبيض + بيت مخده المطلوب عدد 2 ( تجيك كلها الثنتين مع بعض بكيس واحد وخذ معك مشابك كثير علشان تشدها على الطواله ظروري ظروري ظروري ظروري المشابك وشد الشرشف على الطواله لأنك لو ما شديتها بالشكل الصحيح راح يجازوك عليها )

10- شراب أسود المطلوب عدد 6 ( خذ بس شرابين أثنين بس لأنك ما راح تلبس البسطار والبدله العسكريه إلا بوقت التخرج من فترة الإستجداد الـ 45 يوم )

11- بجامة نوم كحلي المطلوب عدد 2 ( حبتين تكفيك السنه كلها )

12- بسطار المطلوب عدد 1 ( نصيحه لا تشتري النوع الصيني إشتري إيطالي أو أمريكي يصبر معك السنه كلها ويريحك وإشتري معاها دعسه طبيه سيلكون )

مثل هذي الدعسه الطبيه ( السيلكون ) سعرها 80 ريال بس بتريحك كثير وتجلس معك أقل شي 3 سنوات

vvvvvvvvvvvvvvvv



بقية الطلبات مثل ماهي مكتوبه ولا عليها أي ملاحظات

الله يجزاك خير
حبيت اسئل عن القفل الي استخدمه عن السرقات كيف شكله

إذا للجزمه والبسطار الله يعزك خذ أبو خمسه أو ثمانيه ريال

وللشنطه على قد فتحة السحابين

وإذا على شكله هذا العادي الذهبي أو الأسود

شكرا لك والله كفيت ووفيت
اله يجعلها بموازين حسناتك

حبيبي كم مدة الهروله!!؟

عوافي يالبى انت بسسس

من جد كفيت ووفيت والله بسس عندي استفسااار عن الي قلته

9- شرشف أبيض + بيت مخده المطلوب عدد 2 ( تجيك كلها الثنتين مع بعض بكيس واحد وخذ معك مشابك كثير علشان تشدها على الطواله ظروري ظروري ظروري ظروري المشابك وشد الشرشف على الطواله لأنك لو ما شديتها بالشكل الصحيح راح يجازوك عليها )

^^

تقصد يالغالي الشرشف الي يفرش فوق السرسر

وبيت المخده الي تلبس المخده

طيب شنو المشبك الي تقصد نفس الي بصوره هيك الي يسمونها كلوبه او مشبك

إيه نفس ألي بالصوره حاول تكثر منها علشان تشد بها الشرشف على السرير ولا يلحقك جزا

يعني الشرشف أقل ما يحتاج 10 مشابك علشان ينشد ولا يخرب الشد مع التقلب أو الجلوس على السرير