السلام عليكم ورحمة الله وبركاته

في البدايه أتمنى التوفيق لجميع الأخوان المتقدمين على دورات الأمن العام

وبخصوص بعض الطلبات لفترة الإستجداد بالـ 45 يوم

هذي ألي عانيت أنا منها ولا نصحني عنها أحد من قبل وطحت فيها

من أهم الطلبات ألي راح يكون لها تأثير بإتمام الـ 45 يوم

1- الأغراض الشخصيه وهي الملابس الداخليه والشنطه

خذ ملابس داخليه من نوع دروش لإن قطنها جيد وراح يفيدك وقت الكرف أو أي نوع يكون قطنه جيد منعاً للإحتكاك وخذ معك ملابس داخليه عدد 24 مو 12

وبالنسبه للشنطه خذها شنطه جلد أو قماش كبيره شوي ومن نوعيه جيده وخذ معك قفل منعاً للسرقه
لأنه إنسرقت مني 5 أطقم ملابس داخليه بسبب إني ما جبت معي قفل وإنسرقت مني أشياء كثير غيرها مثل الصابون والشامبو إلخ ..

2- الجزمه والبسطار أكرمكم الله

هذي أهم ما بالموضوع نصيحه ثم نصيحه ثم نصيحه لا تشتري الأنواع التجاريه إشتري الأنواع الأصليه مثل ديداس أو بوما أو أي نوع صاحي ماهو لسبب الفشخره

السبب هو بإن الديداس أو البوما راح تريح رجلك وغير هذا تخفف عليك شوي من حرارة الأرض وتريحك بالهروله والجزوات

وبالنسبه للبسطار لا تاخذ النوع الصيني أبداً حاول بقد ما تقدر تشتري إيطالي أو أمريكي أصلي سعره تقريباً 300 ريال هذا راح يمشيك الدوره كلها ويريح رجلك بإذن الله

وخذ دعسه طبيه ( سيلكون ) سعرها تقريباً 80 ريال من الصيدليات أو محل اللوازم الطبيه

وإن كان مقاسك 42 خذ مقاس أكبر 44 لا تاخذ نفس مقاس رجلك لأنه مع كثرة الهروله وكثرة الجزوات أصابع رجلك راح تدق بمقدمة الجزمه وراح تحس بآلآأم فضيعه

وبالنسبه للشراب خذ عدد 20 شراب لأنك بالقوه بالقوه راح تكمل يومين بالشراب الواحد

وبالختام أحب أنصحكم يا أخوان نصيحه ثانيه

مهما حصل ومهما واجهت لا تفكر بالإنسحاب من الدوره لأنك لو سويتها أعذرني منت رجال

حط في بالك بإن هذي السنه ماهي لك وإنك بحكم المسجون فيها

صحيح سنه راح تعيشها في جحيم ولاكن بعدها راح ترتاح إن شاء الله

هذا أنا عشتها 10 أشهر و 14 ساعه لين خرجت مع الباب ألي دخلت منه وكل ما فكرت بالإنسحاب أقول في نفسي أضعف طالب عسكري بين 1550 طالب صابر وساكت ماهو أرجل مني

وبحمد الله إنتهيت من الدوره وألحين مرتاح على الآخر أداوم يوم وأسلم يومين

وبالنسبه للمعامله هناك ما عليك حتى لو قالك يا جزمه يا كلب يا حمار ولا تفكر فيه ولا تضرب له حساب لأنه لو خارج مدينة التدريب ما يقدر يحط عينه بعينك لأنه دجاجه ههههههههههه

ولا تسمح لأي مدرب إنه يمد يده عليك لأنه نظاماً لو مد يده عليك راح يتحاكم محاكمه عسكريه

إنت إحترم نفسك وإمشي عدل ما راح يغلط عليك أي واحد من المدربين

ولله الحمد دخلت مدينة التدريب وطلعت منها ما قد يوم تجازيت جزا فردي غير الجماعي لأني متبع التعليمات ولا تركت لأحد درب علي

كنت أسمع عن بعض ألي يقولو ( إرمي كرامتك وإنت داخل مع باب الدوره )

أحب أقوله بإن هالعباره غلط x غلط وما يرضى على كرامته الإهانه إلا ضعيف النفس أو الورع ألي باقي ما كبر

الرجال يعيش بكرامته وإحترامه بأي مكان

أي سؤال أو أي إستفسار أنا حاضر أهم شي شدو حيلكم عسى الله يوفقكم

أخوكم رامي

اولا الله يعطيك العافيه والله يسعدك ويوفقك يارب

موضوع جدا مميز وراح يفيدنا كثير وان شاءالله راح اخذ بنصايحك ولك الاجر ان شاءالله

اخوي بس عندي كم سؤال لاهنت :

بالدورة كيف شكل السكن اقصد السراير صح دورين والنوم في ناس تتكلم وتزعجك وقت النوم

لان النوم عندي اكبر مشكلة انا من الناس الي اخذ وقت طوييييييل حتى لو كنت سهران قبل النوم افكر كثير فمبا بالك اذا دخلت الدورة مع هم الدورة والبعد عن الاهل والاصحاب

ـ السؤال الثاني في اعادة طول ووزن في فترة ال45 يوم لان انا عندي مشكلة اول ايام التقديم قست طولي عندهم بالمركز وطولي طلع عندهم 169 ويوم رحت للمستشفى كان معي واحد يعرفني ويقول انه مشاني وان طولي ماوصل 168 ةانه ناقص ربع وحتى اتاكد رحت لي كذا نادي رياضي عندهم نفس الميزان وطلع طولي 171 هههههههه وانلحس مخي ما ادري انا اطول واقصر والا ايش السالفة في ناس يقولون لي يمكن الي توسط لك يكذب بس يبي يوضح لك انه سوى شي وانا ما استعبد هالشي لان الي كان يقيس معروف بالمدينه بالمستشفى مايمشي اي احد

لكن السؤال ياخوي القياس ب45 كم مرة يقيسون وهل هو دقيق دا مثل المستشفى والا يحطون لنا خشبة ونتعدا معها اتمنى توضح لي ؟


ـ اخر سؤال في حالة تعبنا في اول ايام الدورة بالهرولة اقدر اجلس لان لياقتي صفر وخايف يطردوني بسبب هالشي والا تكون الهرولة تدريجيا ؟

مشكور وماقصرت
بس بسألك روميو
لو الواحد لياقة ضعيفة يعني يقدر يهرول بشكل (متواصل) كيلو واحد
ويقدر ياقف تصليبه نص ساعة بس
هذا وش وضعه بالدورة
اتمنى تفيدني

بيض الله وجهك واسال الله ان ييسره لنا ويكتب مافيه الخير

بيض الله وجهك بالغالي والله يويعافيك ويوفقك بكل حال


عندي كم سسوال يالغالي


انا يوم قدمت جندي اول برياض طبعا اساسي بس في سي شايل همه اللي هو نسسبتي حده داجه

هل نسسسبه له الاولية بالقبول


علما الطول ووالوزن والفحص كل شي تمام اللهم لك الحمد

وغير كذا نسيت عن اخذ رقم الطلب حق قبول النهائي اللي موجود علا ملف الالتحاق

هل ضروري ارجعهم واخذ رقم والا بيكون الفرز عن طريق السجل المدني



اسسف علا الاطاله

اكون شاكرا لك

شوف وانا اخوك موضوعي على الرابط الي اسفل الله لايهينك وجاوبني على استفسارتي

https://www.btalah.com/t422574.html

لا اله الا الله محمد رسول الله

لا اله الا نت سبحانك اني كنت من الظالمين