السلام عليكم اخواني وخواتي
الله لايحرمكم الاجر معليش اغلطت في كتابة لفظ الجلاله وماقدرت اعدله في عنوان الموضوع
انا الحمد لله راتبي كويس وبديت اشتري اراضي شريت وحده والثانيه بالطريق بس هالمشروووع يبي وقت طويل شوي لايقل عن 5 سنوات عشان يبين الربح وانا فكرت في مشروع يدخل علي شهري ولفت انتباهي بطايق السوا مع العلم اني اقدر اطلع سجل تجاري واسوي اتفاقيه مع الراجحي واسوي استقطاع للعملاء للعلم اني ماني فاضي للتجاره لان وظيفتي مشغلتني بس جت فكرت البطايق براسي لانها ماتحتاج متابعه كثيره ارجوا الافاده تكفون ولوا فيه احد مجربها يقولي


انتظر ردكم

اعرف واحد من اخوياي اشتغل فيها من سنتين

كان يشتري من الوكيل نفسه

الرجل حصل خير وكان ربحه حسب ما سمعت 5 الى 7 % شهريا بمبالغ كبيره

وترك وظيفته واستمر في التوزيع مع انه لحاله يوزع بسيارته الخاصه

اللي اعرفه انه تعب وكرف لين كوّن له عملاء يثقون فيه

المهم الله لا يجعلك في محله

الرجل اخذت عنه فتره طويله ما يندرى وينه وبالاخير لقيته بالسجن

شغل التوزيع نظيف ومافيه شئ يمكن يكون تخطيطه خاطئ او الفلوس اعمت عينه

الله اعلم لاكن حسب ماسمعت انه دخل معه مساهمين بشيكات وماقدر يسددهم

بعدين انت وش دخلك دخل السجن والا طلع هاه

أخي العزيز التجارة اللي تقصدها ( التقسيط ) في بطاقات سوا :

أذا كان هذا مشروع تطلع سجل تجاري بأسم المؤسسة اللي تبي وفي النهاية للتجارة والتقسيط يكتبونها كذا
بعدين توقع اتفاقية مع بنك الراجحي أستقطاع من راتب العميل طبعا رسوم الراجحي ياخذ على القسط الواحد 15 ريال
وبعدها تبداء تقسط تعطية 10000 بطاقات سوا بقيمة 15000 الف
يعني في 100 الف 10 عملاء بفايدة 5000 ريال يطلع 50 الف الربح خلال 15 شهر اي سنة ونص
وحقك مضمون ومشروع ممتاز

ومن عيوبة أنك تقسط واحد تعرفة لانه اذا ماوفاء بالسداد يجونك المعارف يطلبونك فيه ونزله ومشارية وقلة حياء
ومن عيوبة أيضا أنك تتعاطف مع اي واحد يقولك تكفى انا مو على بنك الراجحي وابيك تعطيني بجيبلك كفيل وشيكات وتروح معه فالاخير بدوامه طويله

المشروع هذا يبيلة رجل صارم ولاتخبر احد من اقربائك او أصدقائك انك تقسط لكي لاتدخل في الأحراج
وتوكل على الله واحذر المعاملات الخاطئة في البيع والشراء مثل بيع العينة تبيعله سوا وتشتريها منه
او بيع شيء لاتملكة مثل تتفق مع اي عميل واذا ضمنته تروح تشتري البطاقات لا اشترها بعدين اتفق مع العملاء
والله يوفقك

هلا اخوي


انا انصحك تتعامل مع مكاتب التقسيط تشتري منهم البطايق

اللي يقسطونها على العميل بسعر الكاش


وانت تبيعها على المحلات او الموزعين وهنا الربح اكبر واحسن


يعني البطاقة اللي يبيعها الموزع اللي قيمتها 10 ريال يبيعها 9.90
انت تشتريها من المكاتب من 9 الى 9.50 وتبعها على المحلات بنفس سعر الموزع يعني ربحك كذا اكبر



موفق

اهم شيء قبل كل شيء

أستفسر من شيخ عنها اذا حلال ولا لا ،، واذا قال لك حلال بعدها الله يوفقك ويسهل امرك والشغله كويسه

ماشاء الله
موفق
ومع اطيب تمنياتي

المفروض الذي يشغل فلوس ناس في تجارة

يعلمهم أن التجارة ربح وخسارة

والمفروض أنه مايضمن لهم رأس المال

وعدم إعطاء شيكات بالمبالغ المشغلة

لأن إعطاء الشيكات تعني ضمان رأس المال

إلا إذا كان الرجال يأخذ من الناس على إعتبار سلف ولا قدر يسدد هذا موضوع آخر

الله يفرج عنه

تحياتي