10-05-2012, 04:34 AM
|
 |
عضو مهم جداً
|
|
تاريخ التسجيل: Oct 2011
الدولة: تــــــــبــــــــوك الورد
المشاركات: 520
معدل تقييم المستوى: 189661
|
|
الله يوفقك اخوي جدااوي ويرزقك من حيث لا تحتسب و الله ييسر امر اهلك على خير
والله يا جدااوي عسكري انك من الاعضاء اللي أسمائهم في ذاكرتي ولا انساهم بسبب طرح مواضيعك المميزه واسلوبك الراقي
وانت تستاهل كل خير و صدقني ما ضاقه والا فرجت وخل عندك الامل موجود بعد الله سبحانه وتعالى
ترى انت في الاحتياط بأي وقت يدقوا عليك بس انت تفائل
اذا جتك فهذا رزقك والله كاتبها لك خير فيها
و اذا الله ما قسمها لك يمكن رحمه من رب العالمين صرفها عنك بشرها
ولا تخلي اليأس يسيطر عليك صدقني انا قدمت على وظائف مدنية ( الكهرباء - الشركة البريطانية - البلديات ) ووصلت للمقابله الشخصيه و اجتزتها
باقي توقيع العقد ويجي واسطة صغيره من موظف سكرتير و مراسل قدام عيني يخذها وانا اشوف بحكم اني ما عندي واسطه
وغيرها الكثير من الوظائف لكن اتكتفي بالاماكن التي كنت ارغبها
والحمد لله كل ما أقدم يزيد عندي المناعه و اسجد لــ رب العالمين وارتجيه يعوضني بأحسن منها مع العلم الحال من بعضه لكن ربك ميسرها والحمد لله على كل حال
وتوفيق من الله تم قبولي بالامن العام بفضل الله و دعاء الوالدين
نقلت لكم لفائدة قصيد في غايه رررروووووووووووووووعه
لاضاق صدرك ادع ربك يجيبـك
ولاتشتكـي للنـاس لله شكـواك
ماصار مكتـوبٍ بوقتـه يجيلـك
من خير ولا شـر لآبـد ينصـاك
أصبر على ماجاك وأرفع يدينـك
وأطلب من الرحمن يالله رجـواك
وأياك ثـم ايـاك تدمـع بعينـك
ترى دمع العين ماهـوب بـدواك
خلك صبور بوقت شـده تصيبـك
وخل العزم في حالة الضيق مبداك
والرزق عند اللي خلقنـا وكيلـك
اموزع الأرزاق يعطـي ويرعـاك
واللي عليك مسح عارق جبينـك
يعني على ماقيل تسعـى بيمنـاك
ولاجاك رزقك أشكـر الله يزيـدك
وحذراك تتكبر إلى منّـه أعطـاك
ترى التواضع من تعاليـم دينـك
واللي تواضع يرفعه رب الأمـلاك
هذي نصيحه من مجـرب يبيلـك
خير ٍ يدوم ومسلك العز بخطـاك
|
العرض الشجري
