انا اضمن لك 2مليون مقابل كل مليون اذا عملت ما اقول لك
تذهب الى تركيا او الصين في نهاية موسم الشتاء وتشتري ملابس مثلا جاكيات اطفال اللي سعره 10 دولار تجده 2دولار ولابد من الخبره طبعا
تستورد كميه منوعة
تقوم بتخزينها لمادة سته اشهر وقبل موسم الشتاء هنا بالمملكة تقوم عرضها على تجار الجمله وتبيعها بربح 200%
بين قوسين لابد من الخبره ودراسة السوق والمطلوب والاسعار هنا كي لا تشتري وانت على عماها

انا بدلي بدلوي
اذا تعرف شي بالاعلاف (البرسيم)استاجر مزارع لمدة سنه الرشاش ممكن يكون من30الف الى 40 الى 50 الف بالصيف واحصد كل 21يوم جبلك لبانة (عمال)بربع ريال للحبة وبعد ماتجف التريلات يجونك
الربح الحقيقي يجيك من شهر سبتمبر الى شهر مارس لان المحصول يطلع كل شهر ماهو زي الصيف
والتجار يخزنون من شهر جولاي يكون عندهم مستودعات واذا جاء شهر نوفمبر تعال شف كم سعر الحبه
في الصيف بتكون عليه طالعة 7ريال وقت البراد يبيعها من 25ريال
والكلام من تجربة
لكن انا ماانصح انك تخزن لان فيها احتكار لشغلة وتستغل حاجة اهل الحلال(الاغنام)
لكن انت احصد وبع وانت كسبان
شف المزارع ياطبرجل او الوادي

بالنسبة للاغنام لو بتشتري اغنام 500راس فقط ب1000ريال تطلعب500000
وافضل تكون حريات قل في السنه جابت لك ان شاء الله 1000راس بااعتبار ولدتين بالسنه
واحتمال بعضهن يجيب توام في الولدة الواحدة قل 1000ب700بالميت 700000يعني ترجع راس مالك
واوضح لك والمتابعين ان الحريات ماتاكل مثل النعيم والنجد
ويقولون غنم بيشة (الرفيديات) اقل تكلفة في الاكل وارخص في السعر
وانت ومزاجك

وفيه مشروع اخر وهو
تستاجر مزارع وتزرع بصل او بطاطس وقت الحصاد شف كم يجيب لك
لكن البصل الان انتهى موسم زراعته
وقبل كل شي استخر ربك ولن يضيعك لاانا ولاانت ولا اخوانا الموجودين معنا
اطلت عليكم سامحونا
ولاتنسونا من دعاءكم

السلام عليكم

ياغالى اذا انت من اهل المدينه ولا مكة انصحك تاخذ فندق قريب من الحرم في رمضان بس

وراح تدعيلى انا قريبي استاجر فندق قريب من الحرم بمبلغ 864000 ريال سعر الغرفه 180 عدد الغرف 160 غرفه مدة شهر

عاد كم تاجرها اقل سعر بالميت تاجرها 250 وتوصل لين 400-500 وعليك الحساب ^_*

تحياتي لك

الكثير من الردود تقول لايمكن استرجاع نصف رأس المال في عام
وأنا أقول لدي مشروع بقالة كلفني قرابة خمسون ألف ريال
والحمد لله استرجعت المبلغ كامل في عام واحد قد يزيد شهراً
أو أقل من الشهر
وفقك الله ويسر أمرك

الارااضي طيبه اشتر ب40 او 50 بعد كم سنه تحصلها صكت ال70

مشروع تأجير سيارات

وعليكم السلام ورحمة الله وبركاته ..

أفرض أني عطيتك فكرة مشروع يطلع لك بسنه 50% من راس المال تتوقع أنك بتنجح فيه ..؟!

بنسبه للشق أو العمارات بشكل عام أنا اسميها الأستثمار الطويل المضمون ..

واتوقع انك موظف مراح تجلس عند باب العماره بالكثير 8 ساعات متواصله واذا حطيت عامل يمكن يسرقك

أعرف جيدآ من جعل همه المال لم يصيب منه شيء

واذا مافيك صبر وتبي الفلوس تجيك بأقل من شهرين ترد راس مالك أضمن لك مشروع يرد لك 400%

ادفع مليون وخلال شهرين تجيب اربعه مليون في اسهل منها تجارة المخدرات !

حاول تشوف الشي المبدع فيه وحاول تسوي فيه مشروع وع قد جهدك بتنال نصيبك ولا تجعل المال همك الأول

موفق أخوي ..

مشروع كسااره او مصنع بلووك او مصنع بلاستيك