السلام عليكم ورحمة الله وبركاتة
-شباب مبروك لكم اول شيء القبول النهائي عقبال التخرج
-هنا ان شاء الله راح نتعرف على بعضنا قبل الدورة بدون استفسارات ولا نقاش مجرد تعريف بالاسم عشان يكون بينا نوع من الاخوه من بدري
- لازم لازم لازم مكون يد وحده وعلى قلب واحد مع بعضنا الين نتخرج العود كسره بسيط لكن الحزمة ما تنكسر
-شباب ما حطيت هذا الموضوع الا والله من باب محبة لزملائي الي ما بعد شفتهم
-وقبل ما انسى الله يرحم والديكم تفاعلو في الموضوع بجديه تامة وتكوين علاقة وصداقة على مدا العمر
-من الي راح يقول انا لها وان شا ء الله بتشوفوني الخوي الي ينحط على الجرح ويبرى

- ترا فصيلنا فوق 400 بشوف كم واحد يبي يصير معنا بالمجموعه

+++ قبل ما انسى اعرفكم بنفسي +++
محمد البركاني راح تعرفوني على طول انسان صوتي عالي شوي واحب اكون صداقات مع الي يبي خوتي ومن شراني بشترية والله لو بأغلى الاثمان ومن حط يده بيدي لا يمكن اتركة قبل ما نتخرج وراح نكون على الحلوة والمره سوا وان طحت سندني وان طاح انحنيت له ورفعته


- خويك خويك خويك يبان في الشدايد 45 يوم ترا تعتبر عشره وراح نفقد بعضنا في الاجازة وفي التخرج

-فلا تخلي احد يذكر الا بكل خير لا سمعوا طاريك قالو الله يوفقه دنيا واخره

ان اصبت فمن الله وان اخطيت فمن الشيطان
سبحانك اللهم وبحمدك استغفرك واتوب اليك