السلام عليكم ورحمة الله وبركاته,

انا الحمدلله توظفت براتب 5 آلاف بعد الموت ومعاناة طويلة الحمدلله والشكر على كل حال..
بس انا مطلقه وودي أفيد نفسي وأهلي لأني تقريبا الممول الرئيسي لهم والراتب ما استفيد منه ابد يعني لو فكرت اشتري شي لنفسي أروح فيها بقية الشهر.. كل شي غالي ومواصلات وإيجار ..
انا فكرت ادخل بجمعية هالشهر لأن عندي دين وابي اسدده ويمكن يبقالي منها 4 الاف وممكن 5 آلاف وأقدر ازيده اذا لقيت مشروع يسوى.
ودي بمشروع سهل ويدخل علي مدخول مرضي بصراحه تعبت ودي اسوي شي لنفسي على الأقل الاقي بيت يضفني آخر العمر.
ما ابي مشاريع محلات وبضاعه صيني ورخص وخرابيط ..
ابي مشروع راس ماله مبدأيا 8 آلاف وسهل وسريع..
انا فكرت في الأكشاك حقت البطاطس مثلا خاطري اسوي هالمشروع من زمان بس ماعندي خلفيه فيه ابدا..
ياليت تفيدوني بأي مقترح او افكار او نصيحة..
انا من سكان الدمام
وشكرا لكم اعزائي

فيه مشاريع كثيرة ولكن أن أشوف المناسب لك بيع وشراء الأسهم وأنت جالسه في البيت شفتي السهم أحمر أشتري ولما يرتفع بيعي ولو ريال واحد ....أعرف بعض الناس من أقاربي يقولي كل أكله وشربه من الأسهم والراتب حقي ما ألمسه ولا ريال واحد ....خذي الأسهم الحلال .... إذا عجبتك الفكره راح أجيب لكي موقع خاص بالشيخ الفوزان ...وراح تشوفين الأسهم الحلال الذي ينبغي عليك شرائها ...وبالتوفيق ...

انا لدي فكرة مدري تعجبك ولا لا
زمزم حاليا اليومين هذه الزمزم ماشي حاله البيع زي الحلاوة
ورمضان على الابواب شوف شركة شحن رخيصة واشحلك طلبية حلوة

او ترسلي احد الى مكة يعبيلك دينا راس مال الجالون الواحد 5 ريال
والبيع 15 ريال او 13 ريال او اثنين ب 25 عشرون ريال وهاكذا حسب الي يخارجك

ان شاء الله المكسب مضمون 100%

الله يرزقني ويرزقك من واسع فضله يارب

إذا تريدين أن تشتغلي في الأسهم ما عليكي إلا أن تفعلي المحفظه من البنك وبعد ذلك تحولين فلوسك الي المحفظه ثم تبيعي وتشتري عن طريق النت ....مثلا مثل البنك الراجحي ...تدخلي على موقع الراجحي ثم تدخلي على بوابه التداول ثم تسجلي مستخدم جديد ..وبعد ذلك تظهر لكي المحفظه وفيها خيرات بيع وشراء وكم سهم تريدين أن تشتريه وكم سهم تريدين أن تبعيه وأنتي بكفيفك ....بس طالعي في قناة العربيه وقت الإفتتاح السوق ويبدأ من الساعه 10 وحتى العصر 4 ...أدخل أول شئ 50 ريال أو 100 ريال في السوق وأشتري أي سهم ...رأس المال جنبيه على جنب وألعبي في الربح حتى تصبحي مليونيره إن شاء الله بس لا تتهوري ...فيها ربح وخساره

بالتوفيق

بالتوفيق للجميع

اي مقترحات اخرى؟