22-05-2013, 05:49 PM
|
عضو سوبر
|
|
تاريخ التسجيل: Apr 2012
الدولة: الرياض
المشاركات: 389
معدل تقييم المستوى: 365944
|
|
اقتباس:
المشاركة الأصلية كتبت بواسطة وسيم جدة
استاذ عبدالله يعلم الله اني قريت قصتك من بداية المعاناة إلى ان افرجها الله عليك ورزقك
ماشالله تبارك الله وشركتكم معرووفة وسمعتها طيبه , الله يزيدك من واسع رزقه ويرزقنا وجميع المسلمين
عندي سؤال بسيط اذا ماعليك كلافة , وانا ما احب اكثر الاسئلة وكذا لاكن حقيقة مالقيت من يعطيني الجواب الكافي عن مشكلتي
انا انسان عندي مؤسسة مقاولات عامة . جميل ؟
فـ ناخذ مشاريع بسيطة جداً مكسبها يمكن 40 إلى 70 الف وان كثرت 100 الف
ماعندنا معدات ولا شيء اذا صار المشروع نستاجر المعدات من مقاول ويسوي المشروع عننا والنص بالنص وانتا فاهم الشيء هذا بالطبع ,,
وفي الحقيقة طفشنا من هالموال وأفكر اوسع نطاق عملي شوي ,, يعني حالياً عندي مبلغ نص مليون إلى 600 ألف تقريباً على جنب , وما ادري بصراحة هل اشتري معدة ولا اثنين ؟ مثل فرادة او رصاصة حقت ازفلت ولا شيول ولا بوكلين ولا كيف ؟ ولا اشتري سطحات وأأجرها على شركات الجبيل الكبيرة ؟ ماعندي مشكلة في التوسع انا
بس المشكلة اخاف اشتري هالسطحات واتوهق فيها يعني ماتشتغل , علماً اني مااشتغل الا بعقد رسمي وكل شيء رسمي , زي ماتفضلت بالضبط
فـ عشان كذا اللي افكر فيه اني اشتري سطحتين مثلا بـ 60 ألف وراسين تريلة بـ 400 ألف كذا
طبعاً ماراح اشتري الا اذا كان عندي عقد مع شركة كبيرة واضمن ماراح يتأخرون علي كثير
واكتب بالعقد اني انا مؤسسة فلان الفلاني اتعهد بتوفير كامل المعدات المطلوبة خلال اسبوعين مثلا واذا وقعت العقد اتوكل على الله واشتري اللي ابغاه .
هذا اللي افكر فيه انا وخايف وافكر في البوكلين لكن غالي
فـ ما ادري ايش رأي شخصكم الكريم حيال هذا الأمر الـ (الشائك بالنسبة لي) بسبب قلة خبرتي
وآعذرني على الإطالة
|
التأجير مع الشركات المحترمة والمنظمة ناجح ولكن معظم الأمور الآن أصبحت فيها واسطات وعمولات وقد يقع الأنسان في الحرام
ولكن لو كنت أنت من يذهب للبحث عن الفرص ويدخل مباشرة مع الجهة وتكون الجهة شركة قوية ليست من الضعاف المتلاعبين أو المهددين في الأفلاس
أتمنى لك التوفيق
|
2Likes
العرض العادي
