تسجيل الدخول
|
|||||||
تأسس الموقع عام
2006
Site was established in 2006
|
|||||||
| الفقر هموم ومشاكل يمنع طرح مواضيع التبرعات المالية |
| موضوع مغلق |
|
|
LinkBack | أدوات الموضوع | انواع عرض الموضوع |
12-05-2012, 07:37 PM
|
|||
|
|||
وظيفة !! يافرحة ماتمت ...
السلام عليكم ورحمة الله
سوف بدأ بسرد موقف حصل لي قبل كم أسبوع مع مدير شركة متعاقدة مع منشأة حكومية وأنا بالطريق عند عودتي لمنزلي في المسا يرن الجوال رقم مسجل عندي لمدير التوظيف سبق واتصل علي ورشحني لوظيفة ليست بمجال دراستي وعلى كلامه قد تناسبني لعدم إجادتي الإنجليزية وهي لاتتطلب ذلك القدر من اللغة وكان مركز على موضوع اللغة فأخبرته بأن لدي مشكلة بالتأمينات وهي إني تقدمت لوظيفة سابقة وأرسلت أوراقي وتم تسجيلي بالتأمينات وأنا لم أوقع العقد معهم , فأجابني بأن ألغي أسمي من الشركة السابقة وحدد لي يوم لإحضار أوراقي .. وفي اليوم الموعود جمعت أوراقي مع الكثير من التفاؤل وفرحة لما أستطيع أن اخفيها على من حولي .. وانطلقت لمقر الشركة وهي بمنطقة أخرى فقمت بالإتصال على الشركة فأجابني شخص اخر وأخبرني بأن المدير لديه مشكلة ولايستطيع الحضور اليوم , تقبلت الأمر على مضض وقررت بأن استغل وجودي بالمنطقة للتحري عن أسعار الشقق وبعدها عدت لمنزلي .. واتصلت بهم اليوم الثاني فأجابني المدير قلت له أنا فلانة وسألته متى أحضرلك أوراقي فسألني: مين؟؟ مين فلانة ؟؟ فقلت له : انت اعطيتني موعد بالأمس لأحضار أوراقي ولكنك لم تكن متواجد فقال لي : انتي إللي عندك مشكلة بالتأمينات . قلت له : نعم والحمدلله لغيت اسمي من الشركة إللي سجلتني . رد على والله أنتي تأخرتي والوظيفة تم توظيف أحد الأخوات عليها . من صدمتي ماحبيت أتجادل معه واقوله انا ماتأخرت انت إللي حددت لي يوم وماجيت قلت له :طيب مشكور مع السلامة . وهنا أرجع ليوم ما لقيت رقم الشركة إللي مسجلته عندي يتصل علي للمره الثانية وأنا بالطريق لبيتي . رديت وهو نفسه مدير التوظيف السابق ذكره السلام عليكم وعليكم السلام الأخت فلانة بنت فلان نعم معاكي الشركة الفلانية أنت مرشحة لوظيفة أخصائية تغذية وبكرة عندك مقابلة شخصية مع فلان الساعة والمكان .. طيب إن شاء الله مع السلامة فرحت للمره الثانية بس هاذي المره الفرحة كانت غير وظيفة في مجال دراستي وهم كلموني قبل عارفين كل مؤهلاتي ورغم كذا قررو يوظفوني .. أخيرا راح اتوظف وأخيرا راح أخذ الخبره واستأجر الشقة إللي شفتها المره السابقة وراح ادخل أولادي الروضة الفلانية واشتريلهم إللي وعدتهم بيه وأرد الديون إللي عليه واكمل ماستر موازي وووووو ...... فرحـــــــــت لكن لم أخبر أحد حتى لو ماتم الموضوع ماأتفشل كالسابق . كان ذاك اليوم طويييييل وأنا جالسة احضر نفسي وأقرأ عن تخصصي وأرتب أوراقي بملفي وأجهز لبسي ونمت وصحيت قبل الموعد بكثييير وذهبت للمقابلة ولكن هاذي المره كانت بالمستشفى ودخلت القسم سألت عن الشخص إللي أخبرني عنه فأرسلني للمدير السابق فقلت بيني وبين نفسي يالله أفضل , شخص سبق وكلمني وعرف مؤهلاتي : دخلت السلام عليكم : وعليكم السلام الأخت فلانة : نعم : كيف الحال : الحمدلله : تتكلمي انقلش : لا والله : ايش ؟؟ ماتتكلمي انقلش!! : لا يادوب معايا مستوى ثاني : طيب انتي كاتبة في السي في عندك دورة انقلش وعلى دا الأساس اتصلنا عليك . : ايوا اخدت دورة بس المستوى الثاني وأنا محدده مستوايا على أمل اكمل باقي المستويات للدبلوم . : وأنا لسى راح استناكي تكملي ؟؟ ليش كاتبه في السي في ولا بس تجميع شهادات , هاذي مشكلتنا بالسعودية . : طيب ياأخويا انت قبل هالمره كلمتني وأنا قلتلك إني مااجيد الإنجليزي لكن إن شاء الله الواحد تتطور لغته مع ممارست العمل . : ماصار عمل صارت حصة انقلش وأنا عارف إيش قلت .. أهم شي اللغة في الوظيفة ذي . : طيب انت قبل كلمتني وسألتني عن لغتي وقلت لك ورغم كذا قلت جيبي أوراقك للوظيفة إللي قبل ذي. سكت والظاهر رجعت ذاكرته انا قلت لك عن ذيك الوظيفة لأنها ماتتطلب ذاك القدر من اللغة . ماحبيت اعلق ع الموضوع واحرجه رغم سوء اسلوبه في الكلام وكمل انا قبل وظفت وحده كذا نفس وضعك تعبت وماقدرت تكمل والبنات الباقيات كلهم يتكلموانقلش قلت له : انا لو ماني بحاجة الوظيفة ماكان قدمت وأنا إن شاء الله أحاول اطور لغتي بممارسة العمل . على بال تتطور لغتك كم مره راح تغلطي . : طبيعي أي شخص يغلط ويتعلم من غلطه , يعني معقول كل البنات إللي بالقسم مايغلطو ابدا . : لا مايغلطو روحي اسألي أي وحده فيهم كلهم يتكلمو انقلش وترا متوظفين مالهم شهر. رجعت سألته : مايغلطو ابدا . قالي : بالنسبه لي انا كوظيفة لا محد يغلط . انا قبلك وحده جاتني عندها خبره 10 سنين بس ماتتكلم انقلش وبعدها اكتشفت انها ماخده الخبره من مستشفى الولادة مستشفى ابو أي كلام لوتبغي تلاقي كتير ممكن يقبلوكي . : طيب من كلامك انك اعطيت فرصة لغيري . : تدري إننا نخسر على الموظف السعودي فوق 100 ألف عشان ندربه ونهيأه للعمل أما الأجنبي اخسر فيه قد ما أخسر اقدر أجبره يستمر معانا , لكن انت إيش إللي يضمني بعد ماندربك ونخسر فيك تلاقي فرصة أفضل وتتركينا . : في شي اسمو عقد . : لا العقد ممنوع من مكتب العمل والعمال نكتب فيه إني اجبرك تستمري معانا. سكت ومسكت ملفي وفي دقيقة طالعت لمؤهلاتي ورجعت طالعت فيه وأنا دمي يغلي في عروقي كنت متمالكة اعصابي بقوة لأنه شخص مستفز جدا .. : قلت له : طيييب . سألني : ايش تعرفي عن الدايتشن؟ : نعم ؟ وايش الدايتشن ؟ ورجعنا للسيناريو إللي من الصباح قاعدين نتكلم فيه : ماتعرفي الدايتشن ؟؟ الداتيشن كمان ماتعرفيه ؟ خلاااااااااااص هنا نفسي طاااااااااابت منه واعصابي بدأت تفلت مني : لامااعرف الدايتشن انت قولي ايش يعني ؟ : الدايتشن يعني اخصائية وايش الناتريشن لاتقوليلي كمان ماتعرفي الناتريشن!! : قلتله انا من البداية قلت لك مااعرف انقلش تقوم تقولي مصطلحات التغذية بالإنقلش احنا اساسا دارسين كل شي بالعربي وانا مااشتغلت من قبل عشان يكون عندي خلفية , صحيح اتدربت مع اخصائيات وفنيات لكن طول فترت التدريب مااتكلمو بالإنقلش الموضوع مايحتاج .. : طيب ايش كنتو تسوو . قلت له : الشي الوحيد إللي بالإنقلش موضوع الدايت لست ودخول المرضى نورمل دايبتك لو سولت .... إلخ . : هو دا الشي إللي مضيعكم لا هنا شغل على اوسع واكبر كيف تتعاملي مع زميلاتك. قلت له : انا قبل شوي كنت قاعده مع البنات كلهم سعوديات ويتكلمو عربي احنا مو قاعدين بدولة اجنبية ولازم اللغة , عمرنا ماراح نتطور إذا كان تفكيركم كذا ابن البلد تعقدوه وماتعطوه فرصة يثبت نفسه . قالي : طيب انا اعطيكي فرصة ايش يضمني ماتتركينا قوليلي ايش يضمني ؟ قلت له : ماعندي أي ضمان بس انا محتاجة الشغل ومستحيل افرط فيه . سكتنا شوية مسك السي في قالي من فين اخدتي شهادتك ؟ كيف اخدتيها ؟ انت دارسه ؟ قلت له : لا مادرست .. قالي : ايش مادرستي ؟؟ حس إني قلتها بسخريه قالي : دحين انا قاعد اسألك لاتقعد تتريقي علي . قلت له : انت ماشفت اسلوبك في الكلام حسستني إني جيتك بإبتدائية .. سألني : ايش انواع الأخصائيات طالعت فيه نظرة ماأعرف من فين يجيب الأسئلة ذي !! قلت له : ايش تقصد إللي اعرفه في القسم رئيس قسم - مدير موقع- أخصائيات- فنيات – موزعين .. اما انواع الأخصائيات ماقد مرت عليا ولاافتكر إني درست شي زي كذا . قالي : في اخصائيات درسو ونفس اللي درستيه دحين اجيبلك وحده فيهم تجاوبك قام من مكتبه وخرج وثواني رجع لوحده واصلا كل المقابلة جاب لأهلي القلق يقوم ويقعد ويرتب الأوراق اللي قدامه ويرجع يدخلها بالدرج ويخرجها ويمسك الشنطة ويرجع يتركها .. قلت له : لو مالي وظيفة قول خليني امشي. قالي : بتمشي ؟؟ قلت له : ايوا حسيت كأنه نفسه يقولها من أول بس موعارف كيف قالي : الله يوفقك ويسهلك . قلت له : شكرا وخرجت وأنا محطمة ومكسورة أطلع بالقسم ليش ماأتوظف عشان شرط تافه شرط اللغة ؟ اتنازل عن طموحي بتطوير نفسي في مجال دراستي ومااكمل تعليمي وماحسن وضعي المعيشي عشان لغة ؟ أنحرم وأحرم أولادي من أشياء كثير نفسنا فيها عشان لغة ؟ بالنسبة لمدير التوظيف الظاهر انه كان محصن نفسه لأني كنت بأسوء حالاتي من الضغوط النفسية إللي بكل مكان محاصرتني ورغم كذا ربي كان منزل علي هدوء غريب حتى وانا بتجادل معاه .. الحمدلله إني ماأرتكبت فيه جريمة في ذيك المقابلة الفاشلة مقارنة بالمقابلات الشخصية اللي اجريتها بمستشفيات على مستوى زي القوات المسلحة والأهم كانو استشاريين واخصائيين في القسم يعني فاهمين ايش بيقولو والله ماسألوني هاذي الأسئلة , كانت الأسئلة بالعربي وفي مجال عملي والمحزن بالموضوع انهم اجانب .. اما هاذا المدير سعودي وشاب يعني مااتوقع له سنوات خبره في مجال عمله , اقترح انه الشركة بدل ماتخسر في الموظف السعودي 100 الف تخسر في مدير التوظيف 500 ريال تعطيه دورات في تطوير الذات و فن التعامل والتواصل مع الأخرين .. لأن من اسلوبه شخص سلبي ومحبط للعزيمة ومحب للجدال ولايعطي فرصة للطرف الأخر يبدي رأيه فقط هو يتكلم ويسمع نفسه ولايملك أي خلفيه عن القسم غير انه يوظف إللي معاه لغة حتى لو موفاهم إيش طبيعة العمل , ومع القليل من التفكير اتضح لي انه ربما كان يريد الضمان لأستمر معاهم أن اجثو وأقبل قدميه وأرجوه بأن يوظفني فهو يعلم جيدا أنني لاأملك أي ضمانات وكان بإمكانه ببساطة ان يعتذر عن وجود وظيفة شاغرة تناسب مؤهلاتي على الأقل لما تكبدته من عناء الحضور من منطقتي .. المشكلة حين ترغب الفتاة في البحث عن العمل يغلق بوجهها عدة ابواب وتفتح مئات الأبواب الأخرى المشبوهه ومنها وظيفة تم اختيار 3 متقدمات وأنا أحداهن من اصل 17 متقدمة بعد عمل مقابلتين شخصية , وفي اول يوم مباشرة اخبروني بأننا بعد اسبوع سنذهب للأردن لأخذ دورة تفيدنا في مجال عملنا ولكن .. بدون وجود محرم والقروب كله رجال وقسم السيدات جديد وعددنا لايزيد عن اصابع اليد الواحده , وغيرها الكثير من الوظائف التي لاتقل عنها , فهل افرط وابيع اخرتي مقابل بضع ريالات في هذه الدنيا.. الحمدلله الحمدلله الحمدلله على كل حال الإنسان يزعل ويتكدر وتنعكس حالته النفسيه على من حوله بسبب أمور تعلق بها وبنى عليها الكثير من الأمال والأحلام المؤجلة وقد يزداد ألما حين يجلب للدنيا أفراد يعجز عن توفير أهم مقومات الحياة لهم سكن يأويهم إذا أراد الله ان يأخذ أمانته ووسيلة مواصلات لاتبدأ بالتقسيط المنتهي بالتوريث ليتحملو أعباء الديون المتراكمة , وبيئة صحية تساعد على إنشاء جيل يسمو بالأخلاق والعلم .. ((( اللهم لك الحمد حمدا كثيرا كما ينبغي لجلال وجهك وعظيم سلطانك ))) |
|
12-05-2012, 10:32 PM
|
|||
|
|||
|
ربي يعوضك باحسن منها ويفرجهها عليك .. |
|
12-05-2012, 11:20 PM
|
|||
|
|||
|
الله يعوض عليك |
|
12-05-2012, 11:40 PM
|
||||
|
||||
|
ربي يعووضك و يفرجك عليك و علينااا |
|
13-05-2012, 01:34 AM
|
||||
|
||||
|
الله يعوظك احسسن منها |
|
13-05-2012, 02:34 PM
|
|||
|
|||
|
أشكر كل من مر على موضوعي وعطره بدعوة صادقة |
|
13-05-2012, 02:48 PM
|
|||
|
|||
|
الشكوى لله |
|
14-05-2012, 02:07 AM
|
||||
|
||||
|
يمكن كلها خيره لك |
| موضوع مغلق |
|
(( لا تنسى ذكر الله )) |
|
|
| أدوات الموضوع | |
| انواع عرض الموضوع | |
|
|
العرض العادي
